Fréttir

14. mars 2012 13:00

Ný og endurskoðuð jafnréttisstefna Landsbankans

Ný og endurskoðuð jafnréttisstefna Landsbankans hefur verið samþykkt og tekið gildi. Stefnan byggist á þeirri grundvallarhugsun að konur og karlar séu metin á eigin verðleikum og hafi jafna möguleika og sömu réttindi í starfi. Jafnréttisstefna Landsbankans er órofa hluti af starfsmannastefnu hans.

Landsbankinn telur það ekki aðeins skyldu sína að stuðla að jafnrétti innan bankans heldur er það mat stjórnenda að jafnræði á vinnustaðnum hafi bein jákvæð áhrif á rekstur fyrirtækisins. Með jafnréttisstefnu vill bankinn leggja áherslu á að lykilforsendur fyrir framúrskarandi árangri og góðum vinnustað séu þær að hver starfsmaður sé metinn á eigin forsendum og að allir eigi jafna möguleikastarfa, stjórnarsetu og starfsþróunar innan bankans.

Steinþór Pálsson bankastjóri Landsbankans kynnti hina nýju jafnréttisstefnu bankans á fundi með starfsmönnum í Tjarnarbíói þann 13.mars. Á fundinum flutti einnig Þórdís S. Sigurðardóttir lögfræðingur hjá Fyrirtækjabanka erindi um jöfn kynjahlutföll og Bergur Ebbi Benediktsson rithöfundur og uppistandari flutti hugvekju um jafnréttismál.

Steinþór Pálsson, bankastjóri Landsbankans, sagði á fundinum: „Þetta er liður í því að reka bankann á skynsaman og ábyrgan hátt, jafnréttismál eru „góður business". Við setjum fram virka jafnréttisstefnu af eigin frumkvæði ekki af því að við verðum að gera það. Endurskoðuð jafnréttisstefna byggir á því að hún sé mælanleg. Mælikvarðar og aðgerðir hafa verið skilgreindir  með það að markmiði að meta árangur á innleiðingu stefnunnar."

Megináherslur stefnunnar

Megináherslur Landsbankans í jafnréttismálum eru í sex liðum. Í stefnunni er ennfremur aðgerðaáætlun um hvernig ná skal markmiðum hennar. Megináherslurnar eru:

  1. Landsbankinn er vinnustaður þar sem karlar og konur eiga jafna möguleika til starfa og stjórnarsetu.
  2. Landsbankinn stefnir að jöfnu hlutfalli kynja meðal starfsmanna og að ákveðin störf flokkist ekki sem sérstök karla- eða kvennastörf.
  3. Landsbankinn greiðir konum og körlum jöfn laun  og  sömu kjör fyrir jafn verðmæt störf.
  4. Landsbankinn er vinnustaður þar sem starfsmenn geta samræmt vinnu og einkalíf.
  5. Landsbankinn líður ekki einelti, fordóma, kynbundna eða kynferðislega áreitni.
  6. Landsbankinn gætir þess að konur og karlar hafi sömu tækifæri til starfsþróunar, náms og fræðslu.

Það er í höndum Jafnréttisnefndar bankans að hafa yfirsýn yfir lög og reglur um  jafnréttismál.

Landsbankinn hefur unnið markvisst að því að efla jafnræði innan bankans undanfarin tvö ár og skrifaði árið 2010 undir samstarfssamning Félags kvenna í atvinnurekstri, Samtaka atvinnulífs og Viðskiptaráðs Íslands en í honum segir að tryggt skuli að hlutur hvors kyns verði ekki undir 40% í forystusveit fyrirtækja. Hlutfall kynja í framkvæmdastjórn Landsbankans og stjórnum dótturfélaga bankans hefur nú þegar verið jafnað.

Landsbankinn skrifaði undir á síðasta ári Jafnréttissáttmálann (Women‘s Empowerment Principles - Equality means Business), alþjóðlegt átak UN Women og UN Global Compact. Með undirskriftinni skuldbindur Landsbankinn sig til að vinna úrbótum í  jafnréttismálum innan fyrirtækisins og sýna samfélagslega ábyrgð. Í sáttmálanum eru sjö viðmið sem höfð eru að leiðarljósi til þess að efla konur innan fyrirtækja og til að auka þátt þeirra í atvinnulífinu.

Jafnréttisstefna Landsbankans með aðgerðaráætlun

Myndir

31. október 2014 14:26

Hagsjá: Hagfræðideild Landsbankans spáir óbreyttum stýrivöxtum

Stýrivextir Seðlabankans hafa staðið óbreyttir í bráðum tvö ár. Hagfræðideild Landsbankans gerir ráð fyrir að það muni ekki breytast á næsta vaxtaákvörðunardegi þann 5. nóvember næstkomandi.


Nánar

31. október 2014 09:27

Ágúst Arnórsson ráðinn útibússtjóri Landsbankans á Egilsstöðum

Ágúst Arnórsson hefur verið ráðinn útibússtjóri Landsbankans á Egilsstöðum og tekur hann við af Arnari Páli Guðmundssyni sem nýverið var ráðinn útibússtjóri á Akureyri.


Nánar

30. október 2014 14:36

Landsbankinn hf. stækkar flokk sértryggðra skuldabréfa

Landsbankinn hf. hefur í dag lokið sölu á sértryggðum skuldabréfum sem eru viðbót við LBANK CB 17, áður útgefinn flokk af hálfu bankans. Útgáfan er stækkuð um 1.200 m.kr. á ávöxtunarkröfunni 6,3%. Áður hafði Landsbankinn gefið út 200 m.kr. í sama flokki og nemur því heildarstærð flokksins 1.400 m.kr.


Nánar