Reglubundinn sparnaður er ein besta leiðin til að spara. Þú setur þér skýr markmið og ákveður hve háa upphæð þú vilt spara mánaðarlega eða hækkar hverja færslu á kortinu þínu.

Þú byggir upp góða inneign sem kemur sér vel við kaup á húsnæði, bíl eða við niðurgreiðslu skulda. Með reglubundnum sparnaði getur þú komið þér upp varasjóði eða sparað til lengri tíma á sparireikningi frá

500 kr. á mánuði eða byggt upp eignasafn með áskrift að sjóðum frá 5.000 kr. á mánuði.

Með mánaðarlegum kaupum í verðbréfasjóði www.landsbref.is minnkar þú viðskiptakostnað og dregur úr sveiflum í ávöxtun í samanburði við staka fjárfestingu fyrir stærri upphæð.

Þú getur valið þá sparnaðarleið sem gæti hentað þér með því að setja inn þínar forsendur í fjárfestingatréð.

Greiða niður skuldir

Ein leið til sparnaðar er að greiða niður skammtímaskuldir. Slík niðurgreiðsla getur verið skynsamlegasta skrefið í fjármálum heimilisins.

Lækkaðu yfirdráttinn er þjónusta sem Landsbankinn býður viðskiptavinum sem vilja lækka skuldir sínar til skamms tíma, svo sem yfirdráttarlán eða greiðslukortaskuldir.

Þú gerir samkomulag um að greiða ákveðna upphæð mánaðarlega til lækkunar á láninu og við bjóðum þér hagstæðari vaxtakjör.

Varasjóður

Góður varasjóður getur komið í veg fyrir að óvænt eða mikil útgjöld; viðgerðir og viðhald,

heimilistæki eða sumarfrí fjölskyldunnar, setji fjárhaginn úr skorðum.

Með því að setja þér markmið og leggja fyrir verður til varasjóður þar sem þú færð vexti í stað þess að borga þá. Sjóðurinn þarf að vera aðgengilegur án langtímabindingar og draumurinn getur orðið að veruleika án þess að greitt sé fyrir hann eftir á

Langtímasparnaður

Það getur borgað sig að hugsa nokkur ár fram í tímann og byggja upp sjóð með það fyrir augum að eiga fyrir breytingum á heimilinu, myndarlegri greiðslu inn á íbúða- eða bílakaup eða safna fyrir framtíð barnanna. Sjóðurinn verður auðveldlega að veruleika þegar þú setur þér markmið um upphaf og endi sparnaðarins.

Lífeyrissparnaður

Með lífeyrissparnaði getur þú byggt upp langtímasparnað sem veitir þér meiri möguleika á auknum ráðstöfunartekjum og sveigjanlegum starfslokum. Okkar ráð er að huga að lífeyri með samspili lögbundins lífeyrissparnaðar, viðbótarlífeyrissparnaðar og reglubundins sparnaðar.

1. Sveiflurnar jafnast út með tímanum

Vert er að hafa í huga að vextir og verðbólga munu örugglega breytast á sparnaðartímanum. Það veldur sveiflum í ávöxtun og þessar sveiflur verða mismiklar, eftir því hvaða leið þú velur.

Þumalputtareglan er sú að því hærri sem krafan um ávöxtun er, því meiri líkur eru á sveiflum. Ef þú ert að fjárfesta til skamms tíma er ekki skynsamlegt að taka mikla áhættu þar sem þú gætir átt von á sveiflum í ávöxtun.

Ef þú fjárfestir til lengri tíma gætirðu hins vegar leyft þér að taka meiri áhættu og aukið líkur á hærri ávöxtun. Þannig er t.d. ráðlegt að taka minni áhættu með sparnaðinn eftir því sem aldurinn færist yfir þar sem yngri einstaklingar hafa að jafnaði meira svigrúm til að vinna úr sveiflum í ávöxtun.

2. Binding

Þú getur í sumum tilfellum fengið betri ávöxtun með því að binda sparnaðinn þinn. Því lengri sem bindingin er, því hærri eru vextirnir. Ef þú sparar til lengri tíma getur binding því verið góður kostur.

3. Verðtrygging eða ekki?

Verðtrygging er leið til að draga úr áhættu með sparnaðinn þinn. Verðtryggður sparnaður ber lægri vexti en er varinn gegn verðbólgu. Ef verðbólga verður mikil á sparnaðartímanum getur verðtryggður sparnaður því borið betri ávöxtun, þrátt fyrir að vextirnir séu lægri.

Við bjóðum bæði sparireikninga og sjóði með verðtryggingu. Með kaupum í sjóðum þar sem fjárfest er í verðtryggðum skuldabréfum er hægt að fá verðtryggingu án þess að binda sparnaðinn í að minnsta kosti þrjú ár.