Óverðtryggð íbúðalán með föstum vöxtum

Kostir láns

Landsbankinn býður nú óverðtryggð íbúðalán á föstum vöxtum til 36 eða 60 mánaða. Áður en kemur að lokagjalddaga fastvaxtatímabilsins velur lántaki hvort festa eigi vexti aftur á þeim kjörum sem í boði eru á þeim tíma, að öðrum kosti verður lánið með breytilegum óverðtryggðum vöxtum út lánstímann. Lánið skal vera á fyrsta veðrétti eða í samfelldri veðröð frá og með fyrsta veðrétti. Lánið hentar þeim sem vilja endurfjármagna lán hjá Landsbankanum án lántökukostnaðar. Einnig hentar lánið þeim sem vilja fremur hraða eignamyndun og forðast uppsöfnun verðbóta á höfuðstól.

Sæktu um

Reiknaðu dæmið

Hafðu samband

Lánstími

Lánstími er allt að 40 ár
Viðbótarlán er til að hámarki 15 ára með jöfnum afborgunum

Vextir

Fastir vextir til 36 eða 60 mánaða
Vexti á eru auglýstir í vaxtatöflu Landsbankans og má sjá hér til hliðar.

Óverðtryggð íbúðalán
Lánshlutfall	Binding vaxta
	36 mán	60 mán
Allt að 70%	7,30%	7,60%
70 til 85%	8,30%	8,60%

Lánsfjárhæð og veðhlutfall

Lánað er fyrir allt að 70% af markaðsvirði eða verðmati eignar en einnig er mögulegt að fjármagna allt að 85% með viðbótarláni.
Hámarkslánshlutfall getur ekki orðið hærra en sem nemur samanlögðu brunabótamati og lóðamati íbúðarhúsnæðis.
Gerð er krafa um 1. veðrétt og að fasteign sé í eigu lántaka
Lágmarkslánsfjárhæð er 1 milljón króna.

Afborganir

Lánið getur verið jafngreiðslulán (annuitet) eða með jöfnum afborgunum af höfuðstóli.
Viðbótarlán er með jöfnum afborgunum af höfuðstóli.
Gjalddagar eru mánaðarlega, eða 1. hvers mánaðar

Gjöld

Stimpilgjald er 1,5% og rennur til ríkissjóðs (engin stimpilgjöld þarf að greiða af fyrstu íbúð).
Þinglýsingargjald sem rennur í ríkissjóð.
Lántökugjald, sem er 1%.
Samkvæmt breytingum á lögum um stimpilgjöld nr. 36/1978 sem tóku gildi 1.janúar 2013 er ekkert stimpilgjald tekið ef endurfjármagna á íbúðalán. Stimpilgjald er fellt niður af þeim hluta nýja lánsins sem samsvarar uppreiknuðu virði eldra lánsins ásamt vanskilum.
Innan 30 daga fyrir endursetningu vaxta getur viðskiptavinur greitt inn á lánið eða greitt það upp án uppgreiðslugjalds. Á fastvaxtatímabilinu er uppgreiðslu- og umframgreiðslugjald 2%.
Önnur gjöld samkvæmt gjaldskrá Landsbankans.

Ertu að kaupa þína fyrstu fasteign?

Lántakendur sem eru að kaupa sína fyrstu fasteign og standa í skilum með lán sitt fá árlega endurgreiðslu frá bankanum í janúar í þrjú ár. Endurgreiðslan er sem nemur 0,25 prósentustigum af greiddum vöxtum lánsins og greiðist inn á skuldfærslureikning lántaka. Endurgreiðslan nær ekki til lána sem hafa verið endurfjármögnuð þótt um fyrstu kaup sé að ræða.

Ertu Vörðufélagi?

50% afsláttur af lántökugjaldi til Vörðufélaga, eða 0,5%
5.000 Aukakrónur við stofnun láns ef Vörðufélagi er í Aukakrónusöfnun

Aðrar upplýsingar

Blandað íbúðalán er í boði, hluti óverðtryggður og hluti verðtryggður.
Lántaki þarf að standast greiðslumat.
Veðflutningar lána eru heimilir (þar sem við á).

Greiðsluhögun

Jafnar afborganir

Þegar um jafnar afborganir af höfuðstól er að ræða er alltaf greitt jafn mikið af höfuðstól lánsins og leggjast uppsafnaðir vextir við afborgun höfuðstóls. Eignamyndun er jöfn yfir lánstímann.

Jafnar greiðslur (annuitet)

Jafnar greiðslur fela í sér að hver gjalddagi er jafn hár þeim næsta, að verðbótum undanskildum. Afborgun af höfuðstól er mjög lág til að byrja með og eignamyndun hraðari síðari hluta lánstímans en fyrri hluta hans.