Efnahagsmál

Hagfræðideild Landsbankans birtir hér yfirlit, greiningar og rannsóknir er snúa að þróun og horfum helstu hagvísa, svo sem verðbólgu, stýrivöxtum, hagvexti, atvinnuleysi og utanríkisviðskipum.

Hagsjá: Hagfræðideild spáir 0,4% hækkun vísitölu neysluverðs

Hagstofa Íslands birtir maímælingu vísitölu neysluverðs (VNV) fimmtudaginn 24. maí næstkomandi. Hagfræðideild Landsbankans spáir því að vísitalan hækki um 0,4% milli mánaða. Gangi spáin eftir mun ársverðbólgan lækka úr 6,4% í 5,9%.

Hagstofa Íslands birtir maímælingu vísitölu neysluverðs (VNV) fimmtudaginn 24. maí næstkomandi. Hagfræðideild Landsbankans spáir því að vísitalan hækki um 0,4% milli mánaða. Gangi spáin eftir mun ársverðbólgan lækka úr 6,4% í 5,9%.

Hagsjá: verðbólguspá maí 2012

 

Hvað fannst þér um þessa grein? Láttu okkur vita

Lesa grein
Hagsjávísitala, vísitala neysluverðs

Í vikubyrjun: mánudagurinn 21. maí

Í vikunni hækkaði Peningastefnunefnd Seðlabanka Íslands vexti bankans um 0,5 prósentur og eru hinir hefðbundnu stýrivextir nú 5,5%. Í yfirlýsingu nefndarinnar kom meðal annars fram að þjóðhagsspáin, sem bankinn birti samhliða vaxtahækkuninni, staðfesti að efnahagsbatinn heldur áfram.

Helstu hagtölur í síðustu viku

Í vikunni hækkaði Peningastefnunefnd Seðlabanka Íslands vexti bankans um 0,5 prósentur og eru hinir hefðbundnu stýrivextir nú 5,5%. Í yfirlýsingu nefndarinnar kom meðal annars fram að þjóðhagsspáin, sem bankinn birti samhliða vaxtahækkuninni, staðfesti að efnahagsbatinn heldur áfram. Hins vegar hafi verðbólga verið ívið meiri en spáð hafði verið í febrúar og verðbólguhorfur hafi versnað. Dragi ekki úr verðbólgunni á næstu mánuðum telur Peningastefnunefndin að ekki verði komist hjá frekari hækkun nafnvaxta.

Helstu hagtölur þessa viku

Á fimmtudag birtir Hagstofan maímælingu á vísitölu neysluverðs. Auk þess birtir hún í vikunni vísitölu byggingarkostnaðar (mánudag) og vísitölu launa (þriðjudag). Seðlabankinn birtir á miðvikudag niðurstöður úr nýjustu væntingakönnun markaðsaðila.

Hagtölur 21. maí 2012

Markaðsupplýsingar 21. maí 2012

Mynd vikunnar

Á mynd vikunnar sést munur á verðbólguspá Seðlabankans frá því febrúar (PM 2012/1) og spá bankans frá því í síðustu viku (PM 2012/2). Eins og búist hafði verið við hækkaði Seðlabankinn spá sína. Uppfærð spá milli febrúar og maí endurspeglar ágætlega versnandi verðbólguhorfur. 

 

Hvað fannst þér um þessa grein? Láttu okkur vita

Lesa grein
Í vikubyrjunvísitala byggingarkostnaðar, verðbólguspá Seðlabankans , Peningastefnunefnd Seðlabanka Íslands, vísitala neysluverðs, verðbólga, Hagstofan

Í vikubyrjun: mánudagurinn 14. maí

Í vikunni hélt Seðlabankinn gjaldeyrisútboð sem lið í áætlun bankans um losun gjaldeyrishafta. Gjaldeyrisútboðið var tvískipt. Í fyrri hluta útboðsins keypti bankinn evrur fyrir 9,2 ma. króna á genginu 238,8.

Helstu hagtölur í síðustu viku

Í vikunni hélt Seðlabankinn gjaldeyrisútboð sem lið í áætlun bankans um losun gjaldeyrishafta. Gjaldeyrisútboðið var tvískipt. Í fyrri hluta útboðsins keypti bankinn evrur fyrir 9,2 ma. króna á genginu 238,8. Í síðari hluta útboðsins seldi bankinn evrur fyrir 9,1 ma. króna á genginu 239. Til samanburðar var heildarkrónueign erlenda aðila í lok mars 428,2 ma.kr.

Seðlabankinn birti í vikunni í fyrsta sinn upplýsingar um samsetningu þátttakenda í þeim gjaldeyrisútboðum sem hafa átt sér stað. 91% kaupanda ríkisverðbréfanna hafa verið lífeyrissjóðir, aðrir aðilar hafa keypt 9%. Undirliggjandi fjárfestingar fjárfestingarleiðarinnar skiptast með þeim hætti að hlutabréf hafa verið 60% kaupanna, skuldabréf 29%, fasteignir 10% og kaup í verðbréfasjóðum 1%.

Helstu hagtölur þessa viku

Peningastefnunefnd Seðlabanka Íslands mun tilkynna vaxtaákvörðun miðvikudaginn 16. maí næstkomandi. Hagfræðideild Landsbankans telur að peningastefnunefndin muni hækka vexti bankans um 0,25 prósentur. Sjá nánar í Hagsjá frá 11. maí.

Hagtölur 14. maí 2012

Markaðsupplýsingar 14. maí 2012

Mynd vikunnar

Á mynd vikunnar sést munur á virkum stýrivöxtum Seðlabankans annars vegar og verðbólguálags á skuldabréfamarkaði hins vegar. Munurinn á þessu tvennu er nokkuð góður mælikvarði á raunstýrivexti. Það að raunstýrivextir séu neikvæðir, eins og raunin er núna, bendir til þess að aðhald peningastefnu Seðlabankans sé nokkuð laust.

Í vikubyrjun 14. maí 2012

Hvað fannst þér um þessa grein? Láttu okkur vita

Lesa grein
Í vikubyrjunGjaldeyrisútboð, Seðlabanki Íslands, Ríkisverðbréf, Stýrivextir, Lífeyrissjóðir

Hagsjá: Hagfræðideild Landsbankans spáir 0,25 prósentu hækkun stýrivaxta

Hagfræðideild Landsbankans telur að peningastefnunefndin muni hækka vexti bankans og að meiri líkur séu á 0,25 prósentu hækkun en 0,5. Samhliða vaxtaákvörðuninni mun SÍ kynna nýja þjóðhags-og verðbólguspá. Hagfræðideild telur líklegt að SÍ muni endurskoða verðbólguspá sína upp á við.

Peningastefnunefnd Seðlabanka Íslands (SÍ) mun tilkynna vaxtaákvörðun miðvikudaginn 16. maí næstkomandi. Hagfræðideild Landsbankans telur að peningastefnunefndin muni hækka vexti bankans og að meiri líkur séu á 0,25 prósentu hækkun en 0,5.

Samhliða vaxtaákvörðuninni mun SÍ kynna nýja þjóðhags-og verðbólguspá. Hagfræðideild telur líklegt að SÍ muni endurskoða verðbólguspá sína upp á við.

Hagsjá: Stýrivaxtaákvörðun maí 2012


Hvað fannst þér um þessa grein? Láttu okkur vita

Lesa grein
HagsjáVerðbólga, Þjóðhagsspá, Stýrivaxtaákvörðun, Krónan, Seðlabanki Íslands, Verðbólguhorfur, Stýrivaxtaspá

Í vikubyrjun: mánudagurinn 7. maí

Ríkissjóður Íslands gaf út skuldabréf að fjárhæð 1 ma. Bandaríkjadala fimmtudaginn 3. maí sl. Skuldabréfin eru til 10 ára og bera 5,875% fasta vexti. Þessi útgáfa, ásamt 1 ma. Bandaríkjadala útgáfu ríkisins í júní í fyrra, virðist staðfesta gott aðgengi ríkissjóðs að erlendum lánsfjármörkuðum.

Helstu hagtölur í síðustu viku

Ríkissjóður Íslands gaf út skuldabréf að fjárhæð 1 ma. Bandaríkjadala (124 ma. íslenskra króna) fimmtudaginn 3. maí síðastliðinn. Skuldabréfin eru til 10 ára (á gjalddaga 11. maí 2022) og bera 5,875% fasta vexti. Þessi útgáfa, ásamt 1 ma. Bandaríkjadala útgáfu ríkisins í júní í fyrra, virðist staðfesta gott aðgengi ríkissjóðs að erlendum lánsfjármörkuðum. Sjá nánar í Hagsjá frá 4. maí.

Samkvæmt tölum sem Hagstofan gaf út í vikunni voru gistinætur á hótelum í mars 134.000 samanborið við 97.300 í mars 2011, fjölgar um 38% milli ára. Fjölgun gistinátta erlenda gesta var 45% en gistinóttum Íslendinga fjölgaði um ríflega 17%. Gistinætur erlendra gesta voru um 77% af heildarfjölda gistinátta í mars.

Helstu hagtölur þessa viku

Á miðvikudag (9. maí) heldur Seðlabanki Íslands gjaldeyrisútboð sem er hluti í áætlun um afléttingu gjaldeyrishaftanna. Í vikunni birtir Seðlabankinn einnig nokkra áhugaverðar hagtölur svo sem um stöðu lífeyrissjóða (mánudag), efnahag Seðlabankans (þriðjudag) og erlenda stöðu Seðlabankans (fimmtudag).

Hagtölur

Markaðsupplýsingar

Mynd vikunnar

Á mynd vikunnar sjáum við endurgreiðsluferill erlenda lána ríkissjóðs og Seðlabankans ásamt stöðu gjaldeyrisvarasjóðsins.

Hvað fannst þér um þessa grein? Láttu okkur vita

Lesa grein
Í vikubyrjunRíkissjóður Íslands, lánsfjármarkaðir, gjaldeyrishöft, gistinætur, Hagstofa Íslands, gjaldeyrisútboð, Seðlabanki Íslands, skuldabréf, endurgreiðsluferill
1 2 3 4 5 

Fyrirvari

Innihald og form þeirra greininga sem birtast hér eru unnið af starfsmönnum Hagfræðideildar Landsbankans hf. og byggist á aðgengilegum opinberum upplýsingum á þeim tíma sem þær voru unnar. Mat á þeim upplýsingum endurspeglar skoðanir starfsmanna Hagfræðideildar Landsbankans á þeim degi þegar þær eru dagsettar, en þær geta breyst án fyrirvara. | Lesa allan fyrirvarann

RSS

Hagtölur

Fjármálafréttir