Samfélagssjóður

Samfélagssjóður Landsbankans hefur það hlutverk að veita styrki til verðugra verkefna. Árlega eru veittir námsstyrkir, nýsköpunarstyrkir, samfélagsstyrkir og umhverfisstyrkir en afreksstyrkir annað hvert ár. Dómnefndir eru skipaðar fagfólki á hverju sviði.

Styrkir úr Samfélagssjóði Landsbankans

Beinn stuðningur við samfélagið er liður í stefnu bankans um samfélagslega ábyrgð. Stuðningur úr samfélagssjóði kemur til viðbótar við fjölbreytt samstarfsverkefni bankans á sviði mannúðarmála, menningar, menntunar, nýsköpunar og íþrótta um land allt.

Það er stefna Landsbankans að leita til fagfólks um dómnefndarstörf og skipar það meirihluta í öllum dómnefndum. Tímasetningar um úthlutunarfrest allra styrkveitinga árið 2014 liggja fyrir. Opnað verður fyrir umsóknir jafnóðum. Allir umsækjendur þurfa að fylla út sérstakt umsóknareyðublað og senda með umsókn sinni.

Umsóknir um styrki
  Umsóknarfrestur Umsóknir
Afreksstyrkir 10. febrúar 2014 Lokið
Námsstyrkir 17. mars 2014 Lokið
Umhverfisstyrkir 16. apríl 2014 Sækja um
Samfélagsstyrkir - fyrri úthlutun  12. maí 2014 Sækja um
Nýsköpunarstyrkir 8. september 2014 Opnað síðar
Samfélagsstyrkir - síðari úthlutun 6. október 2014 Opnað síðar

Afreksstyrkir

Afreksstyrkir eru ætlaðir til styðja við bakið á afreksfólki sem iðkar einstaklingsíþróttir. Einnig verða veittir styrkir til ungs íþróttafólks sem á framtíðina fyrir sér. Heildarupphæð styrkja nemur 3.000.000 kr. Umsóknarfrestur rennur út mánudaginn 10. febrúar 2014. Stefnt er að úthlutun í mars og verður öllum umsækjendum svarað.

  • Afreksstyrkir – 400.000 kr.
  • Afreksstyrkir framtíðarinnar – 200.000 kr.

Nánar um afreksstyrki

Námsstyrkir

Námufélagar eiga nú kost á veglegum námsstyrkjum á framhalds- og háskólastigi fyrir skólaárið 2014-2015. Styrkirnir eru fimmtán talsins og heildarupphæð nemur 6.000.000 kr. Umsóknarfrestur rennur út mánudaginn 17. mars 2014. Stefnt er að úthlutun í maí og er öllum umsækjendum svarað.

Styrkirnir skiptast þannig:

  • 3 styrkir til framhaldsskólanáms, 200.000 kr. hver.
  • 3 styrkir til iðn- og verknáms, 400.000 kr. hver.
  • 3 styrkir til háskólanáms (BA/BS/BEd), 400.000 kr. hver
  • 3 styrkir til framhaldsnáms á háskólastigi, 500.000 kr. hver
  • 3 styrkir til listnáms, 500.000 kr. hver

Nánar um námsstyrki

Umhverfisstyrkir

Umhverfisstyrkjum er ætlað að styðja við verkefni á sviði umhverfismála og náttúruverndar. Styrkir til umhverfismála byggja á stefnu bankans um samfélagslega ábyrgð hans og skyldur. Heildarupphæð umhverfisstyrkja nemur 3.000.000 kr. og eru veittir í tveimur þrepum. Umsóknarfrestur rennur út miðvikudaginn 16. apríl 2014. Stefnt er að úthlutun í maí og er öllum umsækjendum svarað.

Heildarupphæð styrkja nemur 3.000.000 kr. sem veittir verða í tveimur þrepum.

  • 500.000 kr.
  • 250.000 kr.

Nánar um umhverfisstyrki

Samfélagsstyrkir

Landsbankinn veitir tuttugu milljónum króna í samfélagsstyrki í ár sem úthlutað verður í tvennu lagi. Samfélagsstyrkjunum er ætlað að styðja við verkefni á ýmsum sviðum, þar á meðal á sviði mannúðarmála, menningar og lista, menntunar, rannsókna og vísinda, forvarnar- og æskulýðsstarfs og sértækrar útgáfustarfsemi. Umsóknarfrestur fyrri úthlutunar rennur út mánudaginn 12. maí 2014 en seinni úthlutunar mán. 6. október. Stefnt er að úthlutun í júní og nóvember og verður öllum umsækjendum svarað.

Veittir eru styrkir í þremur þrepum:

  • 1.000.000 kr.
  • 500.000 kr.
  • 250.000 kr.

Nánar um samfélagsstyrki

Nýsköpunarstyrkir

Markmið nýsköpunarstyrkja er að gefa frumkvöðlum tækifæri til að þróa nýja viðskiptahugmynd, eldri viðskiptahugmynd á nýju markaðssvæði eða nýja vöru eða þjónustu. Þeim er einnig ætlað að styðja frumkvöðla til kaupa á efni, tækjum eða þjónustu eða sækja námskeið. Umsóknarfrestur rennur út mánudaginn 8. september 2014. Stefnt er að úthlutun í nóvember og verður öllum umsækjendum svarað.

Heildarupphæð styrkja nemur allt að 10.000.000 kr. sem veittir verða í tveimur þrepum.

  • Hærri styrkir – 500.000 - 2.000.000 kr.
  • Lægri styrkir – 200.000 - 500.000 kr.

Nánar um nýsköpunarstyrki

Almennir styrkir

Við vekjum athygli á því að hægt er að senda inn almenna styrkbeiðni ef umsókn fellur ekki að skilgreiningu samfélagssjóðs.

Kynntu þér málið

  • Sæktu um styrk úr Samfélagssjóði:
    Heimilisfang sjóðsins er: Samfélagssjóður Landsbankans, Austurstræti 11, 155 Reykjavík.