Fasteignakaup

• Öll grunngögn.
• Undirritað og samþykkt kauptilboð, ef við á.
• Verðmat/kauptilboð fasteignar í eigu umsækjanda sem verður seld til að fjármagna kaupin (verðmat fengið hjá löggiltum fasteignasala).
• Matsverð bifreiðar í eigu umsækjanda sem verður seld til að fjármagna kaupin (matsverðið áætlað af bílasala).
• Veðbókarvottorð bifreiðar í eigu umsækjanda. Hægt að fá hjá bankanum skv. gjaldskrá.
• Staðfestingu frá fjármálafyrirtæki um sparifjáreign umsækjanda.
• Upplýsingar um áætlað söluverðmæti verðbréfa sem skráð eru á verðbréfaþingi eða í kauphöll.
• Ef eignin er ekki fullbúin, byggingarstig 7, þarf kostnaðaráætlun og áætlað verðmat fullbúinnar eignar frá löggiltum fasteignasalanum.
• Við kaup/byggingu þarf að sýna fram á 100% fjármögnun (eigið fé + lán = kaupverð eða byggingakostnaður). 

Lán með veði í fasteign (endurfjármögnun)

• Öll grunngögn.
• Verðmat fasteignar í eigu umsækjanda m.v. ástand eignarinnar í dag (verðmat fengið hjá löggiltum fasteignasala).
• Ef eignin er ekki fullbúin, byggingarstig 7, þarf kostnaðaráætlun og áætlað verðmat fullbúinnar eignar frá löggiltum fasteignasala.

• Undirrituð og útfyllt umsókn um lán eða fyrirgreiðslu þar sem fram kemur m.a. upphæð láns, lánstími, tryggingar og ráðstöfun. Ef umsókn er ekki undirrituð þarf yfirlit yfir skuldbindingar og ábyrgðarskuldbindingar umsækjanda hjá öðrum fjármálafyrirtækjum (skuldastöðuyfirlit frá Credit Info) eða umboð til að óska eftir slíku yfirliti fyrir umsækjanda.

• Afrit af síðustu skattaskýrslu, staðfestri af skattayfirvöldum eða löggiltum endurskoðanda.
• Staðfesting á tekjum síðustu þriggja mánaða.
• Staðfesting á eftirstöðvum og greiðslubyrði allra skulda sem ekki koma fram á skuldastöðuyfirliti. 
• Veðbókarvottorð á fasteignir í eigu umsækjanda ef við á. Hægt að fá hjá bankanum skv. gjaldskrá.

Tekjur

• Afrit af launaseðlum síðustu þriggja mánaða.
• Greiðslustimplaðar skilagreinar vegna staðgreiðslu reiknaðs endurgjalds ef um sjálfstæða atvinnurekendur er að ræða.
• Staðfesting á föstum bótagreiðslum s.s. vegna meðlagsgreiðslna og lífeyrisgreiðslna.
• Staðfesting á væntanlegu námsláni ef um námsmenn er að ræða.
• Ef launaseðlar liggja ekki fyrir þar sem ekki er um launaða vinnu umsækjanda að ræða skal leggja fram fullnægjandi skýringar um afkomu, sbr. tekjustofn í skattframtali.
• Ef umsækjandi er að hefja störf hjá nýjum vinnuveitanda eða tekjur hækka, þarf staðfesting vinnuveitandans um ráðningu og launakjör að liggja fyrir.

Skuldir

• Afrit af síðustu greiðslukvittun allra lána sem ekki koma fram á skuldastöðuyfirliti. Greiðslukvittunin skal innihalda upplýsingar um tegund láns, fyrsta vaxtadag láns, vaxtaprósentu, upphaflegan fjölda afborgana, fjölda afborgana sem eftir eru, fjölda mánaða milli afborgana, vísitölu, lánveitanda, númer bréfs, upphaflega fjárhæð og eftirstöðvar.
• Afrit af skuldabréfi eða annarri lántöku, sé ekki komið að fyrsta gjalddaga þess.
• Yfirlit yfir aðrar skuldir, svo sem vegna greiðslukorta (raðgreiðslusamningar), náms, bifreiðaviðskipta o.fl.