Landsbankinn býður einstaklingum hagstæð lán til framkvæmda og endurbóta á íbúðarhúsnæði og sumarhúsum. Lánað er til endurbóta innan- og utanhúss og til framkvæmda á eignum sem hafa náð byggingarstigi 4, eða eru fokheldi. Boðið er upp á allt að 2 milljóna króna óverðtryggt lán til fimm ára. Vextirnir eru þeir sömu og eru á óverðtryggðum íbúðalánum bankans og lántökugjöld eru engin. Umsóknarfrestur er til 1. desember 2012.

Landsbankinn vill með þessu leggja sitt af mörkum til hvatningarátaksins Allir vinna og taka þátt í að örva atvinnulíf og framkvæmdir.

Allir vinna

Allir vinna er hvatningarátak stjórnvalda og aðila vinnumarkaðarins um atvinnuskapandi framkvæmdir á Íslandi. Þeir sem ráðast í framkvæmdir á heimilinu eiga rétt á 100% endurgreiðslu á virðisaukaskatti af vinnulaunum og skattafrádrætti sem getur numið allt að 300.000 krónum.

• Umsókn um Lán til góðra verka
• Kostnaðaráætlun

Hafðu samband

Panta ráðgjöf

Reiknaðu dæmið

Nánari upplýsingar á allirvinna.is

Lánsupphæð og lánstími

• Allt að 2 milljóna króna lán með veði í eign lántaka eða allt að 1 milljón króna lán án veðs.
• Hámarksfjárhæð fer eftir viðskiptasögu lántaka og útlánareglum bankans hverju sinni.
• Lánstími er til allt að 5 ára.

Vextir

• Þeir sömu og eru á óverðtryggðum íbúðalánum.
• Breytilegir vextir sem taka mið af vaxtatöflu, hverju sinni.

Gjöld

• Engin lántökugjöld hjá bankanum.
• Stimpilgjald sem rennur til ríkissjóðs.
• Þinglýsingargjald sem rennur til ríkissjóðs.
• Umsókninni þarf að fylgja veðbandayfirlit sem má nálgast hjá sýslumanni eða hjá bankanum gegn gjaldi skv. verðskrá.
• Ekkert uppgreiðslugjald.

Aðrar upplýsingar

• Með umsókninni þarf að fylgja kostnaðaráætlun og lýsing á framkvæmdunum sem ráðist verður í.
• Lántaki þarf að standast greiðslumat.
• Lánað er til framkvæmda sem farið er í á árinu 2012.
• Lánið er afgreitt gegn framvísun reikninga fyrir vöru- og þjónustukaupum sem tengjast framkvæmdunum. Framkvæmdum þarf að vera lokið fyrir áramótin, þ.e. reikningurinn þarf að vera kominn fyrir áramótin, en síðasti umsóknardagurinn er 1.12.2012.
• Ef vilyrði er fyrir hendi getur lántaki fengið tímabundna yfirdráttarheimild til að staðgreiða hluta kaupanna ef þess er þörf.
• Hámarksveðhlutfall er allt að 70% af markaðsvirði eignar og nýtt verðmat frá löggiltum fasteignasala skal liggja fyrir.
• Lánsfjárhæðin þarf að vera innan við 100% af brunabótamati.
• Lánið er afgreitt skv. útlánareglum bankans.
• Mánaðarlegar greiðslur.