Fréttir

15. apríl 2019 13:35

Landsbankinn og Félagsstofnun stúdenta framlengja samstarfssamning

Lilja Björk Einarsdóttir og Guðrún Björnsdíttur
Lilja Björk Einarsdóttir, bankastjóri Landsbankans og Guðrún Björnsdóttir, framkvæmdastjóri Félagsstofnunar stúdenta, undirrituðu samninginn.

Landsbankinn og Félagsstofnun stúdenta (FS) hafa framlengt samstarfssamning sinn til næstu tveggja ára. Landsbankinn mun því annast alla almenna bankaþjónustu og greiðslumiðlun fyrir rekstrareiningar FS og jafnframt sjá um eignastýringu og ávöxtun á sjóðum FS. Saman munu FS og Landsbankinn einnig standa að ýmsum verkefnum og viðburðum.

Félagsstofnun stúdenta er þjónustufyrirtæki fyrir stúdenta við Háskóla Íslands sem hefur það að leiðarljósi að auka lífsgæði stúdenta. FS rekur fjölbreytta þjónustu, veitingasöluna Hámu sem starfar víða á háskólasvæðinu, veitinga- og skemmtistaðinn Stúdentakjallarann, þrjá leikskóla, Bóksölu stúdenta og Stúdentagarða þar sem um 1.800 manns búa. Þótt reksturinn sé fyrst og fremst ætlaður stúdentum er stór hluti þjónustunnar opin öllum og nýtt af fjölbreyttum hópi fólks.

Guðrún Björnsdóttir, framkvæmdastjóri Félagsstofnunar stúdenta, segir: „Samstarf FS og Landsbankans hefur verið afar gott bæði í tengslum við rekstur og viðburði. Síðasta ár var sérlega ánægjulegt en þá hélt FS upp á 50 ára afmæli sitt með fjölbreyttum hætti. Kom Landbankinn þar að fjölda viðburða. Áframhaldandi samningur tryggir að við getum haldið áfram á sömu braut og er nú þegar margt spennandi og skemmtilegt komið á dagskrá næsta skólaárs.“

Lilja Björk Einarsdóttir, bankastjóri Landsbankans, segir: „Félagsstofnun stúdenta hefur af myndarskap staðið fyrir mikilli uppbyggingu á háskólasvæðinu undanfarin ár og hefur metnaðarfull áform um frekari framkvæmdir. Samstarf Landsbankans og FS undanfarin ár hefur verið farsælt og árangursríkt og ánægjulegt að framhald verði á því.“

02. júlí 2020 14:49

Landsbankinn styrkir fimmtán framúrskarandi námsmenn

Landsbankinn úthlutaði námsstyrkjum til fimmtán námsmanna úr Samfélagssjóði bankans þann 1. júlí sl. Styrkirnir voru veittir í þrítugasta og fyrsta skipti. Heildarupphæð námsstyrkjanna nemur sex milljónum króna. Alls bárust rúmlega 500 umsóknir í ár en Landsbankinn er eini bankinn sem veitir námsstyrki.


Nánar

29. júní 2020 18:24

Umræðan: Fjármálageirinn og loftslagsvandinn

Hlutverk fjármálageirans í baráttunni við loftslagsvandann er til umfjöllunar í nýrri greinaröð Ara Skúlasonar hagfræðings á Umræðunni. Landsbankinn telur mikilvægt að fjalla um loftslagsmál og hið mikilvæga hlutverk sem fjármálafyrirtæki og fjármálamarkaðir munu gegna í þeim breytingum sem framundan eru.


Nánar

29. júní 2020 10:48

Hagsjá: Vinnumarkaðskönnun - áframhaldandi merki um veikari vinnumarkað

Starfandi fólki hefur fækkað töluvert á undanförnum mánuðum. Þá hefur vinnutími líka styst, sem þýðir að fjöldi unninna stunda, eða vinnuaflsnotkun, hefur farið minnkandi. Sé vinnuaflsnotkun nú borin saman við stöðuna fyrir ári kemur í ljós að breytingin síðustu 3 mánuði er veruleg miðað við síðustu ár og allt fram á þetta ár þegar vinnuaflsnotkun var almennt að aukast. Í maí minnkaði vinnuaflsnotkun um 8,8% miðað við maí 2019, bæði vegna fækkunar starfandi fólks og styttri vinnutíma. Í apríl dróst vinnuaflsnotkunin hins vegar saman um rúm 13%, aðallega vegna fækkunar starfandi fólks, en vinnutími styttist einnig á milli ára.


Nánar

Skráðu þig á póstlista