Fyrirtæki: Spurt og svarað

Hægt er að senda tölvupóst á fyrirtaekjamidstod@landsbankinn.is. Í tölvupóstinum þurfa að koma fram upplýsingar um viðskiptavin, s.s. nafn og kennitala, sem og upplýsingar um hvers konar reikning óskað er eftir.

Fyrirtæki á höfuðborgarsvæðinu geta farið með umsóknir í Borgartún 33. Á 2. hæðinni (gengið inn að aftan) er skjalakassi þar sem hægt er að skila inn umsóknum. Fyrirtæki utan höfuðborgarsvæðisins hafi samband við sitt útibú og fái nánari upplýsingar þar.

Fyrirtæki á höfuðborgarsvæðinu geta skilað inn lánaskjölum og öðrum gögnum í skjalakassa á 2. hæðinni í Borgartúni 33 (gengið inn að aftan).

Fyrirtæki geta líka í vissum tilfellum skilað inn skjölum í Hafnarstræti 5, en eingöngu að höfðu samráði við sinn tengilið innan bankans.

Fyrirtæki utan höfuðborgarsvæðisins hafi samband við sitt útibú til að fá nánari upplýsingar.

Hægt er að leggja inn reiðufé (seðla) í þar til gerðum hraðbönkum sem staðsettir eru í fjölmörgum útibúum bankans.

Hægt er að kaupa þjónustu hjá Securitas eða Öryggismiðstöðinni sem sér um að skila innleggjum til Seðlavers bankanna þriggja. Ath. þeir sem ekki hafa áður skilað inn pokainnleggjum þurfa að kynna sér og fylla út eyðublað sem heitir kassauppgjör.

Fyrirtæki á höfuðborgarsvæðinu geta líka farið með innlegg í hólf í þar til gerðum innlagnarpokum í útibú bankans í Mjódd, Borgartúni (inngangur bakvið hús) og Austurstræti.

• Skila þarf með innleggi svokölluðu kassauppgjöri.
• Þegar búið er að fylla út viðeigandi eyðublað um kassauppgjör er uppgjör ásamt innleggi sett í pokann. Síðan lokar viðkomandi aðili pokanum og setur hann í hólfið.
• Þeir aðilar sem ekki hafa skilað pokainnleggi áður þurfa að fylla út eyðublaðið sem heitir "Uppgjörsblað fyrir innlegg utan höfuðborgarsvæðis og nýja aðila".

Fyrirtæki á landsbyggðinni hafi samband við sitt útibú til að fá nánari upplýsingar.

Innlagnarpokar má fá í öllum úitbúum á höfuðborgarsvæðinu.

Þú getur sótt um kreditkort með einföldum hætti í appinu og í netbanka fyrirtækja.

Nánar um kreditkort fyrirtækja

Hægt er að sækja app í farsíma sem hafa iOS og Android stýrikerfi.

Myntrúllusjálfsalar eru aðgengilegir í andyri útibúsins í Mjódd, Borgartúni 33 og í útibúinu i Reykjanesbæ (Krossmóum 4a). Myntrúllusjálfsalarnir taka við öllum seðlum en ekki kortum (hægt að sækja sér seðla með korti í hraðbanka á sama stað). Einnig er myntrúllusjálfsali aðgengilegu á Akureyri á opnunartíma útibúsins.

• Gefa til baka í seðlum og mynt
• Skipta í 500 og 1.000 (hægt að skipta t.d. 10 þús.kr. seðli í 500 kr. seðla)
• Allar tegundir af mynt (1 kr., 5 kr., 10 kr., 50 kr., 100 kr.)

Fyrirtæki á landsbyggðinni hafi samband við sitt útibú til að fá nánari upplýsingar.

Hægt er að senda tölvupóst á fyrirtaekjamidstod@landsbankinn.is með upplýsingum um félagið, nýja notandann og hvers konar aðgang sótt er um. Prókúruhafi eða framkvæmdastjóri þurfa að samþykkja stofnun nýs notanda.

Ef til staðar er virkur aðgangsstjóri með aðgang að netbanka félagsins, getur hann stofnað aðgang fyrir nýja notendur.

Rafræn skilríki eru persónuskilríki sem notuð eru í rafrænum viðskiptum. Það þarf að mæta á staðinn til að virkja rafræn skilríki og við biðjum þig því um að panta tíma svo hægt sé að virða samkomutakmarkanir.

Panta tíma

Sótt er um á vef Auðkennis. Þar er valið hvert skilríkið er sent til að láta virkja það. Ef valið er að senda það til Landsbankans, þarf að fara á ytri vef bankans og panta þar tíma eins og lýst er í spurningunni hér að ofan um virkjun rafrænna skilríkja.

Hægt er að fara á vefslóðina www.landsbankinn.is/skra-skilriki. Þar slærðu inn símanúmerið þitt og auðkennir þig með PIN.

Þú kemur með veðleyfið í viðkomandi útibú og skilur þau eftir til undirritunar. Haft verður samband þegar þau hafa verið undirrituð og hægt er að afhenda þau.

Boðið verður upp á sérstaka þjónustu fyrir fasteignasölur, bílasölur og bílaumboð eftir nánara samkomulagi.

 Í nokkrum hraðbönkum á Höfuðborgarsvæðinu má nálgast 500 krónu seðla:

- Iceland verslun, Staðarbergi 2-4, Hafnarfirði – á afgreiðslutíma verslunar
- Hólagarði, Lóuhólum 2-4 í Breiðholti – á afgreiðslutíma verslunar
- Útibúinu í Vesturbæ, aftari hraðbankinn, sá sem er í veggnum. – allan sólarhringinn
- Útibúinu í Borgartúni, í myntrúllusjálfsala – allan sólarhringinn