Landsbankinn býður Námufélögum debetkort með hagstæðustu kjörum sem völ er á.

• Debetkortið er hægt að nota í verslunum og hraðbönkum, jafnt innanlands sem utan.
• Hægt er að óska eftir síhringikorti en slíkur eiginleiki minnkar verulega likur á því að úttektir gerðar með debetkorti fari yfir ráðstöfunarfjárhæð reiknings.
• Frí færslugjöld fyrir Námufélaga yngri en 18 ára.
• Aukakrónusöfnun með Námutvennu.

Námsmenn þurfa oft á auka pening að halda í stuttan tíma, en Námufélögum 18 ára og eldri, býðst yfirdráttarheimild á mun betri kjörum en fást á almennum yfirdráttarlánum.

• Hvað er Námutvenna?

  Námutvenna eru greiðslukort frá Landsbankanum, sérstaklega ætluð fyrir Námufélaga. Námutvennan inniheldur annars vegar Námudebetkort og hins vegar Námu A-kort, kreditkort, sem einnig er hægt að fá sem plúskort.

• Hver er munurinn á Námu plúskorti og hefðbundnu Námukreditkorti?

  Námu plúskortið er svokallað fyrirframgreitt kreditkort en þá þarft þú að leggja inn á kortið þá upphæð sem þú vilt hafa til ráðstöfunar áður en þú notar kortið. Á hefðbundnu kreditkorti færðu ákveðna heimild á mánuði sem þú getur notað kortið til úttektar fyrir, en í byrjun hvers mánaðar þarftu að gera upp notkunina á kortinu fyrir tímabilið á undan.

• Eru einhverjar tryggingar með Námukortinu?

  Með Námu A-korti er val um tvær mismunandi ferðatryggingar, grunn ferðatryggingu og alhliða ferðatryggingu. Með grunn ferðatryggingunni fá Námufélagar fullgilt kreditkort með mjög lágu árgjaldi. Með grunn ferðatryggingu færðu helstu sjúkra- og slysatryggingar sem nauðsynlegt er að hafa á ferðalögum. Með alhliða ferðatryggingum bætast við tryggingar eins og farangurstrygging, forfallatrygging og margt fleira sem getur komið sér vel ef eitthvað kemur upp á.

• Get ég verslað á netinu með Námu plúskorti?

  Já, Námu plúskortið hefur þann eiginleika eins og hefðbundin kreditkort að það hentar vel til að greiða fyrir vörur og þjónustu á netinu.

• Get ég notað Námutvennu erlendis?

  Greiðslukortin í Námutvennunni eru bæði alþjóðleg greiðslukort sem hægt er að nota á afgreiðslustöðum út um allan heim.

• Hver eru fríðindin við Námutvennu?

  Ef þú ert með Námutvennuna safnarðu Aukakrónum með notkun á Námu A-korti, þar sem viðskiptavinir fá afslátt hjá samstarfsaðilum í formi Aukakróna. Einnig fá Námufélagar ýmsa afslætti hjá samstarfsaðilum Námunnar, t.d. 2 fyrir 1 í bíó hjá Laugarásbíó, Smárabíó, Háskólabíó, Regnboganum og Borgarbíó Akureyri, mánudaga - þriðjudaga sé greitt með Námukorti í gallabuxnaútliti. Hægt er að sjá frekari upplýsingar um þá afslætti sem í boði eru á vef Námunnar hér á landsbankinn.is.

• Hvað eru Aukakrónur?

  Aukakrónur eru fríðindi sem standa A-korthöfum Landsbankans til boða. Við nýtingu fríðindanna hjá samstarfsaðilum jafngildir ein Aukakróna einni íslenskri krónu.

• Hvernig safna ég Aukakrónum?

  Fyrir hverjar 1.000 kr. sem þú greiðir innanlands með Námu plúskorti eða Námu A-korti safnar þú 4 Aukakrónum. Að auki fást viðbótar Aukakrónur þegar þú notar kortið hjá samstarfsaðilum.

• Hvernig nýti ég Aukakrónurnar mínar?

  Með öllum A-kortum fylgir sérstakt úttektarkort. Úttektarkortið er rafrænt greiðslukort sem eingöngu er hægt að nota hjá samstarfsaðilum. Þegar þú vilt nýta uppsafnaðar Aukakrónur hleður þú þeim einfaldlega inn á úttektarkortið og notar það síðan hjá þeim samstarfsaðilum sem þér hentar. Hleðslan á sér stað í gegnum Einkabanka eða einfaldlega með því að hringja í Ráðgjafa- og þjónustuver í síma 410 4000.

• Hvar get ég notað uppsafnaðar Aukakrónur?

  Aukakrónur er hægt að nota hjá samstarfsaðilum Aukakrónukerfisins.

• Get ég notað uppsafnaðar Aukakrónur hvenær sem er?

  Já. Uppsafnaðar Aukakrónur má nota hvenær sem er.

• Þarf ég lágmarksupphæð á úttektarkorti til að geta notað Aukakrónurnar mínar?

  Lágmarkshleðsla af Aukakrónuinneign inn á úttektarkortið er 1.000 krónur. Hins vegar er hægt að nota Aukakrónukortið hjá samstarfsaðilum fyrir eins lága upphæð og hentar hverju sinni.

• Eru innheimt færslugjöld þegar ég nota úttektarkortið mitt?

  Nei. Það eru engin færslugjöld þegar þú notar Aukakrónurnar þínar hjá samstarfsaðilum.

• Er hægt að fá úttektarkort án þess að tengja það kreditkorti?

  Nei. Einungis þeir sem eru með A-kort geta fengið Aukakrónur og úttektarkort. Hins vegar getur þú látið hvern sem er hafa úttektarkortið þitt eftir að þú ert búinn að virkja það og hlaða Aukakrónum inn á það.

• Fyrnast Aukakrónur?

  Aukakrónur frá Landsbankanum fyrnast á 4 árum ef viðskiptavinur er óvirkur eða hættir í viðskiptum. Aukakrónur frá samstarfsaðilum fyrnast ekki.

• Fæ ég Aukakrónur fyrir önnur viðskipti í bankanum en kreditkortaviðskipti?

  Já. Virkir Námufélagar fá Aukakrónur fyrir ýmis önnur viðskipti.

• Hvar get ég séð yfirlit yfir Aukakrónustöðu mína?

  Yfirlit yfir Aukakrónustöðu þína má sjá í Einkabankanum, með símtali í Ráðgjafa- og þjónustuver eða með því að heimsækja útibú Landsbankans. Yfirlit yfir Aukakrónuinneign þína kemur líka á kreditkortayfirlitinu þínu.

• Hvenær fæ ég Aukakrónurnar mínar?

  Aukakrónur sem safnast upp á hverju kortatímabili er bætt við inneign þína um hver mánaðamót, þ.e. á gjalddaga kreditkortsins.

• Er munur á Aukakrónusöfnun á plúskorti og venjulegu kreditkorti?

  Nei. Eini munurinn á plúskortinu og hefðbundnu kreditkorti er sá að plúskortið er fyrirfram greitt en venjulegt kreditkort er eftirá greitt. Fríðindin og aðrir eiginleikar eru þeir sömu.

• Get ég tekið Aukakrónurnar til baka af úttektarkortinu mínu eftir að hafa hlaðið það?

  Já. Þú getur fært þær af Aukakrónukortinu og bætast þær þá aftur við Aukakrónuinneign þína.

• Er hægt að fá Aukakrónur útborgaðar í peningum?

  Nei. Aukakrónur er aðeins hægt að nota með Aukakrónukorti hjá samstarfsaðilum.

• Hvað verður um Aukakrónukortið ef ég loka A-kortinu?

  Þrátt fyrir að kreditkortinu sé lokað er samt hægt að nota úttektarkortið eins og áður. Öll söfnun á Aukakrónum stöðvast hins vegar.

• Er eitthvað viðbótargjald eða tengigjald ef ég vil kreditkort með A-kort?

  Nei. Öll gjöld fyrir kreditkortin eru þau sömu og í núverandi verðskrá Landsbankans.

• Er skilyrði að vera með Námutvennuna til að fá Aukakrónur?

  Já. Til að safna Aukakrónum þarf að vera með A-kort frá Landsbankanum.