Leiðbeiningar um skráningu

Hvað þarf ég að gera til að skrá mig?

Viðskiptavinur þarf að vera orðinn 18 ára og fjárráða, eiga reikning hjá Landsbankanum og hafa aðgang að Einkabankanum, netbanka Landsbankans.

Svona er skráningarferlið á Saxo Privatbank

  1. Lestu almenna viðskiptaskilmála (pdf)
  2. Skrifaðu undir viðeigandi samning, umboð, skattaform og beiðni um flutning eigna frá "Wall Street á vefnum" til Saxo Privatbank (ef um flutning er að ræða, annars bara samning).
  3. Komdu í næsta útibú Landsbankans með samningseyðublöðin og debetkortið þitt og annað hvort vegabréfið þitt eða ökuskírteini. Að kröfu skattayfirvalda í Bandaríkjunum þarf starfsmaður bankans að taka ljósrit af debetkortinu þínu og af annað hvort vegabréfi þínu eða ökuskírteini. Þess vegna er mikilvægt að þú mætir með þessi tvö persónuskilríki.
  4. Næst færð þú staðfestingu á skráningu í tölvupósti. Í póstinum er reikningsnúmer, notendanafn og lykilorð.
  5. Í framhaldi af því munt þú fá bréf frá Saxo Privatbank Danmark með viðskiptalykilorði þínu. Viðskiptalykilorðið er nauðsynlegt til að framkvæma viðskipti eða breyta persónulegum upplýsingum. Við mælum með að þú varðveitir lykilorðið vel eða breytir því í eitthvað sem þú átt auðvelt með að muna. Starfsmenn Saxo Privatbank hafa ekki aðgang að viðskiptalykilorðum viðskiptavina og ef þú glatar þínu tekur það okkur nokkra daga að útbúa nýtt.

Hvernig legg ég inn peninga hjá Saxo Privatbank?

Vegna laga um gjaldeyrismál sem eru í gildi hér á landi er ekki heimilt að leggja peninga inná Saxo Privatbank reikninga hvorki íslenskan né erlendan gjaldeyri, sömuleiðis er ekki heimilt að færa bréf frá innlendum vörsluaðila inná Saxo Privatbank reikninga en ef þú átt verðbréf erlendis þá er heimilt að færa þau á milli vörsluaðila, s.s. frá núverandi vörsluaðila inná reikning þinn hjá Saxo Privatbank. Sjá nánar um gjaldeyrislögin.

Hvernig opna ég bankareikning hjá Landsbankanum?

Til að millifæra inn á Saxo Privatbank þarft þú að eiga bankareikning hjá Landsbankanum (tékkareikning eða sparisjóðsbók) og vera með aðgang að Einkabankanum. Til að opna bankareikning hjá Landsbankanum sækir þú einfaldlega um í næsta útibúi.

Hvernig færi ég verðbréf til Saxo Privatbank frá öðrum vörsluaðila?

Starfsfólk Landsbankans getur aðstoðað þig við að færa verðbréf frá öðrum vörsluaðilum inn í Saxo Privatbank. Viljir þú fá aðstoð við að flytja bréfin skaltu senda tölvupóst á netfangið saxoprivatbank@landsbankinn.is.

Kynntu þér málið

Netviðskipti