Markaðsbréf eru blandaður skuldabréfasjóður. Sjóðurinn er ætlaður einstaklingum, fyrirtækjum og fagfjárfestum. Sjóðurinn hentar þeim fjárfestum sem vilja fjárfesta í dreifðu og blönduðu safni skuldabréfa með grunn í verðbréfum með ábyrgð íslenska ríkisins og íslenskra sveitarfélaga.
Sjóðurinn fjárfestir að lágmarki 20% eigna í skuldabréfum með ábyrgð íslenska ríkisins. Einnig er lágmarksfjárfesting í skuldabréfum með ábyrgð íslenskra sveitarfélaga 20%. Sjóðurinn hefur heimild til fjárfestingar fyrir allt að 40% í skuldabréfum útgefnum af fjármálafyrirtækjum og 20% í skuldabréfum útgefnum af öðrum fyrirtækjum. Töluverð skuldaraáhætta getur því verið í sjóðnum. Ennfremur er heimild til að fjárfesta sem nemur 60% af eignum í innlánum. Ekki eru takmarkanir á meðallíftíma sjóðsins.
Sjóðurinn er verðbréfasjóður (UCITS) skv. lögum nr. 128/2011, um verðbréfasjóði, fjárfestingarsjóði og fagfjárfestasjóði. Sjóðurinn er rekinn af Landsbréfum hf., rekstrarfélagi með starfsleyfi FME, en Landsbankinn er vörsluaðili sjóðsins. Upplýsingar varðandi skattlagningu má nálgast í skjalinu Skattamál. Allar frekari upplýsingar um sjóðinn má nálgast í útboðslýsingu hans eða á afgreiðslustöðum Landsbankans.
Kaupa í sjóði
Fáðu ráðgjöf
Skoða einblöðung
