Fréttir

02. apríl 2012 10:43

Í vikubyrjun: mánudagurinn 2. apríl

Helstu hagtölur í síðustu viku

Vísitala neysluverðs hækkaði um 1,05% á milli febrúar- og marsmælinga Hagstofunnar. Venju samkvæmt hækkaði verðlag á fötum og skóm vegna útsöluloka. Bensín hækkaði einnig milli mánaða. Þessir tveir liðir ollu stærstum hluta hækkunarinnar. Tólf mánaða breyting vísitölunnar hækkaði úr 6,3% í 6,4%. Verðbólgan hefur nú verið yfir 6% þrjá mánuði í röð, en hæst fór verðbólgan í 6,5% í janúar síðastliðinn.

Í útboði í tengslum við afléttingu gjaldeyrishaftanna þann 28. mars keypti Seðlabankinn 22,5 m.evra á genginu 239 og greiddi fyrir þær 5,3 ma.kr. Samtímis var haldið útboð þar sem bankinn keypti 4,9 ma.króna gegn greiðslu í evrum. Lágmarksverð í þeim hluta var 235 kr. Athygli vekur að heildarupphæðin í þessu útboði var lág miðað við fyrri útboð, en í fyrsta útboðinu júní 2010 keypti bankinn 13,4 ma.króna.

Minnum líka á Vegvísi í mars sem kom út í síðustu viku, en hann má nálgast á vef bankans.

Helstu hagtölur þessa viku

Á miðvikudag (4. apríl) birtir Hagstofa Íslands bráðabirgðatölur um vöruviðskipti í mars.

Markaðsupplýsingar 2. apríl 2012

Hagtölur 2. apríl 2012

01. október 2014 20:00

Netbankinn kominn í lag

Netbankinn er nú kominn í lag og tekist hefur að koma í veg fyrir þær truflanir sem orðið hafa í dag á innskráningu viðskiptavina í netbanka einstaklinga og fyrirtækja. Við biðjumst enn og aftur velvirðingar á þeim óþægindum sem þetta hefur valdið.


Nánar

01. október 2014 17:05

Upplýsingar vegna truflana í netbanka

Tekist hefur að mestu leyti, að koma í veg fyrir truflanir á innskráningu viðskiptavina í netbanka einstaklinga og fyrirtækja. Ekki er þó hægt að útiloka að einhverjir hnökrar geri vart við sig áfram. Við biðjumst velvirðingar á þeim óþægindum sem hefur valdið.


Nánar

01. október 2014 12:08

Truflanir í netbanka einstaklinga

Vegna truflana geta viðskiptavinir lent í erfiðleikum við að skrá sig inn í netbankann. Við biðjumst velvirðingar á þeim óþægindum sem þetta kann að valda. Unnið er að lagfæringum.


Nánar