23. mars 2012 08:51

Landsbankinn fær fimm verðlaun hjá FÍT

Markaðsefni frá Landsbankanum hlaut fimm verðlaun á verðlaunahátíð FÍT – félags íslenskra teiknara, þar á meðal aðalverðlaun keppninnar. Verðlaunin voru veitt fyrir endurmörkun á Landsbankanum, myndskreytingar í auglýsingum og framsetningu á grafísku efni í markaðsefni bankans.

Landsbankinn hlaut verðlaun í eftirtöldum flokkum:

• Mörkun – heildarútlit Landsbankans árið 2011
• Upplýsingahönnun – grafísk einkenni í markaðs- og upplýsingaefni
• Myndskreytingar – Hreyfiafl (fyrirtækjaherferð)
• Auglýsingaherferð, viðurkenning  – Hreyfiafl (fyrirtækjaherferð)
• Aðalverðlaun FÍT 2012 – Hreyfiafl (fyrirtækjaherferð)

Markaðsefnið er unnið í náinni samvinnu markaðsdeildar og starfsmanna hjá Jónsson & Le’macks, auglýsingastofu Landsbankans. Grafíski hönnuðurinn Sigurður Egggertsson vann myndskreytingar fyrir fyrirtækjaherferðina.

Félag íslenskra teiknara, fagfélag grafískra hönnuða og myndskreyta, hefur staðið að FÍT-verðlaununum í rúmlega tíu ár. Tilgangurinn með verðlaununum er að vekja athygli á grafískri hönnun og benda á mikilvægt framlag grafískra hönnuða í auglýsingum og markaðsstarfi á Íslandi. Verðlaunin í ár voru veitt í 21 flokki auk þess sem ein aðalverðlaun voru veitt.