Sjóðsstjórar Einkabankaþjónustu sjá um að stýra eignum viðskiptavina í samræmi við fyrir fram skilgreinda fjárfestingarstefnu. Í upphafi velur viðskiptavinur fjárfestingarstefnu í samráði við fjármálaráðgjafa Einkabankaþjónustu.

Við val á fjárfestingarstefnu er mikilvægt að setja sér raunhæf markmið um fjárfestingartíma og ávöxtun. Í ljósi þeirra markmiða er hægt að nálgast þá stefnu sem hentar best til að uppfylla væntingar um ávöxtun og áhættu.

Atriði sem hafa áhrif  á hversu mikið safnið sveiflast í verðmæti eru meðal annarra líftími skuldabréfa og vægi hlutabréfa . Þessi atriði og mörg önnur mun ráðgjafi þinn fara gaumgæfilega yfir með þér við ákvörðun fjárfestingarstefnu.

Kostir virkrar eignastýringar:

• Áhættudreifing eigna
• Vöktun og stýring eignaflokka
• Lágmörkun viðskiptakostnaðar
• Aðgangur að eigin fjármálaráðgjafa
• Aðgengi að sérfræðiteymi Landsbankans