Landsbankinn veitir þjónustu við kaup og sölu skuldabréfa og ráðgjöf um val á einstökum flokkum. Skuldabréf  er sá  eignaflokkur sem alla jafna er mest viðskipti með á degi hverjum. Á Íslandi er fjölbreytt úrval skuldabréfa með ábyrgð ríkisins í boði, bæði verðtryggð og óverðtryggð.

Algengustu flokkar skuldabréfa með ábyrgð ríkisins eru: Íbúðabréf (HFF), Ríkisbréf (RIKB) og Ríkisvíxlar (RIKV).

Þeir sem að gefa út skuldabréf fyrir hönd ríkisins eru Íbúðalánasjóður og Seðlabankinn. Íbúðalánasjóður gefur út íbúðabréf og Seðlabankinn sér um útgáfu ríkisbréfa og ríkisvíxla. Bréfin eru gefin út til ákveðins tíma og bera því ólíka gjalddaga. Íbúðabréfin hafa hvað lengstan líftíma á meðan ríkisvíxlarnir eru gefnir út til styttri tíma en eins árs.

Meginmunur þessara þriggja flokka ríkisskuldabréfa er að íbúðabréfin eru verðtryggð og það eru greiddar tvær vaxtaafborganir af bréfunum á ári. Ríkisbréfin og ríkisvíxlarnir eru óverðtryggð og greiðir ríkissjóður eina vaxtaafborgun af bréfunum á hverju ári. Vextir bréfanna ákvarðast af markaðsaðstæðum þegar flokkurinn er gefinn út í fyrsta sinn.

Ávöxtunarkrafa skuldabréfa er sú krafa sem fjárfestir gerir til fjárfestingarinnar og sú ávöxtun sem hann fær á ári ef hann heldur bréfunum til gjalddaga.

Sá sem hyggst fjárfesta  í ríkisskuldabréfi  hefur ávöxtunarkröfu bréfanna til viðmiðunar þegar hann metur hvort bréfið sé vænlegur kostur í samanburði við aðrar fjárfestingarkosti. Fjölmargir áhrifaþættir hafa síðan áhrif á endanlega ákvörðunartöku eins og vaxtastig, verðbólga og vætingar til þróunnar þessara þátta.

Hagkvæm og örugg leið til þess að fjárfesta í ríkisskuldabréfum er að kaupa skírteini í ríkisskuldabréfasjóðum Landsbankans. 

Nánari upplýsingar um verðbréfaviðskipti

Fyrirvarar um verðbréfaviðskipti