Fréttir og útgáfuefni

- Fjárfestatengsl

Landsbankinn býður allt hlutafé sitt í Regin til sölu

Landsbankinn hf. hefur ákveðið að bjóða allt hlutafé sitt í fasteignafélaginu Reginn hf. til sölu. Stjórn Regins hf. hefur því óskað eftir því að NASDAQ OMX Iceland hf. (Kauphöllin) taki öll hlutabréf í félaginu til viðskipta á Aðalmarkaði Kauphallarinnar í kjölfar hlutafjárútboðs sem fram fer dagana 18. og 19. júní nk.

Fyrirtækjaráðgjöf og Markaðsviðskipti Landsbankans munu hafa umsjón með útboðinu sem opið verður fjárfestum og almenningi. Þegar er hafin kynning á Reginn hf. meðal fjárfesta og einnig hefur félagið birt á vefsíðu sinni, reginn.is, viðamiklar upplýsingar um rekstur og afkomu.

Jafnframt verður í tengslum við útboðið og skráningu Regins í Kauphöllina gefin út lýsing og hún birt á vefsíðu Regins og Landsbankans í síðasta lagi 11. júní nk.

Markmið Landsbankans með hlutafjárútboðinu er annarsvegar að uppfylla skilyrði Kauphallarinnar um dreifingu hlutafjár og hinsvegar að fá að félaginu öfluga hluthafa sem geta stutt við það til framtíðar.

Steinþór Pálsson bankastjóri Landsbankans:
„Við höfum lagt mikla áherslu á að selja frá bankanum eignir í óskyldum rekstri. Með því að skrá Regin hf. á hlutabréfamarkað náum við því markmiði um leið og skráningin verður til að fjölga möguleikum fyrir fjárfesta og styðja við endurreisn hlutabréfamarkaðarins. Stjórnendur Regins hf. hafa náð miklum árangri í uppbyggingu og rekstri á undanförnum árum og við teljum félagið tilbúið til skráningar.“

Helgi S. Gunnarsson forstjóri Regins:
„Á undanförnu ári hefur verið lögð mikil vinna í að undirbúa félagið fyrir skráningu. Eignasafnið er komið í þá mynd sem við höfum stefnt að og byggir einvörðungu á góðum eignum í traustri langtímaleigu. Tekjuflæðið er traust og afkoman hefur verið góð og í samræmi við áætlanir.  Við teljum að með skráningu félagsins opnist sóknarfæri fyrir Reginn og að hér sé um spennandi valkost að ræða fyrir fjárfesta.“

Um Regin hf.:
Reginn hf. er fasteignafélag sem fjárfestir í, leigir út og annast rekstur á atvinnuhúsnæði á höfuðborgarsvæðinu. Stærstu eignir félagsins eru verslunarmiðstöðin Smáralind í Kópavogi og  Egilshöll í Grafarvogi. Starfsmenn Regins eru 45.
www.reginn.is

Skjöl

Kynning fyrir áhugasama fjárfesta (uppfært 12. júní 2012)

Verðmat Virðingar á Regin

Til baka

Efnahagsmál - Hagsjá - 30. september 2014 14:34

Hagsjá: Mjólkurframleiðsla á tímamótum

Innlend eftirspurn eftir mjólkurafurðum hefur vaxið talsvert undanfarinn áratug á sama tíma og styrkjakerfi hins opinbera hefur miðað að því að koma jafnvægi á framleiðsluna. Í kjölfar þessarar aukningar hafa afurðastöðvar samið um að kaupa alla mjólk fram til ársloka 2016, einnig þá sem er umfram framleiðsluheimild, til að koma til móts við aukna sölu.


Nánar

Efnahagsmál - Hagsjá - 29. september 2014 14:07

Hagsjá: Fasteignamarkaður í jafnvægi – en óvissa framundan

Ýmsir hefðbundnir mælikvarðar benda til þess að ágætt jafnvægi ríkir á fasteignamarkaði höfuðborgarsvæðisins. Þetta jafnvægi er hins vegar brothætt og það er töluverð óvissa framundan.


Nánar

Fréttir og tilkynningar - 29. september 2014 10:29

Vikubyrjun: mánudagurinn 29. september

Vísitala neysluverðs lækkaði um 0,12% milli mánaða. Þetta var undir væntingum, en við höfðum gert ráð fyrir 0,2% hækkun. Langmest munar um að flugfargjöld til útlanda lækkuðu um tæp 30% sem hafði -0,5% áhrif á vísitöluna. Ársverðbólgan mælist 1,8% í september, í samanburði við 2,2% í ágúst og hefur verið undir verðbólgumarkmiði Seðlabankans í átta mánuði samfellt.


Nánar