Markmið nýsköpunarstyrkja er að gefa frumkvöðlum tækifæri til að þróa nýja viðskiptahugmynd, eldri viðskiptahugmynd á nýju markaðssvæði eða nýja vöru eða þjónustu. Þeim er einnig ætlað að styðja frumkvöðla til kaupa á efni, tækjum eða þjónustu eða sækja námskeið sem sannanlega byggir upp færni sem nýtist við þróun viðskiptahugmyndar.
Sérstök dómnefnd skipuð tveimur fagaðilum og tveimur sérfræðingum bankans fer yfir umsóknirnar og er umsóknarferlið gagnsætt og faglegt. Umsóknarfrestur rennur út mánudaginn 2. september 2013. Stefnt er að úthlutun í nóvember og er öllum umsækjendum svarað.
Heildarupphæð styrkja nemur allt að 15.000.000 kr. og veittar verða í tveimur þrepum.
- Hærri styrkir fyrir lengra komin verkefni eru 500.000-2.000.000 kr.
- Lægri styrkir fyrir fyrstu skrefin eru 200.000-500.000 kr.
Dómnefnd ákvarðar endanlega styrkupphæð verkefna.
Verkefni sem einkum koma til greina eru:
- Ný viðskiptahugmynd
- Þekkt viðskiptahugmynd sem er þróuð fyrir nýtt markaðssvæði
- Ný vara
Við mat á verkefnum er einkum litið til að:
- Viðskiptahugmyndin sé áhugaverð
- Teymið/frumkvöðull er vel hæfur og líklegur til að koma verkefni lengra
- Markhópur og tekjur eru vel settar fram
- Verkefnið verður sjálfbært til lengri tíma litið
- Góðar líkur eru á að verkefnið komi til framkvæmda
- Verkefnið hafi samfélagslegt gildi s.s. atvinnusköpun, afleiddar tekjur, afleidd tækifæri
- Viðskiptaáætlun sé trúverðug
- Heildarfjármögnun er sett fram og staða hvers liðar fyrir sig skýrð.
Mikilvægt er að hafa í huga að gæði umsóknar getur ráðið úrslitum þegar um er að ræða sambærilegar viðskiptahugmyndir eða verkefni.
Falli þín viðskiptahugmynd ekki undir framangreint hvetjum við þig til að kanna hvort aðrir sjóðir gætu hentað.
Styrkflokkar
Hærri styrkir
Hærri styrkir eru ætlaðir lengra komnum verkefnum fyrir
- Kaup á efni, aðstöðu, tækjum eða sérfræðiþjónustu
- Þátttöku í vörusýningum
- Markaðssetningu
Nauðsynleg fylgigögn fyrir hærri styrki
- Viðskiptaáætlun
- Ársreikningar eða aðrar upplýsingar um rekstur ef á við
- Upplýsingar um aðra fjármögnun liggi fyrir frá umsækjendum þar sem það á við (þ.e. tryggð fjármögnun eða ekki)
- Önnur fylgigögn sem styrkja umsókn
- Nafn fylgigagna skal alltaf byrja á heiti verkefnisins, dæmi: Dýrafóður_viðskiptaáætlun.
Lægri styrkir
Ætlaðir hugmyndum á frumstigi fyrir
- Námskeið sem sannarlega byggja upp færni/þekkingu vegna framgangs hugmyndar
- Kaup á sérfræðiþjónustu vegna framgangs hugmyndar
- Aðstöðusköpun
Nauðsynleg fylgigögn fyrir lægri styrki
- Kynning á viðskiptahugmynd í texta eða á myndbandi
- Önnur fylgigögn sem styrkja umsókn
- Nafn fylgigagna skal alltaf byrja á heiti verkefnisins, dæmi: Dýrafóður_viðskiptaáætlun.
Styrkþegar fyrri ára
Úthlutun nýsköpunarstyrkja 2012
Úthlutun nýsköpunarstyrkja 2011
Nánari upplýsingar
Helstu spurningum er svarað undir Spurt og svarað en einnig er hægt að senda fyrirspurnir á nyskopun@landsbankinn.is.
