30. janúar 2012 - Fréttir og tilkynningar

Vefur Landsbankans tilnefndur til Íslensku vefverðlaunanna

Landsbankinn hefur hlotið tvær tilnefningar til Íslensku vefverðlaunanna 2011. Vefur bankans var tilnefndur í flokkunum "Besti sölu- og kynningarvefur fyrirtækis með yfir 50 starfsmenn" og "Besti þjónustu- og upplýsingavefurinn".

Tilnefnt var til verðlauna í 7 flokkum en að auki verða veitt verðlaun fyrir:

• Bestu hönnunina
• Frumlegasta vefinn
• Athyglisverðasta vefinn að mati félaga í SVEF
• Besta vef Íslands 2011

Dómnefnd skipuð fagfólki í vefmálum velur vefi í úrslit þessara eftirsóttu verðlauna.

Íslensku vefverðlaunin eru uppskeruhátíð vefiðnaðarins, haldin með það að markmiði að efla hann, verðlauna bestu vefina og hvetja þá sem starfa á þessum vettvangi til dáða.

Verðlaunin verða afhent í Tjarnarbíói föstudaginn 3. febrúar kl. 17.00.

Sjá alla vefi í úrslitum

Um vef Landsbankans

Nýr vefur Landsbankans opnaði 15. nóvember 2011. Vefurinn er einn stærsti þjónustu-, upplýsinga-, fræðslu- og fjármálavefur landsins fyrir einstaklinga, fyrirtæki og fjárfesta.

Nánari upplýsingar um vefinn

Fyrri árangur á Íslensku vefverðlaununum