Fréttir

26. janúar 2012 16:02

Græn bílafjármögnun

Stefna Landsbankans um samfélagslega ábyrgð felur í sér að tengja starfshætti bankans við efnahags-, samfélags- og umhverfismál. Með það fyrir augum býður Landsbankinn upp á græna bílafjármögnun þar sem lántakendum gefst kostur á að sameina umhverfissjónarmið og hagstæðari kjör við bílafjármögnun.

Græn bílafjármögnun er í boði í formi bílalána og bílasamninga. Lántakendur greiða ekkert lántökugjald fram til 24. febrúar og lægri vexti en almennt bjóðast, eða 8,55% breytilegir vextir af óverðtryggðu láni.

Grænir bílar eru skilgreindir sem bílar með minnsta mögulegan útblástur sem eru flokkar A/B/C og losa 0-120g af koltvísýringi á hvern ekinn kílómetra.

Að öðru leyti gilda sömu skilmálar og í öðrum lánum, hægt er að fá lán til kaupa á nýjum eða notuðum bíl, veitt eru lán fyrir allt að 70% af kaupverði bíls og er hámarkslánstími 7 ár að frádregnum aldri bílsins.

30. september 2014 14:34

Hagsjá: Mjólkurframleiðsla á tímamótum

Innlend eftirspurn eftir mjólkurafurðum hefur vaxið talsvert undanfarinn áratug á sama tíma og styrkjakerfi hins opinbera hefur miðað að því að koma jafnvægi á framleiðsluna. Í kjölfar þessarar aukningar hafa afurðastöðvar samið um að kaupa alla mjólk fram til ársloka 2016, einnig þá sem er umfram framleiðsluheimild, til að koma til móts við aukna sölu.


Nánar

29. september 2014 14:07

Hagsjá: Fasteignamarkaður í jafnvægi – en óvissa framundan

Ýmsir hefðbundnir mælikvarðar benda til þess að ágætt jafnvægi ríkir á fasteignamarkaði höfuðborgarsvæðisins. Þetta jafnvægi er hins vegar brothætt og það er töluverð óvissa framundan.


Nánar

29. september 2014 10:29

Vikubyrjun: mánudagurinn 29. september

Vísitala neysluverðs lækkaði um 0,12% milli mánaða. Þetta var undir væntingum, en við höfðum gert ráð fyrir 0,2% hækkun. Langmest munar um að flugfargjöld til útlanda lækkuðu um tæp 30% sem hafði -0,5% áhrif á vísitöluna. Ársverðbólgan mælist 1,8% í september, í samanburði við 2,2% í ágúst og hefur verið undir verðbólgumarkmiði Seðlabankans í átta mánuði samfellt.


Nánar