Fréttir

10. apríl 2012 16:32

Landsbankinn veitir 5 milljónum króna til styrktar umhverfis- og náttúruvernd

Landsbankinn mun á árinu 2012 veita sérstaka umhverfisstyrki í annað sinn og er umsóknarfrestur til 30. apríl nk. Umhverfisstyrkjum er úthlutað úr Samfélagssjóði bankans og á þessu ári verður fimm milljónum króna veitt til að styrkja umhverfis- og náttúruvernd. 

Sækja skal um umhverfisstyrkina hér á vefnum

Samfélagssjóður Landsbankans hefur það hlutverk að veita árlega styrki til verðugra verkefna í fimm meginflokkum; afreksstyrki, námsstyrki, nýsköpunarstyrki, samfélagsstyrki og umhverfisstyrki.

Umhverfisstyrkirnir eru ýmist 250 þús. krónur eða 500 þús. krónur og þeir flokkar verkefna sem helst er horft til eru:

  • Verkefni á sviði náttúruverndar, t.a.m. skógrækt, landgræðsla og hreinsun landsvæða.
  • Verkefni er tengjast rannsóknum á náttúrugæðum.
  • Verkefni er styðja betra aðgengi fólks að náttúru landsins.
  • Verkefni er nýtast til verndar landsvæðum, t.d. vegna ágangs búfénaðar eða ferðamanna.
  • Verkefni er auka þekkingu og vitund almennings á umhverfismálum.
  • Verkefni er hvetja til umhverfisvæns hátternis.

Dómnefnd er skipuð sérfræðingum á sviði náttúru- og umhverfisverndar.

Markmið Landsbankans með veitingu umhverfisstyrkja er í samræmi við stefnu bankans um samfélagslega ábyrgð. Landsbankinn ætlar að taka virkan þátt í að byggja upp sjálfbært samfélag þar sem efnahags-, samfélags- og umhverfismálum er fléttað saman við starfshætti bankans.

28. nóvember 2014 10:25

Hagsjá: Fasteignaverð fylgir þróun kaupmáttar

Í nýrri þjóðhagsspá hagfræðideildar Landsbankans er því spáð að fasteignaverð hækki um 8,5% í ár frá fyrra ári, um 9,5% 2015, 6,5% 2016 og 6,2% á árinu 2017. Þrátt fyrir að einstakir viðburðir eins og lækkun skulda heimilanna hafi áhrif á fasteignaverð kemur megindrifkrafturinn í hækkun þess samt til af hefðbundnum áhrifaþáttum eins og þróun kaupmáttar, tekna og atvinnustigs.


Nánar

27. nóvember 2014 11:49

Hagsjá: Stefnir í milljón ferðamenn á þessu ári

Þegar litið er til fyrstu 10 mánaða ársins hefur ferðamönnum fjölgað um 23,3% frá fyrra ári. Alls hafa 854 þúsund ferðamenn komið til landsins fyrstu 10 mánuði ársins, 9,4% fleiri en allt árið 2013.


Nánar

27. nóvember 2014 07:50

Kauptilboð í Promens lagt fram

Eigendur Promens hf., Eignarhaldsfélag Landsbankans, dótturfyrirtæki Landsbankans hf., sem á 49,9% hlut og Framtakssjóður Íslands (FSÍ), sem á 49,5% hlut, hafa fengið álitlegt kauptilboð frá RPC Group plc í Bretlandi í allt útgefið hlutafé Promens Group AS sem er dótturfélag Promens hf. og heldur utan um allan rekstur þess.


Nánar