Landsbankinn veitir einstaklingum, fyrirtækjum og fjárfestum trausta og alhliða fjármálaþjónustu sem byggir á langtíma viðskiptasamböndum. Landsbankinn er með öflugt útibúanet og, sem stærsta fjármálafyrirtæki landsins, sterka stöðu til að mæta þörfum viðskiptavina.

Vöruframboð Landsbankans endurspeglar þessa stöðu. Hér fyrir neðan má sjá hluta af því sem við bjóðum upp á.

Tékkareikningur

Tékkareikningur er algengasti veltureikningur fyrirtækja og hægt er að sækja um yfirdráttarlán á tékkareikninga. Inn- og útlánavextir eru mismunandi eftir umfangi og fjárhags- og tryggingastöðu umsækjanda. Hægt er að fá debetkort á tékkareikninga. Tékkareikningur hentar illa til ávöxtunar á stærri fjárhæðum þar sem innstæðan á reikningnum er ætíð laus til útborgunar og innlánsvextir því lægri en á öðrum innlánsformum.

Nánari upplýsingar um tékkareikninga

Netbanki fyrir fyrirtæki

Landsbankinn býður sérstakan netbanka fyrir fyrirtæki þar sem sinna má þörfum fyrirtækja með hagkvæmum og nútímalegum hætti. Með því að nýta sér viðskiptalausnir Fyrirtækjabankans geta fyrirtæki náð fram verulegri hagræðingu í rekstri.

Nánari upplýsingar um netbankann

B2B - Beintenging við bókhald (XML)

B2B er sérstök viðbót við netbankann, til gagnaflutnings milli bankans og bókhaldskerfis fyrirtækis og er ekki starfrækt á vefsíðu heldur innan bókhaldskerfisins.

Nánari upplýsingar um B2B - beintenging við bókhald

Innkaupakortið

Innkaupakortið er ætlað í innkaup rekstrarvara og kemur í stað beiðna og reikningsviðskipta. Kortið er ókeypis síhringikort með möguleika á að takmarka notkun þess t.d. eftir því hvar megi versla og hvar ekki.

Nánari upplýsingar um Fyrirtækjakort

Innheimtuþjónusta Landsbankans

Innheimtukerfi Fyrirtækjabankans veitir viðskiptavinum meiri sveigjanleika, aukna sjálfvirkni og haldgóða yfirsýn yfir stöðu innheimtumála á öllum stigum innheimtunnar. Notendur geta skilgreint sjálfvirk og sérsniðin innheimtuferli eftir eigin þörfum sem henta öllum greiðendum.

Nánari upplýsingar um innheimtuþjónustuna

Landsbankinn býður fyrirtækjum upp á ýmsa fjármögnunarkosti, t.d. í daglegum rekstri, við kaup á vélum, tækjum og fasteignum, til greiðslu á útistandandi kröfum eða til annarra fjárfestinga fyrirtækisins. Landsbankinn leggur áherslu á hraða þjónustu, sveigjanlegan lánstíma og samkeppnishæf kjör. Helstu fjármögnunarleiðir eru:

• Rekstrarlán til skemmri tíma eru veitt ýmist í formi yfirdráttarlána eða reikningslána.
• Fjárfestingarlán eru veitt til lengri tíma og eru yfirleitt notuð til að fjármagna kaup á vélum, tækjum, fasteignum og öðrum fjárfestingum og framkvæmdum fyrirtækja og sveitarfélaga.

• Kaup á viðskiptabréfum, s.s. raðgreiðslusamningum, kreditkortanótum, viðskiptavíxlum og viðskiptaskuldabréfum.
• Kröfufjármögnun hentar þeim fyrirtækjum sem eru með fé bundið í viðskiptakröfum.
• Eignaleiga fjármögnun atvinnutækja í samvinnu við SP-Fjármögnun hf.

Í viðskiptum á milli aðila er algengt að bankaábyrgðir séu nýttar til þess að greiða fyrir að vörur og þjónusta flæði eðlilega á milli aðila og tryggi þannig bæði hag kaupenda og seljanda. Helstu tegundir ábyrgða eru:

• Innflutningsábyrgðir stuðla að greiðu uppgjöri á milli seljenda og kaupenda. Ábyrgðin felur í sér að seljandinn getur verið viss um að fá sína greiðslu að uppfylltum skilmálum og kaupandinn fær í hendurnar nauðsynleg skjöl til þess að geta leyst út vöruna.

• Bakábyrgðir eða ábyrgðaryfirlýsingar. Bakábyrgðir tryggja seljanda greiðslu, verði greiðslufall af hendi kaupanda, byggða á skilmálum ábyrgðaryfirlýsingarinnar. Þó bakábyrgðir vegna vöruskipta séu algengastar getur Landsbankinn gefið út ýmsar aðrar ábyrgðaryfirlýsingar til að greiða fyrir samningum. Dæmi um þetta eru:
  • Tilboðstryggingar (e. bid bonds)
  • Verkábyrgðir (e. performance bonds)
  • Ábyrgðir vegna sérstakrar skráningar á virðisaukaskattskrá við byggingaframkvæmdir
  • Ábyrgðir vegna húsaleigusamninga
  • Ábyrgðir vegna aðflutningsgjalda sem veittur er gjaldfrestur á 

Nánari upplýsingar um ábyrgðir

Sparireikningar

Fyrir fyrirtæki og einstaklinga í atvinnurekstri er mikilvægt að ávaxta laust fé á þann hátt sem hentar hverjum og einum, allt eftir því hvort féð á að vera laust án fyrirvara eða á tilteknum degi. Landsbankinn býður upp á fjölmarga möguleika, m.a. óbundna óverðtryggða reikninga, verðtryggða reikninga til lengri tíma og gjaldeyrisreikninga.

Nánari upplýsingar um sparireikninga

VSK reikningur

VSK reikningur Landsbankans er ávöxtunarleið sem ætluð er greiðendum virðisaukaskatts og er sniðin að þörfum fyrirtækja og einstaklinga í atvinnurekstri. Markmið reikningsins er að gera fyrirtækjum kleift að auka ávöxtun sína um leið og tryggt er að staðið sé í skilum þegar kemur að gjalddaga virðisaukaskatts.

Nánari upplýsingar um VSK reikning

Gjaldeyrisviðskipti

Landsbankinn veitir þjónustu til allra fyrirtækja og einstaklinga í atvinnurekstri vegna erlendra viðskipta og við stjórn gjaldeyrisáhættu. Helstu þjónustur sem Landsbankinn veitir á sviði gjaldeyrisviðskipta eru erlendar greiðslur, erlendar innheimtur og stjórn gjaldeyrisáhættu.

Nánari upplýsingar um gjaldeyrisviðskipti