Mik­il­vægt að afla sér stöð­ugt nýrr­ar þekk­ing­ar

Það eru til ótal margar og mismunandi leiðir til að afla sér þekkingar, hvort sem það tengist starfi eða einkalífi. En af hverju er sérstaklega mikilvægt á vinnumarkaði í dag að huga markvisst að því að halda áfram að læra?
9. október 2018

Samfélög, hagkerfi og tækni hafa gengið í gegnum gífurlega hraðar breytingar á síðari áratugum 20. aldar og á 21. öld. Þær hafa þegar haft og eiga eftir að hafa mikil áhrif á vinnustaði. Til dæmis hefur hreyfanleiki í atvinnulífinu aukist vegna þess að fólk skiptir oftar um vinnu og starfssvið en áður. Áður fyrr leitaði fólk meira í stöðugleika í starfi og skilgreindi sig jafnvel á margan hátt út frá starfi sínu. Í dag er algengt að fólk skipti um vinnu ef það er óánægt og leiti sér að starfi sem veitir því hamingju og uppfyllir þarfir þeirra. Umræðan um að störf séu að hverfa og breytast út af hröðum tæknibreytingum hefur einnig verið áberandi. Sú færni að hafa getu og hæfni til að byggja upp sína eigin þekkingu á markvissan hátt, er því orðin mjög mikilvæg til þess að ná árangri  á vinnustöðum nútímans.

Tökum ekki endilega eftir því þegar við lærum

Þegar talað er um nám eða sögnina „að læra“ er líklegt að það fyrsta sem komi upp í hugann sé hin hefðbundna kennslustofa með borðum, stólum og nemendum sem glósa efnið og þekkinguna sem kennarinn miðlar til þeirra. Þetta hefðbunda form er sannarlega ennþá hluti af námi en er bara ein leið af svo ótal mörgum til að afla sér þekkingar. Hvern einasta dag nýtum við þessar fjölmörgu og fjölbreyttu leiðir en við tökum bara ekki eftir því. Við erum að læra á óformlegan hátt og ómeðvitað. Til dæmis þegar við lesum grein á netinu, horfum á YouTube eða spjöllum við samstarfsfólk. Við lærum eitthvað nýtt af öllum þessum upplifunum án þess að hugsa um það á þann hátt að við séum að öðlast þekkingu. Ef við hugum hins vegar markvisst að því að sækja þekkinguna, hvort sem er á formlegan hátt (t.d. með því að sitja námskeið) eða óformlegan (horfa á fyrirlestur á YouTube) þá getur ávinningurinn orðið mikill fyrir okkur, bæði í okkar faglegu og persónulegu þróun.

Tökum frá tíma til að læra

Lykillinn er að huga markvisst að fræðslunni og búa sér til tíma til að sækja hana. Spyrja sig og leita svara við spurningum eins og: Hver eru markmiðin mín og hvert stefni ég? Hvað kann ég og hvar liggja styrkleikar mínir? Hvaða færni þarf ég að hafa til að halda í við nútímann og svo framvegis. Það er hægt að ákveða eitt kvöld í viku þar sem sest er upp í sófa undir teppi með góða bók eða lesbretti, hlusta á hlaðvarp eða hljóðbók í göngutúrnum og í strætó og svo framvegis.

Erum ekki stanslaust að byrja upp á nýtt

Að vera meðvitaður um að afla sér þekkingar þýðir ekki að við séum stanslaust að byrja upp á nýtt. Við erum einungis að byggja ofan á það sem við búum að nú þegar, samþætta nýja þekkingu við þá sem fyrir er. Við búum alltaf að því sem við höfum lært í lífi og starfi. Sumir eru með fimm háskólagráður á meðan aðrir eru með 40 ára starfsreynslu, sumir eru með hvoru tveggja og enn aðrir eru að stíga sín fyrstu skref á vinnumarkaðnum eftir útskrift. Að öðlast þá færni, að byggja upp eigin þekkingu á markvissan hátt, er eitthvað sem við erum öll fær um. Ekki bara þau sem yngri eru og með tæknina á hreinu, uppfull af nýjum hugmyndum. Fólk sem er með t.d. 20-40 ára starfsreynslu býr að gríðarlega mikilli þekkingu sem er ómetanleg fyrir vinnustaðina og mikils virði fyrir aðra að læra af. Það er aldrei of seint eða of snemmt fyrir neinn að byggja upp sína þekkingu og stýra þannig eigin þróun í lífi og starfi.

Sjá einnig

Átta góðar ábendingar fyrir atvinnuviðtalið

Mikilvæg fyrstu kynni við tilvonandi vinnuveitanda

Þú gætir einnig haft áhuga á
Fasteignir
2. sept. 2022

Ætti ég að festa vextina á íbúðaláninu mínu?

Seðlabankinn hefur á árinu 2022 hækkað stýrivexti, úr 2% í 5,5% en lægstir voru stýrivextir 0,75% á árinu 2021. Þegar vextir byrjuðu að hækka varð algengara að fólk festi vextina, í 3 eða 5 ár. Í þessari grein er fjallað um muninn á föstum og breytilegum vöxtum og hvað þarf að hafa í huga þegar ákvörðun um lánsform er tekin.
2. sept. 2022

Hvaða áhrif hafa vaxtahækkanir á lánin mín?

Hærri stýrivextir leiða til þess að vextir og mánaðarleg greiðslubyrði á lánum sem eru með breytilega vexti hækka. Þetta á meðal annars við um neytendalán á borð við yfirdrátt og greiðsludreifingu á kreditkortum en mestu munar þó yfirleitt um íbúðalánin.
26. ágúst 2022

Kaup í sjóðum getur verið einfaldasta leiðin til að dreifa áhættunni

Sjóðir eru í stuttu máli safn margra fjárfestinga og er ætlað að einfalda fólki dreifingu eigna til að draga úr áhættu og sveiflum. Margar tegundir sjóða eru í boði og fylgja þeir ólíkum markmiðum. Sumir sjóðir stefna til dæmis að því að lágmarka áhættu eða sérhæfa sig í tilteknum atvinnugreinum eða hugmyndafræði, s.s. sjálfbærni.
26. ágúst 2022

Hvernig kaupi ég hlutabréf?

Það er mjög einfalt að kaupa hlutabréf. Til dæmis er hægt að fjárfesta í hlutabréfum einstakra félaga og margskonar sjóðum í netbanka Landsbankans og í Landsbankaappinu á einfaldan hátt og fylgjast þar með þróun fjárfestingarinnar.
26. ágúst 2022

Fyrstu skrefin í verðbréfafjárfestingum

Áður en byrjað er að fjárfesta í verðbréfum er mikilvægt að hafa ákveðin lykilatriði á hreinu og vera meðvituð um áhættuna.
15. júní 2022

Hvað á að borga fyrir barnapössun?

Stundum þurfa foreldrar að skreppa eða geta ekki sótt börn á réttum tíma vegna vinnu eða náms. Sumarnámskeið eru líka yfirleitt styttri en vinnudagur. Því þarf stundum að redda pössun. En hvað á að borga á tímann fyrir barnapössun?
10. júní 2022

Hafðu bankann í vasanum í sumarfríinu

Þú getur nýtt þér nánast alla þjónustu bankans í símanum og tölvunni. Í þessari grein er fjallað um nokkrar algengustu aðgerðirnar í appinu og netbankanum sem geta komið sér vel í sumarfríinu.
17. maí 2022

Viltu spara hluta af sumarlaununum þínum?

Það skiptir flesta máli að fá góðar tekjur af sumarvinnunni og eiga sem mest eftir í lok sumars. Hér fjöllum við um nokkur atriði sem er gott að hafa í huga þegar þú ræður þig í sumarvinnuna og vilt byrja að spara.
Evrópsk verslunargata
11. apríl 2022

Góð ráð um kortanotkun og greiðslur í útlöndum

Við mælum með að fólk greiði með snertilausum hætti þegar það er á ferðalagi erlendis, annað hvort með Apple Pay, kortaappinu eða með því að nota snertilausa virkni kreditkorta. Það er samt enn nauðsynlegt að taka kortin sjálf með í ferðalagið.
Strákar með hjólabretti
7. apríl 2022

Hvað á að gera við fermingarpeninginn?

Áður voru fermingargjafir oft eigulegir gripir sem hjálpuðu fermingarbarninu inn í nýtt tímabil ævinnar – skatthol, pennar, orðabækur, merkileg skáldverk, hljómtæki, tjöld, armbandsúr eða ferðatöskur.
Vefkökur

Með því að smella á “Leyfa allar” samþykkir þú notkun á vefkökum til þess að auka virkni vefsins, greina vefnotkun og aðstoða við markaðssetningu.

Nánar um vefkökur