Samfélagssjóður Landsbankans hefur það hlutverk að auglýsa eftir umsóknum um samfélagsstyrki, námsstyrki, nýsköpunarstyrki og umhverfisstyrki. Umsóknarferlið mun verða gagnsætt og faglegt og munu sérstakar dómnefndir taka afstöðu til umsókna.
Nánar
Leggðu góðu málefni lið er þjónusta í netbönkum Landsbankans þar sem hægt er að gerast áskrifandi að mánaðarlegum stuðningi við fleiri en 80 góð málefni eða styrkja með stöku framlagi. Notendur bera engan kostnað við að styrkja málefnin.
Markmið styrkjanna er að styðja við átakið Ísland allt árið með því að auka hæfni fyrirtækja tengdum ferðaþjónustu til að skapa upplifanir utan háannatíma ferðmannatímabilsins og auka arðsemi fyrirtækja.
Dagatal Landsbankans árið 2012 er tileinkað þeim sem leggja sitt af mörkum til samfélagsins með sjálfboðastarfi. Í dagatalinu er brugðið upp mynd af fimmtán sjálfboðaliðum víða um land.
Landsbankinn verður einn af aðalstyrktaraðilum heiðurssýningar Íslands á Bókasýningunni í Frankfurt árið 2011, bæði við kynningu innanlands og í starfinu erlendis. Heiðurssýningin ber heitið Sögueyjan Ísland (þýs. Sagenhaftes Island).
Samfélag í nýjan búning er yfirskrift stefnu Landsbankans um stuðning við íþróttafélög. Samkvæmt henni afsalar Landsbankinn sér öllum merkingum á búningum samstarfsfélaga og býður fél-gunum að velja gott málefni til að setja á búninga sína í staðinn. Samhliða er stofnaður áheitasjóður fyrir málefnið og félagið.
Landsbankinn hefur verið máttarstólpi Menningarnætur frá upphafi eða frá árinu 1996. Fjárstuðningur Landsbankans vegna Menningarnætur er nýttur til að veita styrki til einstaklinga og hópa sem skipuleggja viðburði á Menningarnótt.
Landsbankinn hefur verið einn af aðalbakhjörlum Sjónarhóls, ráðgjafarmiðstöðvar fyrir foreldra barna með sérþarfir, um árabil. Bankinn endurnýjaði samstarf sitt til þriggja ára árið 2010. Frá því að Sjónarhóll opnaði haustið 2004 hafa vel á annað þúsund foreldrar leitað ráðgjafar vegna barna sinna.
Á söguvef Landsbankans er fjallað á myndrænan hátt um helstu viðburði í rúmlega 120 ára sögu Landsbankans. Vefurinn byggir að mestu á efni úr veglegum söguannál sem kom út 1. júlí 2006. Annállinn veitir góða sýn yfir starfsemi bankans og þær þjóðlífsbreytingar sem áttu sér stað á tímabilinu
Landsbankinn kappkostar að styðja íslenskt íþróttalíf. Það gera útibú bankans með beinum samstarfssamningum við íþróttafélög hringinn í kringum landið. Í slíku samstarfi leggur bankinn mikla áherslu á að styðja barna- og unglingastarf og að stuðningur nýtist jafnt íþróttum kvenna og karla.
