Hvað er lögbundinn lífeyrissparnaður?

Öllum launþegum á aldrinum 16-70 ára, og þeim sem stunda atvinnurekstur eða sjálfstæða starfsemi, er lögum samkvæmt skylt að greiða í lífeyrissparnað. Lögbundinn lífeyrissparnaður nemur að lágmarki 12% af heildarlaunum einstaklings og skiptist þannig að launagreiðandi greiðir 8% á móti 4% framlagi launþegans.

Hverjir geta greitt til Íslenska lífeyrissjóðsins?

Þeir sem ekki eru bundnir af ákvæðum kjarasamninga eða laga er frjálst að greiða lögbundinn lífeyrissparnað til Íslenska lífeyrissjóðsins. Öllum er heimilt að greiða viðbótarlífeyrissparnað til Íslenska lífeyrissjóðsins.

Spurt og svarað um lífeyrissparnað

Ráðstöfun iðgjalds - Hvaða leið hentar þér?

Viltu ráðstafa þínum lífeyrissparnaði sem mest sjálf/ur? Eða viltu tryggja að sem mest af séreign þinni erfist? Hjá Íslenska lífeyrissjóðnum getur þú valið um tvær útgreiðsluleiðir. Munurinn felst í skiptingu milli samtryggingar, bundinnar séreignar og frjálsrar séreignar.

Þú velur þína ávöxtunarleið

Íslenski lífeyrissjóðurinn býður upp á fjórar ávöxtunarleiðir fyrir sériegnahluta í lögbundnum lífeyrissparnaði: Líf I, Líf II, Líf III og Líf IV. Flestir kjósa að fylgja Lífsbraut Íslenska lífeyrissjóðsins þar sem þeir færast sjálfkrafa á milli Líf I, II, III og IV eftir aldri. Samtrygging fylgir sömu ávöxtunarleið og Líf II í samræmi við fjárfestingarstefnu Íslenska lífeyrissjóðsins.