Svar: Nýsköpunarþjónustan býður m.a. upp á:
  • Fræðslu um starfsumhverfi nýsköpunar- og sprotafyrirtækja.
  • Aðstoð við að stofna fyrirtæki.
  • Almenna fjármála- og rekstrarráðgjöf.
  • Kynningu á vöruframboði bankans sem endurspeglar þarfir frumkvöðla, nýsköpunar- og sprotafyrirtækja.
  • Öfluga vefgátt með margskonar fróðleik um nýsköpun.

Svar: Hjá Landsbankanum starfar sérfræðingur sem veitir frumkvöðlum og nýsköpunarfyrirtækjum þjónustu og ráðgjöf. Hægt er að hafa samband við sérfræðinginn með því að senda tölvupóst á netfangið nyskopun@landsbankinn.is eða ræða við fyrirtækjasérfræðing í næsta útibúi.

Svar: Þegar stofnað er til rekstur er mikilvægt að formið henti umfangi rekstursins. Skattareglur, reglur um bókhald og reikningsskil, ábyrgð eigenda og stofnkostnaður getur verið mismunandi eftir rekstrarformi fyrirtækisins.

Svar: Það eru nokkuð mörg rekstrarform í boði en þau algengustu eru einkarekstur og einkahlutafélag. Flestir byrja í einkarekstri þegar umfang rekstrarins er lítið og færa sig síðan í einkahlutafélagsformið þegar umfangið vex. Á vef bankans er að finna upplýsingar um helstu rekstrarform fyrirtækja.

Svar: Nýsköpunarstyrkir eru veittir árlega. Umsóknarfrestur er til og með 12. september 2012.

Svar: Það á að birtast staðfesting á skjánum. Ekki berst staðfesting með tölvupósti.
Villumeldingar birtast efst ef einhverjar eru. Algengar villur eru t.d. of mörg slög í stuttu lýsingunni eða að kennitala / reikningsnúmer er á röngu formi.
Gott er að skrifa stuttu lýsinguna í Word og láta forritið telja slögin. Þannig má líka koma í veg fyrir að textinn týnist ef umsóknin hreinsast út af villum.

Svar: Umsóknarfrestur er til miðnættis 12. september 2012.

Svar: Í umsókn er gott að komi fram um hversu háa fjárhæð er sótt um og til hvers. Dómnefnd ákvarðar hins vegar endanlega styrkupphæð á því bili sem er uppgefið fyrir hærri og lægri styrki.

Svar: Allar umsóknir eru meðhöndlaðar sem trúnaðarmál og eru allir nefndarmenn bundnir trúnaði. Einungis stutta lýsingin sem skrifuð er á umsóknareyðublaðið sjálft er leyfilegt að birta ef merkt er við leyfisboxið af umsækjanda sjálfum.

Svar: Öllum umsækjendum verður svarað fyrir miðjan nóvembermánuð um hvort þeir hafi hlotið styrk eða ekki.

Svar: Styrkir verða greiddir út í síðasta lagi í nóvember 2012.

Svar: Ekki er gerð krafa um að umsækjendur séu í viðskiptum við bankann.

Svar: Ágætt er að hafa bara einn umsækjanda á umsóknarblaði (það blað er helst notað sem forsíða og í flokkun) en í lýsingu á viðskiptahugmyndinni og öðrum fylgigögnum komi fram að aðrir komi að hugmyndinni og framkvæmd hennar.

Svar: Hægt er að senda umsóknina merkta: Nýsköpunarstyrkir, Landsbankinn, Austurstræti 11, 155 Reykjavík.

Svar: Lægri styrkupphæðir eru hugsaðar fyrir viðskiptahugmyndir sem eru skammt á veg komnar, oftast einstaklingar sem eru að fara í gang með hugmynd sína. Hærri styrkupphæð er hins vegar fyrir fyrirtæki sem eru að vinna að nýrri viðskiptahugmynd, þekktri viðskiptahugmynd á nýju markaðssvæði eða verkefni sem skapar af sér nýjungar.

Svar: Ekki er verið að líta á endilega hversu mikla arðsemi verkefnið leiðir af sér heldur að arðsemi sé næg til að standa undir starfsemi og vexti fyrirtækisins. Að auki er litið til samfélagslegs ávinnings í afleiddum tekjum og jákvæðum áhrifum.

Svar: Aðstöðusköpun er t.d. húsnæðisleiga, kostnaður við að skapa aðstöðu til að taka á móti viðskiptavini.

Svar: Þeir eiginleikar hugmynda sem litið er til eru m.a.

  • Áhugaverð hugmynd
  • Hæfni teymis/frumkvöðuls
  • Góðar líkur á að verkefnið komi til framkvæmda
  • Verkefnið verði sjálfbært til lengri tíma litið
  • Viðskiptavinur og tekjur skýrt settar fram
  • Samfélagslegt gildi s.s. atvinnusköpun, afleiddar tekjur/ávinningur
  • Styrkur raski ekki samkeppni innanlands

Svar: Nei, ekki er nauðsynlegt að skila inn viðskiptaáætlun. Nauðsynlegt er að skila inn kynningu á textaformi (sjá sniðmát á umsóknarsíðu) eða á myndbandi (sjá sniðmát og leiðbeiningar á umsóknarsíðu).

Svar: Hærri styrkupphæð er ætluð viðskiptahugmyndum sem eru komnar vel á veg og er gerð er krafa um að búið sé að stofna fyrirtæki.

Svar: Í svæðinu „stutt lýsing“ er kallað eftir texta sem getur skýrt út viðskiptahugmynd í stuttu máli til að dómnefnd átti sig á kjarna málsins. Hins vegar er „kynning á viðskiptahugmynd“ nánari upplýsingar þar sem koma ætti fram hver er hæfni frumkvöðuls, staða hugmyndar og annað sem er tiltekið í sniðmáti sem er að finna á umsóknarsíðunni.

Svar: Myndbandið er hugsað sem einfaldari leið fyrir frumkvöðul til að koma til skila viðskiptahugmynd sinni heldur en í skriflegu formi, kjósi hann svo. Einföld upptaka af lyfturæðu frumkvöðuls þar sem kemur fram hvert sé vandamálið, hver sé hugmynd að lausn, staða hugmyndar og næstu skref. Hægt er að sýna frumgerð og hvernig hún virkar eða annað sem gagnast getur til að skýra betur málið.

Svar: Ýmsir möguleikar eru í boði t.d. er hægt að taka upp á vefmyndavél, almennar myndavélar eða síma. Einnig er leyfilegt að klippa saman myndbrot ef það hentar betur til að skýra betur viðskiptahugmyndina. Mestu skiptir að myndbandið sé skýrt og þar komi nauðsynlegar upplýsingar fram.

Svar: Það fer alveg eftir hversu auðvelt er að skýra út hugmyndina á skriflegu formi eða því hversu vel skrifandi umsækjandi er. Við yfirferð er ekki gerður greinamunur á hvoru forminu umsókn er skilað heldur þess hversu vel kynningunni er komið til skila.

Svar: Hægt er að senda tölvupóst á nyskopun@landsbankinn.is með skjölunum. Vinsamlegast hafið efni póstsins merkt nafn verkefnis, dæmi: Subject: Dyrafodur – viðhengi við styrkumsókn.

Svar: Leyfilegt er að senda slóð á kynningarmyndband í styrkumsókn í þar til gerðu boxi á umsóknareyðublaði en ekki er æskilegt að notast við slóðir á geymsluvefsvæði fyrir önnur viðhengi.

Svar: Viðskiptavinir geta sótt hagstæð lán fyrir allt að 750 þúsund krónur til að  hrinda viðskiptahugmynd sinni í framkvæmd. Lánin eru m.a. ætluð til tækjakaupa, kaupa á hugbúnaði, þátttöku í námskeiðum, kaupa á sérfræðiþjónustu eða sérfræðiráðgjöf og þátttöku í vörusýningum. Þegar sótt er um Nýsköpunarlán þarf viðskiptavinur að skila inn reikningi yfir útlagðan kostnað.

Svar: Hægt er að sækja um Nýsköpunarlán hjá þjónustufulltrúa í næsta útibúi Landsbankans.

Svar: Vextir fara eftir vaxtatöflu bankans, vaxtarl. S8,  hverju sinni en voru í mars 2012 8,15%.