Eftirstöðvar

Eftirstöðvar lánsins eru það sem á eftir að greiða af upphæð þess, að meðtöldum áföllnum verðbótum.

Eftirstöðvar með verðbótum koma í flestum tilfellum fram á hverjum greiðsluseðli af láninu.

Vextir

Ársvextir lánsins koma í flestum tilfellum fram á hverjum greiðsluseðli af láninu.

Greiðslugjald

Hér skal gefa upp hversu margar krónur eru greiddar í fastan gjalddagakostnað á mánuði.

Ef greiðslubil lánsins er annað en einn mánuður skal umreikna þetta yfir í mánaðargrundvöll (t.d. ef gjalddagar eru á þriggja mánaða fresti skal deila greiðslugjaldinu pr. gjalddaga með þremur til að fá út greiðslugjald pr. mánuð sem hér skal slá inn.

Mánuðir eftir

Fjöldi mánaða sem eftir á að greiða af láninu.

Þetta er notað ásamt vöxtum og eftirstöðvum til að reikna núverandi greiðslubyrði.

Ef greitt er á mánaðarfresti er þetta það sama og fjöldi gjalddaga sem eftir eru; sá fjöldi kemur í flestum tilfellum fram á hverjum greiðsluseðli af láninu.

Ef greitt er með öðru millibili en á mánaðarfresti, þá þarf að margfalda fjölda gjalddaga með því millibili til að fá út fjölda mánaða sem eftir eru. Dæmi: ef greitt er á þriggja mánaða fresti, þá þarf að taka „fjölda gjalddaga eftir“ og margfalda með þremur til að fá út töluna sem hér á að slá inn.

Greiðslubyrði í upphafi

Greiðslubyrði láns er einfaldlega sú upphæð sem greiða þarf af láninu á hverjum mánuði.

Ath. að greiðslubyrðin er yfirleitt breytileg: annars vegar hækkar hún vegna verðbólgu ef lánið er verðtryggt (eða hækkar/lækkar með gengisþróun ef það er í erlendri mynt), og hins vegar lækkar greiðslubyrðin vegna lækkandi eftirstöðva ef lánið er með jöfnum afborgunum. Ef lánið er tvískipt og annar hlutinn með styttri lánstíma (t.d. viðbótarlán með Íbúðarláni yfir 70% veðsetningu), þá lækkar greiðslubyrðin einnig þegar þeim lánstíma lýkur.

Því er mikilvægt að skoða einnig meðalgreiðslubyrði yfir allan lánstímann.

Meðalgreiðslub.

Meðalgreiðslubyrði yfir það sem eftir lifir af lánstímanum. Í jafngreiðsluláni (annuiteti) er þetta jafnt greiðslubyrðinni (ef lánið er óverðtryggt eða gert er ráð fyrir 0% verðbólgu) því að greiðslubyrðin er þá jöfn allan lánstímann). En í láni með jöfnum afborgunum fer greiðslubyrðin minnkandi, og í verðtryggðu láni fer hún hækkandi; meðalgreiðslubyrðin yfir afgang lánstímans er þá almennt annaðhvort hærri eða lægri en greiðslubyrðin nú, eftir því hvernig þessi áhrif til lækkunar og hækkunar verka saman.