Sparaðu fyrir útborgun

Vinsamlegast leiðréttið eftirfarandi

    Villa

    Hagstæðasta leiðin til að spara fyrir fyrstu íbúð

    Þeir sem vilja eignast sína fyrstu íbúð geta nýtt greiðslur í viðbótarlífeyrissparnað sem útborgun við íbúðakaup eða niðurgreiðslu íbúðalána. Greiðslurnar eru skattfrjálsar og þú færð mótframlag frá vinnuveitanda sem þú getur einnig notað til íbúðakaupa.


     

    Umsókn um viðbótarlífeyrissparnað

    Húsnæðismál á Umræðunni

    Viðbótarlífeyrissparnaður og fyrstu kaup:

    • Viðbótarlífeyrissparnað má nýta skattfrjálst í 10 ár til íbúðakaupa eða til að greiða inn á lán.
    • Launagreiðandi greiðir þér 2% af launum inn á sparnaðinn sem er í raun eins og launahækkun.
    • Hámarkssparnaður er 4% af launum frá launþega auk 2% frá launagreiðanda.
    • Einstaklingur getur að hámarki nýtt 5.000.000 kr. en sambúðarfólk eða hjón 10.000.000 kr. við kaup á fyrstu eign.
    • Árlega geta einstaklingar nýtt 500.000 kr. og sambúðarfólk eða hjón 1.000.000 kr. við kaup á fyrstu eign.
    • Allir sem eru að kaupa sína fyrstu eign geta nýtt sér þessa leið.
    • Til að fullnýta heimildina þarf einstaklingur að hafa 694.000 kr. í heildarlaun til að ná að hámarka árlegar fjárhæðir.

     

    Ungt fólk og íbúðamarkaðurinn

    Landsbankinn í samstarfi við Útvarp 101 fékk Pétur Kiernan, 22 ára háskólanema, til að kynna sér íbúðamál ungs fólks, kosti þess að leigja og kaupa, húsnæðissparnað og viðbótarlífeyrissparnað.

    Í fjórum stuttum þáttum ræðir Pétur við ungt fólk um reynslu þeirra á íbúðamarkaði og spjallar einnig við Ara Skúlason hagfræðing hjá Landsbankanum um stöðu mála á húsnæðismarkaði.

    Nánar á Umræðunni

     

    Reiknaðu út hve mikið þú getur sparað í útborgun

    Mánaðarlaun fyrir skatt
    Þitt framlag í viðbótarlífeyrissparnað
    Sparnaðartími í árum
    Reglubundinn sparnaður á mánuði
    Eftir 10 ár gætir þú átt 2.520.000 kr.
    Reiknivélin miðar við forsendur fyrir einstakling og er til viðmiðunar. Í útreikningum er miðað við 3,5% ávöxtun á reglubundnum sparnaði en ekki er tekið tillit til ávöxtunar á viðbótarlífeyrissparnaði.

    Reglubundinn sparnaður færir þig hraðar að markinu

    Með því að leggja reglulega fyrir, til viðbótar við viðbótarlífeyrissparnað, myndast samlegðaráhrif sem geta stytt tímann umtalsvert sem það tekur að safna fyrir íbúð. Landsbankinn býður fjölbreytta sparnaðarmöguleika, sparnaðarreikninga og sjóði til lengri og skemmri tíma, allt eftir því hver markmiðin eru.

    Fá sparnaðarráðgjöf

     

    Hvaða áhrif hefur viðbótarlífeyrissparnaður á útborguð laun?

    kr.
    0 kr.
    0 kr.
    0 kr.
    0 kr.
    Athugið að viðbótarlífeyrissparnaður er frádráttarbær frá skattskyldum tekjum við innborgun, en greiddur er tekjuskattur við útborgun og við útgreiðslur má nýta ónýttan persónuafslátt.

     

    Umsókn og ráðstöfun

    Fyrsta skrefið til að safna fyrir íbúð með þessum hætti er að skrá sig í viðbótarlífeyrissparnað. Þegar svo kemur að úttekt á uppsöfnuðum iðgjöldum vegna kaupa á fyrstu íbúð þarf að senda rafræna umsókn um slíka ráðstöfun viðbótarlífeyrissparnaðar hjá ríkisskattstjóra innan tólf mánaða frá undirritun kaupsamnings. Sama gildir um ráðstöfun iðgjalda inn á húsnæðislán.

     

    Greiddu inn á íbúðarlánin með viðbótarlífeyrissparnaði

    Þeir sem ekki nýta eða fullnýta þau 10 ár sem heimilt er að safna fyrir útborgun í íbúð geta nýtt viðbótarlífeyrissparnaðinn til að greiða inn á íbúðalánið sitt. Þú nýtur áfram skattfrelsis og mótframlags, sparar vaxtabyrði í framtíðinni og lækkar verðbætur ef lánið er verðtryggt.

    Nánar um íbúðalán

    Ekkert lántökugjald og 85% veðhlutfall

    Landsbankinn býður hagstæð kjör og lánar allt að 85% af kaupverði fasteignar. Viðskiptavinir sem eru að kaupa sína fyrstu fasteign greiða ekkert lántökugjald.

    85% lánshlutfall