Greiðslur í séreignarsparnað eru dregnar af launum þínum fyrir skatt. Greiðslur úr séreignarsparnaði sem innágreiðslur á íbúðalán eða sem útborgun á íbúð eru ekki skattlagðar. En hefðbundnar útgreiðslur þ.e. útgreiðslur eftir 60 ára eru skattlagðar eins og laun.

Ekki er greiddur fjármagnstekjuskattur vegna ávöxtunar sem þú ávinnur þér á sparnaðartímanum.

Við fráfall er ekki greiddur erfðafjárskattur af séreignarsparnaði.

Já, þú getur breytt um ávöxtunarleið og óskað eftir flutningi á núverandi eign.

1. Einfaldast er að fara inn á sjóðfélagavef Landsbankans og breyta um ávöxtunarleið.
2. Þú getur pantað tíma hjá ráðgjafa eða haft samband í síma 410 4040.

Flutningur er framkvæmdur tvisvar í mánuði, 10. og 25. hvers mánaðar og þarf beiðni að berast að minnsta kosti 5 dögum fyrir flutningsdag. Þú mátt flytja inneign á milli ávöxtunarleiða Landsbankans tvisvar á 12 mánaða tímabili. Enginn kostnaður er vegna flutnings á inneign í séreignarsparnaði.

Já, ef þú færð greidd laun á Íslandi er þér frjálst að greiða séreignarsparnað.

Þeir sem eru með kjarasamning ASÍ og SA geta ráðstafað 3,5% í svokallaða tilgreindra séreign sem erfist líkt og annar séreignasparnaður.  Tilgreind séreign er laus frá 67 ára aldri, en hægt er að sækja um jafnar greiðslur frá 62 ára aldri.

Greiðslur úr séreignarsparnaði hafa ekki áhrif á grunnlífeyri frá TR. Séreignarsparnaður getur þó haft áhrif á greiðslur frá TR þegar um er að ræða uppbót á lífeyri. Við hvetjum þig til þess að hafa samband við TR ef þú ert í vafa.