unConference

Færum ráðstefnuna fram á gangana

Iceland Innovation UnConference 2012 er nýstárlegur nýsköpunarviðburður sem Landsbankinn hélt á Háskólatorgi í samstarfi við Háskóla Íslands og MassTLC (Massachusetts Technology Leaders Council) laugardaginn 3. nóvember 2012. Mikil orka og uppbyggilegar umræður einkenndu viðburðinn en tæplega 200 manns tóku þátt í deginum, fulltrúar sprotafyrirtækja, fjárfesta, háskólanna, samtaka úr atvinnulífi og fjölda einstaklinga með yfirgripsmikla þekkingu á fyrirtækjarekstri.

Skoða ljósmyndir frá IIU 2012

Hvað sögðu þátttakendur um unConference?

Viðburðurinn var fyrsti sinnar tegundar sem haldinn er á Íslandi. Tilgangurinn er að tengja saman frumkvöðla og sérfræðinga og aðstoða sprotafyrirtæki á Íslandi að ná meiri árangri. Í upphafi var dagskráin autt blað og þátttakendur mótuðu hana í sameiningu. Skipulagðar voru umræður um fjörutíu mismunandi viðfangsefni. Jafnframt gátu þátttakendur pantað einkaviðtöl hjá 100 leiðbeinendum og fengið verðmæta ráðgjöf og hugmyndir. Í hópi leiðbeinanda voru sérfræðingar úr atvinnulífi og háskólum, reyndir frumkvöðlar, forstjórar, hönnuðir og fjárfestar.

Markmiðið var að leiða saman fólk sem ekki á kost á að ræða saman öllu jafna, stofna til nýrra tengsla og ýta þannig undir samtal sem orðið getur kveikjan að nýjum fyrirtækjum í framtíðinni. Fram komu fjölmargar hugmyndir sem unnar verða áfram og einn þátttakenda lagði fram hugmynd að nýju fyrirtæki, fékk stuðning við hugmyndina og réði framkvæmdastjóra úr hópi þátttakenda.

Hvernig fór þetta fram?

1. Skráning

Þátttakendur fengu afhent ráðstefnugögn við innskráningu á ráðstefnudag, þ.m.t. límmiða sem notaðir voru til að bóka einkaviðtöl við leiðbeinendur.

2. Dagskrá mótuð

Þátttakendur komu saman á Háskólatorgi kl. 9.00 og mótuðu dagskrána í sameiningu. Hver og einn gat sett fram óskir um umræðuefni sem hann hafði áhuga á að ræða eða kynna fyrir öðrum. Þátttakendur settu dagskrártillögur sínar upp á umræðutöflu sem stað-sett var á torginu. Umsjónarmenn viðburðarins notuðu svo tillögurnar til að setja saman dagskrá.

3. Einkaviðtöl bókuð

Á sama tíma gátu þátttakendur bókað einkaviðtöl við leiðbeinendur sem sérstaklega voru fengnir á við-burðinn til að veita ráðgjöf. Þátttakendur bókuðu tíma á viðtalstöflu á Háskólatorgi.

4. Umræðuhópar

Þátttakendur völdu sér síðan umræðuefni sem komust á dagskrá. Hver umræðuhópur fékk afmarkað svæði í nágrenni Háskólatorgs. Þátttakendum var síðan frjálst að færa sig milli umræðuhópa töldu þeir að umfjöllunarefni annarra hópa félli betur að áhugasviði þeirra.

5. Einkaviðtöl

Einkaviðtölin fóru fram á afmörkuðum borðum á Háskólatorgi. Viðtölin fóru fram á milli kl. 10 og 14.

Samstarfsaðilar: