Fréttir

03. apríl 2012 14:28

Skýrsla um samfélagslega ábyrgð gefin út í fyrsta sinn

Landsbankinn hefur í fyrsta sinn gefið út sérstaka skýrslu um samfélagslega ábyrgð bankans í samræmi við alþjóðlega staðla. Við gerð skýrslunnar fylgir bankinn viðmiðum Global Reporting Initiative (GRI). GRI skýrslugjöf skiptist í þrjú stig, A, B og C og er skýrsla bankans miðuð við stig C.

Skýrslan var gefin út samhliða ársskýrslu bankans og gildir hún fyrir rekstrarárið 2011. Markmið skýrslunnar er að miðla upplýsingum um samfélagsábyrgð Landsbankans á gagnsæjan hátt og með samanburðarhæfum tölum ár frá ári.

Í skýrslunni er meðal annars greint frá eftirfarandi þáttum í starfssemi bankans:

  • Stefna og stjórnarhættir.
  • Efnahagsleg starfsemi.
  • Félagsleg starfsemi: Starfsmanna- og atvinnumál.
  • Samfélagsþátttaka: Mannréttindi.
  • Samfélagsþátttaka: Stuðningur við samfélagið.
  • Samfélagsþátttaka: Ábyrgar vörur og þjónusta.

Landsbankinn er aðili að UN Global Compact og skilar árlega framvinduskýrslu (e. Communication on Progress) um samfélagsábyrgð fyrirtækisins til skrifstofu UN Global Compact.

Í samræmi við stefnu um samfélagslega ábyrgð

Landsbankinn hefur sér stefnu um samfélagslega ábyrgð og var nýja stefnan kynnt í maí 2011. Í stefnunni kemur fram að bankinn ætli að hafa forystu um að byggja upp velferð til framtíðar í íslensku samfélagi. Markmiðið sé að tryggja ávinning af rekstri sínum fyrir bæði samfélagið og hluthafa með því að samþætta efnahags-, samfélags- og umhverfismál starfsháttum bankans.

Stefnan skal vera komin til framkvæmda eigi síðar en árið 2015 og unnið er með fimm megin málaflokka við innleiðingu hennar í bankanum. Málaflokkarnir eru: Viðskiptavinurinn, mannauður, samskipti við birgja og sala eigna, stuðningur við samfélagið og umhverfismál.

Hægt er að lesa skýrslu Landsbankans um samfélagsábyrgð á vef bankans.

 

24. nóvember 2014 11:17

Ráðgefandi álit EFTA-dómstólsins varðandi verðtryggingarákvæði í skuldabréfi

Í dag veitti EFTA-dómstóllinn ráðgefandi álit um skýringu tiltekinna ákvæða í tilskipun 87/102/EBE um neytendalán og tilskipun 93/13/EBE um óréttmæta skilmála í neytendasamningum. Málið varðar lögmæti verðtryggingarákvæðis í skuldabréfi frá árinu 2008.


Nánar

24. nóvember 2014 10:23

Vikubyrjun: mánudagurinn 24. nóvember 2014

Landsbankinn boðar til opins morgunfundar í Silfurbergi Hörpu miðvikudaginn 26. nóvember kl. 8.30-10.00 í tilefni af útgáfu Þjóðhags, ársrits Hagfræðideildar bankans. Boðið verður upp á léttar veitingar frá kl. 8.00.


Nánar

20. nóvember 2014 10:45

Hagvöxtur og lífskjör - hagspá Landsbankans kynnt á morgunfundi í Hörpu

Landsbankinn boðar til opins morgunfundar í Silfurbergi Hörpu miðvikudaginn 26. nóvember kl. 8.30-10.00 í tilefni af útgáfu Þjóðhags, ársrits Hagfræðideildar Landsbankans, boðar bankinn til opins fundar í Silfurbergi í Hörpu.


Nánar