Fréttir

20. febrúar 2012 10:15

Í vikubyrjun: mánudagurinn 20. febrúar

Helstu hagtölur í síðustu viku

Í vikunni keypti Seðlabankinn 141,3 milljónir evra í tveimur gjaldeyrisútboðum. Útboðin voru liður í losun gjaldeyrishaftanna. Bankinn borgaði 240 kr. fyrir hverja evru sem er 78,6 kr. hærra en opinbert viðmiðunarverð. Sjá nánar á vef Seðlabankans.

Samkvæmt tölum Vinnumálastofnunar sem birtar voru í vikunni var atvinnuleysi hér á landi 7,2% í janúar og lækkaði það um 0,1% frá fyrra mánuði. Þessi þróun er öfug við það tíðkast hefur á þessum árstíma þar sem atvinnuleysi hefur jafnan aukist tímabundið milli desember og janúar. Fjöldi atvinnulausra á skrá fækkaði um 308 milli mánaða en til samanburðar fjölgaði þeim um rúmlega 900 manns í janúar 2010 og um rúmlega 700 manns í janúar 2011. Sjá nánar í Hagsjá frá 17. febrúar.

Helstu hagtölur þessa viku

Seinna í dag birtir Hagstofan skýrslu um vinnumarkað 2011, á miðvikudag launavísitölu fyrir janúar og á föstudag vísitölu neysluverðs í febrúar. Seðlabankinn birtir á föstudag Hagvísa og upplýsingar um bankakerfið, verðbréfa-, fjárfestinga- og fagfjárfestasjóði.

31. október 2014 09:27

Ágúst Arnórsson ráðinn útibússtjóri Landsbankans á Egilsstöðum

Ágúst Arnórsson hefur verið ráðinn útibússtjóri Landsbankans á Egilsstöðum og tekur hann við af Arnari Páli Guðmundssyni sem nýverið var ráðinn útibússtjóri á Akureyri.


Nánar

30. október 2014 14:36

Landsbankinn hf. stækkar flokk sértryggðra skuldabréfa

Landsbankinn hf. hefur í dag lokið sölu á sértryggðum skuldabréfum sem eru viðbót við LBANK CB 17, áður útgefinn flokk af hálfu bankans. Útgáfan er stækkuð um 1.200 m.kr. á ávöxtunarkröfunni 6,3%. Áður hafði Landsbankinn gefið út 200 m.kr. í sama flokki og nemur því heildarstærð flokksins 1.400 m.kr.


Nánar

30. október 2014 09:55

Landsbankinn þátttakandi í Arctic Circle ráðstefnunni

Landsbankinn verður bakhjarl og virkur þátttakandi á Arctic Circle ráðstefnunni um framtíð norðurslóða, sem haldin verður í Hörpu dagana 31. október-2. nóvember. Undir merkjum Arctic Circle starfa jafnt fræðimenn, þjóðarleiðtogar og innlendar og erlendar stofnanir og fyrirtæki að málefnum norðurslóða.


Nánar