Landsbankinn ætlar að hafa forystu um að byggja upp velferð til framtíðar í íslensku samfélagi. Landsbankinn vill tryggja ávinning af rekstri sínum fyrir bæði samfélagið og hluthafa með því að flétta efnahags-, samfélags- og umhverfismálum saman við starfshætti bankans.
Þetta gerir Landsbankinn með því að byggja upp trausta innviði og öfluga liðsheild, hlusta á viðskiptavini sína og virða og hvetja starfsmenn til virkrar þátttöku í samfélaginu. Landsbankinn á að vera traustur samstarfsaðili og álitlegur fjárfestingakostur sem skilar eigendum ásættanlegri arðsemi og ávinningi til samfélagsins.
Málaflokkarnir eru:
- Viðskiptavinurinn
- Mannauður
- Samskipti við birgja og sala eigna
- Stuðningur við samfélagið
- Umhverfismál
Stefnan skal vera komin að fullu til framkvæmda eigi síðar en árið 2015. Til að ná þessu markmiði hefur Landsbankinn greint og markað sér stefnu í fimm megin málaflokkum til að innleiða samfélagslega ábyrgð í bankanum.
Við innleiðingu á stefnu ofangreindra málaflokka skal taka mið af grunnreglum samfélagslegrar ábyrgðar eins og þeim er lýst í leiðbeiningum alþjóða staðlaráðsins (ISO 26000) og viðmiðum Global Compact verkefnis Sameinuðu þjóðanna.
PDF útgáfa af samfélagsstefnu Landsbankans
