Fréttir

24. febrúar 2012 16:11

Landsbankinn vann Lífshlaupið

Starfsfólk Landsbankans vann sigur í vinnustaðakeppni Lífshlaupsins í flokki fyrirtækja með fleiri en 800 starfsmenn. Arion banki varð í öðru sæti, Íslandsbanki í því þriðja en þar á eftir komu Landspítalinn og N1. Alls voru 645 starfsmenn Landsbankans með í Lífshlaupinu sem er 48% þátttaka.

Fimm efstu í flokki fyrirtækja með 800 starfsmenn +

Fyrirtæki Fjöldi daga Mínútur
Landsbankinn 6,97 495,93
Arion banki 3,59 251,69
Íslandsbanki 3,28 216,32
Landspítali 1,42 97,50
N1 0,91 68,52

Fróðlegar tölur um Lífshlaupið

Þátttakendum í Lífshlaupinu fjölgaði um 27% á milli ára og var 20.878 manns í ár en 16.499 í fyrra. Aukningin var mest í hvatningarleik grunnskólanna þar sem nemendum fjölgaði um 75% en í vinnustaðakeppninni jókst þátttakan um 7,3%.

Í hvatningarleik grunnskólanna var skráður 41 (40) skóli, 467 (340) bekkir með 8.237 (4705) nemendum til leiks. Í vinnustaðakeppninni voru 455 (432) vinnustaðir skráðir með 1539 (1432) lið og 11.702 (10.910) liðsmenn. Í einstaklingskeppninni eru 939 (834) einstaklingar að skrá á sig hreyfingu. Tölurnar innan sviga eru frá 2011.

Sú tegund hreyfingar sem var vinsælust meðal þátttakenda í Lífshlaupinu var ganga með 25,63%, líkamsrækt er með 11,18%, sund með 3,98%, knattspyrna með 3,84% og skíði með 3,52%.

Um Lífshlaupið

Lífshlaupið hófst 1. febrúar og stendur til 21. febrúar. Meginmarkmið Lífshlaupsins er að hvetja almenning til að hreyfa sig og huga að sinni daglegu hreyfingu í frítíma, heimilisstörfum, vinnu, skóla og við val á ferðamáta. Hugmyndin er að hvetja fólk til dáða og að það skrái alla hreyfingu á vefinn lifshlaupid.is svo framarlega að hún falli undir skilgreiningu Lýðheilsustöðvar um hreyfingu.

Samstarfsaðilar Íþrótta- og Ólympíusambandsins eru: velferðarráðuneytið, mennta- og menningarmálaráðuneytið, embætti landlæknis, Skýrr, Rás 2 og Ávaxtabíllinn.

Nánar um öll úrslit Lífshlaupsins

Fulltrúar íþróttanefndar FSLÍ Sigríður Ragna Jóhannsdóttir, Heiða Jóhannsdóttir og Sigríður Jóhannsdóttir tóku við verðlaunum í Lífshlaupinu fyrir hönd Landsbankans. Með þeim á myndinni eru Gunnlaugur Júlíusson og Ingibjörg Bergrós Jóhannesdóttir nefndarmenn almenningsíþróttasviðs ÍSÍ.

22. október 2014 14:33

Auglýst eftir umsóknum um nýsköpunarstyrki

Opnað hefur verið fyrir umsóknir um nýsköpunarstyrki Landsbankans og nemur heildarupphæð styrkjanna að þessu sinni allt að 10.000.000 kr. Tekið er á móti umsóknum til og með miðnættis mánudaginn 1. desember 2014.


Nánar

23. október 2014 12:27

Slit verðbréfasjóðsins Landsbréf – LREAL

Stjórn Landsbréfa hf. samþykkti á fundi sínum í dag 23. október 2014 að verðbréfasjóðnum Landsbréf - LREAL skuli slitið og hlutdeildarskírteini sjóðsins afskráð úr Kauphöll. Slitin verða framkvæmd miðað við 20. nóvember 2014 og verður því síðasti dagur viðskipta með hlutdeildarskírteini sjóðsins þann 18. nóvember 2014.


Nánar

23. október 2014 08:53

Töku LBANK CB 17 til viðskipta á Nasdaq Iceland frestað

Í fréttatilkynningu frá Landsbankanum hf. þann 16. október var tilkynnt um útgáfu LBANK CB 17 sem er flokkur sértryggðra skuldabréfa. Gert er ráð fyrir því að þessi flokkur verði tekinn til viðskipta á Nasdaq Iceland í síðasta lagi þann 15. desember næstkomandi.


Nánar