Hvernig fæst einföld mynd af áhrifum umframgreiðslu á höfuðstól lána?
-
Þú slærð inn upplýsingar um þau lán sem þú vilt reikna út áhrif umframgreiðslu fyrir
Þessar upplýsingar finnur þú á síðasta greiðsluseðli eða í Einkabankanum þínum:
- Greiðsluhögun: Er lánið með jöfnum greiðslum eða jöfnum afborgunum?
- Verðtrygging: Er lánið verðtryggt eða óverðtryggt?
- Eftirstöðvar láns með áföllnum vöxtum og verðbótum (ef við á)
- Vextir
- Greiðslugjald: Kostnaður við hvern gjalddaga
- Mánuðir eftir af lánstímanum, ef afborganir eru á mánaðarfresti er fjöldi mánaða eftir sá sami og fjöldi gjalddaga sem eftir eru
- Ef bera á saman áhrif innborgana á lán er skrefinu hér að ofan fylgt fyrir hvert lán fyrir sig
- Verðbólguspá: Ef lánið/eitthvert lánanna er verðtryggt getur verið gott að áætla verðbólgu til að sjá áhrif hennar á höfuðstól lánsins. Til viðmiðunar má t.d. setja inn verðbólgumarkmið Seðlabankans sem er 2,5%
- Aukagreiðsla: Sláðu inn þá upphæð sem þú áætlar að greiða inn á höfuðstól láns við hvern gjalddaga. Ef um eingreiðslu er að ræða (ein upphæð greidd í eitt skipti inn á höfuðstól lánsins) er hakað við Eingreiðsla
- Reikna: Þegar útfyllingu er lokið er smellt á Reikna. Þá færð þú upp mynd af þróun afborgana og eftirstöðva og niðurstöður um áhrif innborgana á höfuðstól hvers láns fyrir sig.
Jafnar greiðslur
Lán með jöfnum greiðslum er þannig að greiðslubyrði er dreift jafnt á allt lánstímabilið.
Við stöðugt verðlag eru upphafsgreiðslur því hinar sömu og lokagreiðsla. Á fyrri hluta lánstíma
eru greiðslur á gjalddaga töluvert lægri af jafngreiðsluláni en afborganaláni, en hlutfallið
snýst við þegar fram í sækir. Heildarvaxtagreiðsla á lánstíma af jafngreiðsluláni er hærri en
af afborganaláni því að höfuðstóllinn greiðist hægar niður.
Jafnar afborganir
Lán með jöfnum afborgunum er þannig að afborgun af höfuðstól helst óbreytt á lánstíma.
Vextir á gjalddaga reiknast þá af síminnkandi höfuðstól. Heildargreiðslur á gjalddaga eru
því hæstar í upphafi lánstíma en fara lækkandi eftir því sem á líður.
Þegar útreikningi er lokið getur þú valið að fá niðurstöðurnar sendar í tölvupósti. Það er gert með því að velja Senda þessar forsendur.
Aðstoð:
Ef þú hefur einverjar spurningar er þér velkomið að hafa samband við okkur í síma 410 4000, senda okkur tölvupóst á: info@landsbankinn.is eða líta við í næsta útibúi.
