Fréttir

23. apríl 2012 10:32

Atvinnu- og nýsköpunarhelgi á Akranesi í apríl

Helgina 27.-29. apríl næstkomandi verður haldin Atvinnu- og nýsköpunarhelgi á Akranesi. Að helginni standa Innovit og Landsbankinn í samstarfi við Akranesbæ. Kynningafundur verður haldinn í útibúi Landsbankans á Akranesi fimmtudaginn 26. apríl kl. 17:30-18.

Landsbankinn og Innovit kynntu í haust samstarf um Atvinnu- og nýsköpunarhelgar til að styðja við nýsköpun í landinu.Meginmarkmið Atvinnu- og nýsköpunarhelganna er að efla frumkvöðlastarf og þróun nýrra hugmynda ásamt því að ýta undir atvinnusköpun á hverju svæði fyrir sig. Nú þegar er búið að halda slíkar helgar á Suðurnesjum, Hornafirði, Akureyri og í Reykjavík með góðum árangri. Fyrirhugað er að halda að lágmarki eina slíka til viðbótar í vetur.

Atvinnu- og nýsköpunarhelgin er opin fyrir alla, fyrir þá sem eru með viðskiptahugmynd og þá sem hafa áhuga á að leggja sitt að mörkum við að fullmóta viðskiptahugmynd annarra. Sérfræðingar Landsbankans og Innovit munu veita ráðgjöf sem og fjöldi frumkvöðla og annarra sérfræðinga.

Í framhaldi geta þátttakendur haldið áfram að þróa sínar viðskiptahugmyndir og fengið til þess ráðgjöf frá Innovit og Landsbankanum með það að markmiði að sem flestar viðskiptahugmyndir verði að veruleika.

Enginn kostnaður fylgir þátttöku en skráning fer fram á anh.is. Þar er einnig hægt að nálgast dagskrá og nánari upplýsingar um Atvinnu- og nýsköpunarhelgina.

31. október 2014 14:26

Hagsjá: Hagfræðideild Landsbankans spáir óbreyttum stýrivöxtum

Stýrivextir Seðlabankans hafa staðið óbreyttir í bráðum tvö ár. Hagfræðideild Landsbankans gerir ráð fyrir að það muni ekki breytast á næsta vaxtaákvörðunardegi þann 5. nóvember næstkomandi.


Nánar

31. október 2014 09:27

Ágúst Arnórsson ráðinn útibússtjóri Landsbankans á Egilsstöðum

Ágúst Arnórsson hefur verið ráðinn útibússtjóri Landsbankans á Egilsstöðum og tekur hann við af Arnari Páli Guðmundssyni sem nýverið var ráðinn útibússtjóri á Akureyri.


Nánar

30. október 2014 14:36

Landsbankinn hf. stækkar flokk sértryggðra skuldabréfa

Landsbankinn hf. hefur í dag lokið sölu á sértryggðum skuldabréfum sem eru viðbót við LBANK CB 17, áður útgefinn flokk af hálfu bankans. Útgáfan er stækkuð um 1.200 m.kr. á ávöxtunarkröfunni 6,3%. Áður hafði Landsbankinn gefið út 200 m.kr. í sama flokki og nemur því heildarstærð flokksins 1.400 m.kr.


Nánar