Fréttir og útgáfuefni

- Fjárfestatengsl

Uppfærð áætlun Landsbankans um fjármögnun á markaði árið 2017

Landsbankinn hefur birt uppfærða áætlun um fjármögnun á markaði fyrir árið 2017.

Stefnt er að mánaðarlegum útboðum sértryggðra skuldabréfa sem tilkynnt verða í fréttaveitu Nasdaq Iceland eigi síðar en með dagsfyrirvara. Áætlað er að gefa út sértryggð skuldabréf fyrir 35-40 ma.kr. á árinu.

Víxlaútboð munu að jafnaði fara fram einu sinni í mánuði þar sem nýir flokkar auk viðbótar við þegar útgefna flokka verða boðnir til sölu. Heildarfjárhæð víxlaútgáfu á árinu mun ráðast af markaðsaðstæðum.

Auk þess að stefna að endurfjármögnun veðtryggðra erlendra skulda bankans á árinu munu aðrir fjármögnunarkostir á innlendum markaði verða skoðaðir með það að markmiði að breikka fjármögnunargrunn bankans.

Landsbankinn áskilur sér rétt til þess að gera breytingar á útgáfuáætlun ársins 2017 án fyrirvara eða sérstakrar tilkynningar þar um.

Nánar um útgáfuáætlun Landsbankans

 

Forsíða - 30. júlí 2020 15:59

Uppgjör Landsbankans fyrir fyrri helming ársins 2020

Afkoma Landsbankans var neikvæð um 3,3 milljarða króna eftir skatta á fyrri helmingi ársins 2020 samanborið við 11,1 milljarðs króna hagnað á sama tímabili árið 2019. Virðisrýrnun útlána nam 13,4 milljörðum króna á tímabilinu sem jafngildir um 1,1% af útlánasafni bankans, samanborið við virðisrýrnun upp á 2,4 milljarða króna á sama tímabili í fyrra.


Nánar

Forsíða - 21. júlí 2020 12:54

Landsbankinn besti banki á Íslandi að mati Euromoney

Alþjóðlega fjármálatímaritið Euromoney hefur valið Landsbankann besta bankann á Íslandi og er þetta annað árið í röð sem bankinn hlýtur þessa viðurkenningu. Við útnefninguna er litið til ýmissa þátta í rekstri og stefnu bankanna, eins og afkomu af reglulegri starfsemi, kostnaðarhagræðingar og þjónustuframboðs.


Nánar

Fjárfestatengsl - 07. maí 2020 16:48

Uppgjör Landsbankans fyrir fyrstu þrjá mánuði ársins 2020

Afkoma Landsbankans var neikvæð um 3,6 milljarða króna eftir skatta á fyrstu þremur mánuðum ársins 2020, samanborið við 6,8 milljarða króna hagnað á sama tímabili árið 2019. Virðisrýrnun útlána nam 5,2 milljörðum króna á tímabilinu, samanborið við virðisrýrnun upp á 1 milljarð króna á sama tímabili í fyrra.


Nánar