Fréttir

02. apríl 2012 10:43

Í vikubyrjun: mánudagurinn 2. apríl

Helstu hagtölur í síðustu viku

Vísitala neysluverðs hækkaði um 1,05% á milli febrúar- og marsmælinga Hagstofunnar. Venju samkvæmt hækkaði verðlag á fötum og skóm vegna útsöluloka. Bensín hækkaði einnig milli mánaða. Þessir tveir liðir ollu stærstum hluta hækkunarinnar. Tólf mánaða breyting vísitölunnar hækkaði úr 6,3% í 6,4%. Verðbólgan hefur nú verið yfir 6% þrjá mánuði í röð, en hæst fór verðbólgan í 6,5% í janúar síðastliðinn.

Í útboði í tengslum við afléttingu gjaldeyrishaftanna þann 28. mars keypti Seðlabankinn 22,5 m.evra á genginu 239 og greiddi fyrir þær 5,3 ma.kr. Samtímis var haldið útboð þar sem bankinn keypti 4,9 ma.króna gegn greiðslu í evrum. Lágmarksverð í þeim hluta var 235 kr. Athygli vekur að heildarupphæðin í þessu útboði var lág miðað við fyrri útboð, en í fyrsta útboðinu júní 2010 keypti bankinn 13,4 ma.króna.

Minnum líka á Vegvísi í mars sem kom út í síðustu viku, en hann má nálgast á vef bankans.

Helstu hagtölur þessa viku

Á miðvikudag (4. apríl) birtir Hagstofa Íslands bráðabirgðatölur um vöruviðskipti í mars.

Markaðsupplýsingar 2. apríl 2012

Hagtölur 2. apríl 2012

22. september 2014 12:34

Hagsjá: Sæstrengur opnar dyr inn á stórt markaðssvæði

Möguleg tenging inn á breska raforkumarkaðinn með sæstreng gæti haft töluverð jákvæð áhrif á gjaldeyrisöflun þjóðarbúsins. Breski raforkumarkaðurinn er tugfalt stærri en sá íslenski en með tengingu gæti skapast tækifæri fyrir íslenska raforkuframleiðendur að fá hærra verð fyrir framleiðslu sína.


Nánar

22. september 2014 10:15

Vikubyrjun: mánudagurinn 22. september

Mun meiri áhugi var á löngum ríkisbréfum en stuttum í útboði sem Lánamál ríkisins héldu í vikunni. Hagvöxtur er borinn uppi af kröftugum vexti einkaneyslu en lítil fjárfesting í atvinnulífinu veldur áhyggjum. Úrvalsvísitalan lækkaði um 0,3% í vikunni.


Nánar

19. september 2014 14:49

Hagsjá: Kröftugur vöxtur einkaneyslu en lítil fjárfesting í atvinnulífinu

Landsframleiðslan jókst um 2,4% á öðrum ársfjórðungi 2014 miðað við sama tímabil 2013. Einkaneysla jókst um 4,2%, útflutningur um 3,4% en innflutningur um 7,2%. Á fyrri árshelmingi jukust þjóðarútgjöld um 2,8% en landsframleiðslan einungis um 0,6% og skýrist það af miklum vexti innflutnings sem nam 9%.


Nánar