23. janúar 2012 11:06

Í vikubyrjun: mánudagurinn 23. janúar

Helstu hagtölur í síðustu viku

Hagstofan birti í vikunni niðurstöður úr ársfjórðungslegri vinnumarkaðsrannsókn sinni. Á fjórða ársfjórðungi voru 175.500 manns á vinnumarkaði, eða 78,4% atvinnuþátttaka. Frá fjórða ársfjórðungi 2010 hefur vinnuaflið dregist saman um 3.100 manns, eða 1,7%. Samkvæmt rannsókninni var atvinnuleysi á ársfjórðungnum 6% af vinnuaflinu. Niðurstöður úr rannsókninni má nálgast á  vef Hagstofunnar.

Vísitala íbúðarverðs á höfuðborgarsvæðinu í desember hækkaði um 0,9% á milli mánaða samkvæmt tölum sem Þjóðskrá birti í vikunni. Að nafnverði hefur vísitalan hækkað um 9,9% á árinu. Að raunvirði hækkaði vísitalan um 5,0% sem er viðsnúningur frá 2010 þegar hún lækkaði um 3,2% og 2009 þegar hún lækkaði um 20,9%. Nánari upplýsingar má nálgast á vef Þjóðskrár Íslands.

Helstu hagtölur þessa viku


Á miðvikudaginn birtir Hagstofan vísitölu neysluverðs í desember. Hagfræðideild Landsbankans spáir að vísitalan hækki um 0,05% í janúar. Gangi spáin  eftir verður 12 mánaða verðbólga 6,3%.

Markaðsupplýsingar 23. janúar 2012

Hagtölur 23. janúar 2012

28. ágúst 2014 11:11

Hagsjá: Fasteignamarkaður í jafnvægi

Það sem af er þessu ári hefur meðalfjöldi viðskipta með íbúðarhúsnæði verið mjög nálægt meðalviðskiptum síðustu 11 áranna þar á undan. Það er því óhætt að fullyrða að viðskipti með íbúðarhúsnæði hafi tekið vel við sér á höfuðborgarsvæðinu á síðustu árum og séu að nálgast það sem mætti kalla eðlilegt árferði.


Nánar

27. ágúst 2014 15:07

Landsbankinn skráir EMTN skuldabréfaramma í kauphöll á Írlandi

Landsbankinn hefur í dag fengið staðfesta grunnlýsingu vegna útgáfu skuldabréfa í erlendri mynt í kauphöllinni í Dublin á Írlandi. Um er að ræða EMTN skuldabréfaramma (Euro Medium Term Note Programme) sem gefur Landsbankanum færi á að gefa út skuldabréf að jafnvirði allt að 1 milljarði evra í ýmsum gjaldmiðlum og á föstum eða fljótandi vöxtum.


Nánar

25. ágúst 2014 16:49

Fjölmenni í Landsbankanum á Menningarnótt - myndir

Fjölmenni heimsótti Landsbankann á Menningarnótt á laugardaginn var og naut fjölbreyttrar dagskrár og góðra veitinga. Listaverkagöngur Aðalsteins Ingólfssonar listfræðings þar sem hann kynnir myndlist í bankanum voru að venju mjög vel sóttar en þær hafa verið fastur liður á dagskránni frá upphafi.


Nánar