Fréttir

25. janúar 2012 09:00

Greining á stöðu ferðaþjónustunnar

Ef ekki kemur til verulegt bakslag í alþjóðlega efnahagsþróun er útlit fyrir áframhaldandi fjölgun erlendra ferðamanna á þessu ári. Meðalvöxtur í komu erlendra ferðamanna hingað til lands frá árinu 2005 hefur verið rúm 7% á sama tíma og fjölgun ferðamanna í heiminum hefur verið að meðaltali um 3,5% og 2,2% í Evrópu samkvæmt Alþjóðaferðamálastofnuninni (e. World Tourism Organization). Fjölgun erlendra ferðamanna hér á landi undanfarin ár hefur því verið mun meiri en bæði Evrópu og heiminum í heild.

Þetta er meðal þess sem fram kemur í viðamikilli úttekt Hagfræðideildar Landsbankans á stöðu ferðaþjónustunnar sem m.a. byggir á rekstrartölum úr ársreikningum 317 fyrirtækja í ferðaþjónustu fyrir tímabilið 2005-2010. Útdrátt úr greiningu Hagfræðideildarinnar má finna á Umræðuvef Landsbankans auk skýrslunnar í heild.

Greining Hagfræðideildar: Útdráttur og skýrslan í heild

22. október 2014 14:33

Auglýst eftir umsóknum um nýsköpunarstyrki

Opnað hefur verið fyrir umsóknir um nýsköpunarstyrki Landsbankans og nemur heildarupphæð styrkjanna að þessu sinni allt að 10.000.000 kr. Tekið er á móti umsóknum til og með miðnættis mánudaginn 1. desember 2014.


Nánar

23. október 2014 12:27

Slit verðbréfasjóðsins Landsbréf – LREAL

Stjórn Landsbréfa hf. samþykkti á fundi sínum í dag 23. október 2014 að verðbréfasjóðnum Landsbréf - LREAL skuli slitið og hlutdeildarskírteini sjóðsins afskráð úr Kauphöll. Slitin verða framkvæmd miðað við 20. nóvember 2014 og verður því síðasti dagur viðskipta með hlutdeildarskírteini sjóðsins þann 18. nóvember 2014.


Nánar

23. október 2014 08:53

Töku LBANK CB 17 til viðskipta á Nasdaq Iceland frestað

Í fréttatilkynningu frá Landsbankanum hf. þann 16. október var tilkynnt um útgáfu LBANK CB 17 sem er flokkur sértryggðra skuldabréfa. Gert er ráð fyrir því að þessi flokkur verði tekinn til viðskipta á Nasdaq Iceland í síðasta lagi þann 15. desember næstkomandi.


Nánar