Velferðarráðuneytið hefur umsjón með styrkjum fyrir atvinnumál kvenna en styrkirnir eru ætlaðir konum sem vinna að eigin viðskiptahugmynd og verkefni. Skilyrðið er að viðskiptahugmyndin eða verkefnið beri með sér nýnæmi eða nýsköpun og sé að minnsta kosti 50% í eigu kvenna. Styrkur til atvinnumála kvenna getur verið frá 300.000 kr. – 2.000.000 kr.
Nánar á atvinnumalkvenna.is
Átak til atvinnusköpunar er á vegum iðnaðarráðuneytisins og í umsjón Nýsköpunarmiðstöðvar Íslands. Áætluninni er ætlað að styrkja nýsköpunarverkefni og markaðsaðgerðir starfandi frumkvöðla- og nýsköpunarfyrirtækja. Áætlunin veitir styrki sem nema 50% af heildarkostnaði verkefnisins.
Nánar á nmi.is
Aurora velgerðarsjóður var stofnaður 2007 að frumkvæði Ingibjargar Kristjánsdóttur og Ólafs Ólafssonar. Markmið sjóðsins er að styðja við ýmiskonar menningar- og góðgerðarstarfsemi á Íslandi og erlendis.
Nánar á aurorafund.is
AVS rannsóknarsjóður í sjávarútvegi er í höndum sjávarútvegs- og landbúnaðarráðuneytisins. Sjóðurinn styrkir rannsóknar- og þróunarverkefni er snúa að aukningu verðmæta sjávarfangs.
Nánar á avs.is
Blaðamannastyrkir Norðurlandaráðs eru hugsaðir fyrir blaðamenn sem vilja sækja sér aukna þekkingu á Norðurlöndunum og í norrænu samstarfi. Árið 2011 verður aukin áhersla lögð á styrki fyrir verkefni er tengjast tungumálaskilningi.
Nánar á norden.org
Dansk-íslenski samstarfssjóðurinn hefur það hlutverk að auka skilning og samstarf milli Danmerkur og Íslands. Möguleiki er á að sækja um styrki til vinnu- og námsdvalar, rannsókna, iðnmenntunar og uppsetningu á sýningum ýmiskonar.
Eigið frumkvöðlastarf er samstarfsverkefni milli Vinnumálastofnunar og Nýsköpunarmiðstöðvar Íslands sem hefur það að markmiði að skapa störf fyrir fólk í atvinnuleit með fræðslu og handleiðslu við eigið frumkvöðlastarf. Allir atvinnuleitendur sem tryggðir eru innan atvinnuleysistryggingakerfisins og vilja vinna að eigin viðskiptahugmynd geta sótt um þátttöku í verkefninu. Til að fá samþykki fyrir styrknum þurfa að vera góðar líkur á að viðskiptahugmyndin skapi þér framtíðarstarf.
Evrópusambandið veitir einstaklingum, fyrirtækjum og stofnunum ýmsa styrki fyrir verkefni er snúa að hagsmunum ESB og innleiðingu á stefnum eða áætlunum þess. Kallað er eftir umsóknum og tillögum að verkefnum á heimasíðu framkvæmdastjórnar Evrópusambandsins og því mikilvægt að fara reglulega inn á síðuna til að kanna hvaða styrkir séu í boði hverju sinni.
Nánar á ec.europa.eu
Eurostars er ný áætlun fyrir lítil og meðalstór fyrirtæki í Evrópu sem vinna sjálf að rannsóknum og þróun. Markmið þeirra sé þróun á nýrri vöru, ferli og þjónustu. Eurostars-verkefni eru samstarfsverkefni milli a.m.k. tveggja lögaðila frá tveim Eurostars-löndum sem taka virkan þátt í áætluninni.
Nánar á nmi.is og eurostars-eureka.eu
Framleiðnisjóður landbúnaðarins veitir ýmiskonar styrki sem til þessa hafa aðallega beinst að þróunar- og rannsóknartengdum verkefnum í dreifbýli.
Nánar á fl.is
Framtak er verkefni á vegum Nýsköpunarmiðstöðvar Íslands sem veitir starfandi fyrirtækjum á landsbyggðinni styrk fyrir þróun á þjónustu og/eða vöru. Verkefnið veitir fjárhagslega aðstoð sem samsvarar 50% af heildarkostnaði en að hámarki 3.000.000 króna.
Frumkvöðlasjóður Íslandsbanka styrkir frumkvöðlaverkefni sem leggja áherslu á endurnýjanlega orku og sjálfbæran sjávarútveg og styðst við sérfræðiþekkingu innan bankans við val á verkefnum. Sjóðstjórn mun úthluta fé árlega til verkefna en einnig er heimilt að úthluta fé oftar ef sérstakt tilefni gefst til.
Nánar á Íslandsbanki.is
Frumkvöðlastuðningur er á vegum Nýsköpunarmiðstöðvar Íslands og hefur að markmiði að styðja frumkvöðla og lítil fyrirtæki á landsbyggðinni við að koma viðskiptahugmyndum í framkvæmd. Styrkurinn er að hámarki 600.000 krónur.
Ungmennaáætlun Evrópusambandsins var sett á laggirnar 2007 og er samstarfsverkefni milli Evrópusambandsins, Mennta- og menningarmálaráðuneytisins og Ungmennafélags Íslands og mun standa fram til 2013. Áætlunin veitir styrki til ungra frumkvöðla að hámarki 8.800 evrur.
Nánar á euf.is
Veittir eru styrkir úr Grænlandssjóðnum fyrir verkefni er hafa það að markmiði að efla samskipti milli Íslendinga og Grænlendinga. Styrkir eru meðal annars veittir fyrir ferðir, námsdvöl, sýningar og málefni á sviði lista, vísinda og tæknimála.
Hönnunarsjóður Auroru er þriggja ára tilraunaverkefni sem hugsað er til að styrkja fjárhagslega hönnuði og arkitekta og veita þeim aukið tækifæri til að koma hönnun sinni á framfæri.
Nánar á honnunarsjodur.is
Stofnendur sjóðsins eru Landsbankinn og iðnaðarráðuneytið og leggja þeir til 70 m.kr. til úthlutunar til fyrirtækja tengdum ferðaþjónustu. Markmið styrkjanna er að styðja við átakið Ísland allt árið með því að auka hæfni fyrirtækja tengdum ferðaþjónustu til að skapa upplifanir utan háannatíma ferðmannatímabilsins og auka arðsemi fyrirtækja.
Nánar
Krásir er þróunar- og fræðsluverkefni í svæðisbundinni matargerð og er á vegum Nýsköpunarmiðstöðvar Íslands og Ferðamálastofu. Verkefnið veitir styrki til þróunar og sölu á matvælum.
Letterstedtska félagið stuðlar að samkennd milli Norðurlandanna með styrkveitingu fyrir verkefni er snúa að iðnaði, vísindum og listum. Veittir eru samtals styrkir fyrir 800.000 Sek. á ári.
Nánar á letterstedtska.org
Norræna ráðherranefndin ber ábyrgð á Loftlags- og lofthópnum en hann er vinnuhópur sem starfar að umhverfismálum. Hópurinn styrkir ýmis verkefni er hafa það að markmiði að draga úr eða koma í veg fyrir skaðsemi af völdum loftmengunar og fyrirbyggja alvarlegar loftlagsbreytingar.
NATA, samstarfssamningur Íslands, Færeyja og Grænlands á sviði ferðamála veitir styrki til tvenns konar verkefna. Annars vegar verkefna í ferðaþjónustu og hins vegar ferðastyrki, t.d. vegna skólahópa, íþróttahópa eða menningarverkefna.
Nánar um NATA
NCCS rannsóknarsjóðurinn styrkir verkefni er snúa að þróun heilbrigðisrannsókna ýmis konar.
Nopef styrkir lítil og meðalstór fyrirtæki sem vilja sækja til landa utan ESB og EFTA svæðisins og hefja starfsemi þar. Styrkurinn er hugsaður fyrir undirbúningsrannsóknir í viðeigandi landi. Ef verkefnið leiðir ekki til stofnunar fyrirtækis í því landi þarf að greiða til baka sem nemur 50% af styrkupphæðinni.
Áætlunin styrkir m.a. verkefni er snúa að nýsköpun á landsbyggðinni. Fram til 2013 verður sérstök áhersla lögð á að styrkja verkefni er snúa að nýsköpun á vöru og þjónustu.
Norræna tölvuleikjaáætlunin veitir þróunarstyrki til fyrirtækja. Áætlunin hefur það að markmiði að efla allt skipulag fyrir þróunaraðila, framleiðendur tölvuleikja og dreifingaraðila. Árið 2011 gerir áætlunin ráð fyrir að veita sem nemur 6.000.000 Dkk til þróunar á tölvuleikjum.
Norrænar orkurannsóknir hafa það hlutverk að styrkja ýmis verkefni er snúa að orkumálum. Gerð er krafa um að minnst þrjú norræn ríki komi að verkefninu.
Norræni kvikmynda- og sjónvarpssjóðurinn hefur það hlutverk að efla kvikmynda- og sjónvarpsframleiðslu á Norðurlöndunum með fjármagnsstyrkjum fyrir verkefni er snúa að framleiðsluþróun og framleiðslu myndefnis.
Norræni menningarsjóðurinn styrkir lista- og menningartengd verkefni atvinnu og áhugamanna hvort sem er til ráðstefnuhalds, tónleika, leiksýninga, hátíða eða rannsóknarverkefna innan Norðurlandanna eða utan þeirra.
Norræni þróunarsjóðurinn styrkir verkefni er snúa að tækniaðstoð í láglaunalöndum og er styrkurinn hugsaður til fjármögnunar á verkefnum tengdum loftlagsbreytingum. Hámarksstyrkur fyrir verkefni er 4.000.000 Eur.
Norræna Atlantshafssamstarfið veitir styrki til verkefna á sviði sjávarauðlinda, upplýsinga- og samskiptatækni, ferðaþjónustu, samgangna og byggðasamstarfs. Til að styrkur fáist í verkefnið þá þarf það að vera samstarfsverkefni minnst tveggja NORA ríkja af fjórum.
Verkefninu er meðal annars ætlað að styrkja fjárhagslega frumkvöðla- og nýsköpunarstarfsemi. Möguleiki er á að sækja fjárhagsaðstoð vegna rannsókna, starfsnáms, þjálfunar og tengslamyndunar.
Nýr norrænn matur og matargerðarlist er áætlun sem hefur það að markmiði að styðja við þróun og kynningu á norrænni matarmenningu. Um er að ræða styrk fyrir samstarfsverkefni sem minnst þrjú norræn ríkja þurfa að taka þátt í.
Nordforsk heyrir undir Norrænu ráðherranefndina og veitir rannsóknarstyrki til nýsköpunarverkefna. Styrkurinn er ætlaður til að koma hugmynd á það stig að fjármagna megi verkefnið með öðrum leiðum en styrknum. Gerð er krafa um að þátttakendur í verkefninu séu frá minnst þremur norrænum ríkjum og einu Eystrasaltsríki.
Markmið Orkurannsóknasjóðs Landsvirkjunar er að veita styrki til námsmanna, rannsóknarverkefna á vegum háskóla, stofnana, fyrirtækja og einstaklinga.
Nánar á Landsvirkjun - Orkurannsóknasjóður
Orkustofnun annast daglega umsýslu Orkusjóðs. Yfirumsjón er í höndum iðnaðarráðherra. Hjá Orkustofnun starfar orkuráð sem gerir tillögur til ráðherra um lánveitingar og greiðslur úr Orkusjóði.
Nánar á Orkustofnun
Pokasjóður verslunarinnar er samstarfsverkefni 160 verslana víðsvegar um landið. Hægt er að sækja um styrki til ýmiskonar almannaheillaverkefna t.d. er tengjast umhverfismálum, menningarmálum, listum, íþróttum og mannúðarmálum.
Nánar á pokasjodur.is
Rannsóknarsjóður Rannís veitir margvíslega styrki til frumkvöðla en sjóðurinn er skilgreindur sem opinn samkeppnissjóður sem veitir styrki út frá áherslum Vísinda- og tækniráðs og mati á gæðum rannsóknarverkefna.
Nánar á rannis.is
Samfélagssjóður Alcan veitir styrki til ýmissa metnaðarfullra verkefna sem stuðla að félagslegri, efnahagslegri og umhverfislegri sjálfbærni.
Nánar á riotintoalcan.is
Samfélagssjóður Landsbankans hefur það hlutverk að veita styrki til verðugra verkefna. Veittir eru ferns konar styrkir á hverju ári: námsstyrkir, samfélagsstyrkir, nýsköpunarstyrkir og umhverfisstyrkir. Dómnefndir eru skipaðar fagfólki á hverju sviði.
Samfélagssjóður Landsvirkjunar veitir styrki til lista, góðgerðar-, menningar-, íþrótta- umhverfis- og menntamála. Grunnstoð samfélagssjóðsins er efnahagsleg, umhverfisleg og félagsleg sjálfbærni.
Tekið er á móti umsóknum allt árið en úthlutað er úr sjóðnum ársfjórðungslega. Umsóknarfrestur er 25. febrúar, 25. maí, 25. ágúst og 25. nóvember ár hvert.
Nánar á Landsvirkjun
Skrefi framar er verkefni á vegum Nýsköpunarmiðstöðvar Íslands þar sem fyrirtækjum er veittur styrkur til kaupa á faglegri ráðgjöf. Verkefnið veitir styrki að hámarki 600.000 króna.
Starfsmenntasjóður er á ábyrgð félagsmálaráðuneytisins og veitir árlega styrki fyrir verkefni er stuðla að aukinni framleiðni í fyrirtækjum, þekkingu starfsmanna eða upptöku á tækninýjungum. Sjóðurinn veitir árlega um 50.000.000 Isk til ýmissa verkefna.
Nánar á vinnumalastofnun.is
Starfsorka er þríhliða samningur milli Vinnumálastofnunar, fyrirtækis og atvinnuleitanda um ráðningu í störf sem lúta að nýsköpun og þróun og greiðslu atvinnuleysisbóta. Atvinnuleysistryggingasjóði til fyrirtækisins auk 8% mótframlags í lífeyrissjóð þann tíma í allt að sex mánuði.
Veitir lánatryggingar til kvenna með góðar viðskiptahugmyndir. Sjóðurinn er í samstarfi við Landsbankann um lánafyrirgreiðslu. Eingöngu verkefni/fyrirtæki sem eru í meirihlutaeigu konu/kvenna og undir stjórn konu/kvenna geta sótt um tryggingu og gerð er krafa um að í verkefninu felist nýsköpun/nýnæmi að einhverju marki. Einnig er krafa um að líkur séu verulegar á að verkefnið/fyrirtækið leiði til aukinnar atvinnusköpunar kvenna.
Nánar á svanni.is
Tónlistarsjóður hefur það að markmiði að efla íslenska tónlist og kynningu á henni. Um sjóðinn gilda lög nr. 76/2004. Hægt er að sækja um styrk úr sjóðnum með því að fylla út umsókn á vef Mennta- og Menningarmálaráðuneytisins .
Nánar á menntamalaraduneyti.is
Tækjasjóður Rannís hefur það að markmiði að styrkja kaup á tækjum og búnaði sem ætlaður er til rannsókna ýmiskonar. Sjóðurinn veitir styrk sem nemur hluta heildarkostnaðar við fjárfestinguna.
Tækniþróunarsjóður hefur það hlutverk að styrkja nýsköpun í íslensku atvinnulífi með stuðningi við þróunar- og rannsóknarstarf. Sjóðurinn veitir styrki að hámarki 10 milljónir króna.
UOOR er rannsóknarsjóður í eigu Orkuveitu Reykjavíkur og hefur það hlutverk að standa fyrir og efla rannsóknir, þróun og nýsköpun á sviði umhverfis- og orkumála.
Nánar á or.is
Ungmennaáætlun Evrópusamstarfsins eða Evrópa unga fólksins er áætlun sem ætlað er að styrkja frumkvæði fólks á aldrinum 13-30 ára og með því aðstoða það við að koma hugmyndum sínum í framkvæmd. Krafa er gerð um að verkefnið sé unnið af minnst fjórum þátttakendum. Styrkur getur numið allt að 6.000 Eur fyrir innanlandsverkefni og 8.800 Eur fyrir fjölþjóðleg verkefni.
Vaxtarsamningar eru samningar milli opinberra aðila og einkaaðila á hverju landssvæði fyrir sig. Fjárhæð á hverju landsvæði fyrir sig er mismikið en upphæðin fer að mestu í styrki til nýsköpunar og atvinnuþróunarverkefna.
Nánar um
Vaxtarsamning Vesturlands
Vaxtarsamning Suðurnesja
Vaxtarsamning Suðurlands og Vestmannaeyja
Vaxtarsamning Eyjafjarðar
Vaxtarsamning Austurlands
Vaxtarsamning Vestfjarða
Vestnorræna ferðamálaráðið styrkir ýmis verkefni er snúa að aukinni skilvirkni í starfsemi ferðaþjónustufyrirtækja á Vestur-Norðurlöndunum. Gerð er krafa um að verkefnið sé samstarfsverkefni minnst þriggja Norðurlanda.
Ýlir – Tónlistarsjóður Hörpu fyrir ungt fólk er fyrir tónlistarmenn, hljómsveitir, hópa og félagasamtök. Sjóðurinn hefur það að markmiði að styðja ungt tónlistarfólk og veita því tækifæri til að koma fram í húsinu.
Nánar um Ýli - tónlistarsjóð Hörpu
Þróunarsjóður námsgagna hefur það að markmiði að stuðla að nýsköpun, þróun, gerð og útgáfu námsgagna fyrir ýmis skólastig.
