PIN númer

Hvað er PIN númer?

PIN númer er fjögurra stafa númer sem fylgir greiðslukortum. PIN númerið er notað til þess að staðfesta greiðslur með greiðslukortum Landsbankans. Ekki þarf að notast við PIN númer fyrir greiðslur undir 7.500 kr. ef greiðslukort er með snertilausri virkni nema öðru hvoru í öryggisskyni. Ekki þarf að nota PIN-númer þegar greitt er með Gjafakorti Landsbankans.

Örugg kortaviðskipti

Þegar korthafar greiða fyrir vörur og þjónustu með því að nota örgjörvann og PIN númerið eða snertilausa virknina skulu þeir ekki láta kortið af hendi. Þegar notast á við PIN númerið skal korthafi sjálfur setja kortið í posann og staðfesta viðskiptin með því að slá inn PIN númerið þannig að aðrir sjái ekki númerið. Sé upphæð 7.500 kr. eða lægri er hægt að greiða snertilaust og þá skal korthafi sjálfur leggja kortið að posanum og bíða staðfestingar.

Nálgast PIN

Korthafar geta nálgast PIN númer fyrir Visa kredit-og debetkort í netbanka einstaklinga, fyrirtækjabankanum og á farsímavefnum, L.is.

PIN númer kreditkorta

  • Á „síðan mín“ eða á „forsíðu netbanka fyrirtækja“ er farið í aðgerðahnapp kortsins. Finnið kortið og ýtið á hnappinn „Sækja PIN“.
  • Á L.is er farið í „Kreditkort“. Veljið kortið og ýtið á hnappinn „Sækja PIN“.

Hægt að óska eftir útprentuðu PIN-bréfi sent á lögheimili með því að hafa samband við Landsbankann í síma 410 4000 eða með því að senda tölvupóst á landsbankinn@landsbankinn.is.

 

Varðveitið PIN-númerið á öruggan hátt

PIN númerið þarf að varðveita á öruggan hátt, ekki geyma það á miða í veskinu eða á öðrum stað þar sem þjófar gætu nálgast það. Aldrei skal segja neinum hvert PIN númerið er. Komist óprúttnir aðilar yfir kortið og PIN númerið og nota kortið, ber korthafi ábyrgð á úttektum. Leggja skal PIN númerið á minnið og tilkynna strax ef kortið glatast.

  • Þjónustuver Landsbankans 410 4000
  • Þjónustuver Valitor 525 2000

Netbanki einstaklinga

Á "Síðan mín" er farið í aðgerðarhnapp á þeim reikningi sem kortið tengist. Ýta á hnappinn og velja „Sækja PIN“.

Á Bankareikningar er valinn sá reikningur sem kortið tengist. Smella á PIN-hnappinn.

 

Farsímabankinn L.is

1. Velja „Bankareikningar“.

 

2. Velja viðkomandi reikning.

3. Velja "Sækja PIN".

 

4. Smella á „Sækja PIN“.

Netbanki fyrirtækja

Fara í „Stillingar“ á vinstri spássíu og velja „Sækja PIN“.

Þar birtast kort viðkomandi aðila. Velja kortið og smella á „Sækja PIN“ hnappinn.