Fréttir

26. janúar 2012 17:49

Mikill áhugi á fjárfestingum í ferðaþjónustu

Mikill áhugi er á auknum fjárfestingum í ferðaþjónustu hér á landi. Þetta kom fram á fjölsóttu málþingi sem Landsbankinn og Íslandsstofa stóðu fyrir um fjárfestingar í ferðaþjónustu. Einnig kom fram að það þarf á aukinni innlendri og erlendri fjárfestingu að halda til að auka arðsemi greinarinnar til frambúðar. Ennfremur að það væri þörf fyrir uppbyggingu á fleiri markaðssvæðum í þágu fjölbreyttari afþreyingar og upplifana.

Um 300 manns sóttu málþingið sem haldið var á Hilton Reykjavík Nordica 25. janúar síðastliðinn. Þar fjölluðu innlendir og erlendir sérfræðingar og fulltrúar ferðaþjónustufyrirtækja um fjárfestingar í greininni frá ýmsum hliðum. Kynntar voru niðurstöður nýrrar könnunar sem Capacent vann fyrir Landsbankann og Íslandsstofu um viðhorf fulltrúa ferðaþjónustufyrirtækja til fjárfestinga. Í tilefni af málþinginu vann Hagfræðideild Landsbankans greiningu á stöðu ferðaþjónustunnar og kynnti helstu niðurstöður hennar á málþinginu.

Hægt er að nálgast útdrátt úr erindum framsögumanna ásamt glærukynningum á Umræðuvef Landsbankans.

Skýrsla Hagfræðideildar Landsbankans um ferðaþjónustu á Íslandi

26. nóvember 2014 11:20

Hagfræðideild Landsbankans spáir 3,5% hagvexti til ársloka 2017

Í nýrri þjóðhagsspá Hagfræðideildar Landsbankans sem kynnt var 26. nóvember á opnum fundi bankans, kemur fram að meðalhagvöxtur til ársloka 2017 verði 3,5%. Þetta er heldur bjartsýnni spá en Hagstofa Íslands og Seðlabanki Íslands hafa áður birt.


Nánar

25. nóvember 2014 16:18

Landsbankinn selur eignarhlut sinn í Borgun hf.

Landsbankinn hefur í dag undirritað samning um sölu á 31,2% eignarhlut sínum í Borgun hf. Söluverð er 2.184 milljónir króna. Að kaupunum stendur breiður hópur fjárfesta ásamt félagi á vegum stjórnenda Borgunar.


Nánar

24. nóvember 2014 11:17

Ráðgefandi álit EFTA-dómstólsins varðandi verðtryggingarákvæði í skuldabréfi

Í dag veitti EFTA-dómstóllinn ráðgefandi álit um skýringu tiltekinna ákvæða í tilskipun 87/102/EBE um neytendalán og tilskipun 93/13/EBE um óréttmæta skilmála í neytendasamningum. Málið varðar lögmæti verðtryggingarákvæðis í skuldabréfi frá árinu 2008.


Nánar