Sýniforrit
Til að auðvelda forriturum að skrifa sig á móti B2B vefþjónustu Landsbankans hefur bankinn gefið út einfalt sýniforrit með þremur uppsettum aðgerðum. Það inniheldur forritskóða sem sýnir útfærsluna sem forritarinn leggur til grundvallar við endanlega hönnun í bókhaldskerfinu og / eða notar til prófunar á samskiptum við Landsbankann. Tilgangurinn er m.a. að auðvelda virðismat og innleiðingarákvörðun hugbúnaðarfyrirtækja auk þess sem forritið hentar einkar vel til að finna villur í hugbúnaðarsmíði (e. debug). Sýniforritið er .exe skrá og má hlaða hér niður án endurgjalds. Af hagkvæmnisástæðum eru hnappar, skýringartextar og aðgerðir á ensku. Forritið virkar ekki í sambankaskemanu.
Aðgerðirnar þrjár
Leitast er við að hafa sýniforritið sem einfaldast. Auk inn- og útskráningar, inniheldur forritið þrjár aðgerðir:
- Senda rafræn skjöl - Electronic Documents
- Millifærsla milli bankareikninga - Straight-Through-Process Payments (STP greiðslur)
- Sækja gengisyfirlit - Currency Rates
Aðgerðirnar þrjár eru valdar af kostgæfni: Rafrænu skjölin eru á ýmsan hátt frábrugðin venjulegum skeytum, STP greiðslur eru tiltölulega nýlegar hérlendis og gengisyfirlitið er hér bara vegna einfaldleikans, t.d. bara til að prófa einfalda inn- og útskráningu.
Stuðningur er við bæði mjúk og hörð skilríki. Þeim má sömuleiðis sleppa, nema í tilviki viðstöðulausra greiðslna (STP greiðslna); þá er bankastaðfestingar ávallt krafist innan kerfisins. Nánar er fjallað um notkun forritsins í þeim köflum handbókarinnar sem við á hverju sinni.
Sækja sýniforritið
