Í stað þess að samþykkja greiðsluna með undirskrift eins og verið hefur er greiðslan samþykkt með pinni sem korthafinn slær sjálfur inn í posann og staðfestir, líkt og víða erlends. Korthafar eiga ekki lengur að láta kortið sitt af hendi þegar greitt er fyrir vörur og þjónustu

Nú eru öll kreditkort Landsbankans komin með örgjörva og flest öll debetkort en fyrir þá sem ekki hafa ennþá fengið kort með örgjörva, verður fyrst um sinn, einnig hægt að nota segulröndina á kortinu til greiðslu. Víða erlendis, t.d. í Bandaríkjunum er segulröndin nær eingöngu notuð.

Ástæðan fyrir þessari breyttu aðferð er að auka öryggi fyrir korthafa þegar greitt er með kortum. Með þessari breytingu mæta íslenskir aðilar kröfum alþjóðlegu kortafyrirtækjanna um öryggisráðstafanir sem innleiddar eru um allan heim og eru til að sporna við fjársvikum skipulagðra glæpasamtaka.

Korthafar skulu ekki láta kortið af hendi þegar greitt er fyrir vörur og þjónustu, heldur setja sjálfir kortið í posann og staðfesta viðskiptin með því að slá inn pinnið. Það er eingöngu ef korthafinn man ekki pinnið á aðlögunartímabilinu (fram til 25. apríl 2013) að starfsmaður verslunar þarf að sjá kortið til að bera saman undirskriftir á korti og kvittun.

Korthafi getur fengið kvittun eins og áður, óski hann eftir því.

Nei, korthafi getur ekki búist við að ráðgjafa- og þjónustuver Landsbankans né útibú gefi upp pinnið í gegnum síma. Aftur á móti er hægt að hringja í Landsbankann og pantað pinnið og sækja það í útibú. Best er að sækja pinnið í netbankann.

Ef rangt pinn er slegið þrisvar sinnum lokast kortið. Hægt er að enduropna kortið í hraðbönkum Landsbankans ef um er að ræða kreditkort með því að slá inn rétt pinnen hægt er að nálgast rétt pinn í Netbankanum.

Ef um er að ræða debetkort þarf korthafi að hafa samband við næsta útibú eða ráðgjafa- og þjónustuver Landsbankans. Þegar starfsmenn Landsbankans hafa enduropnað kortið þarf að virkja það í örgjörvaposa, næst þegar kortið er notað með því að slá inn rétt pinn en hægt er að nálgast rétt pinn í Netbankanum. Ef heimild fæst fyrir fjárhæðinni enduropnast pinnið og skal þá korthafi staðfesta greiðsluna með undirskrift á kvittun.

Sé korthafi staddur erlendis og kreditkortið lokast er hægt að enduropna það með því að taka út pening í hraðbönkum og slá þá inn rétt pinn. Ef um Visa kort er að ræða, þarf að taka út pening sem samsvarar 50 pundum (ca. 65 evrur). Ef um MasterCard kort að ræða er engin lágmarksupphæð.

Ef korthafi man ekki pinnið getur hann fram til 25. apríl 2013 staðfest viðskiptin með græna takkanum og skrifað undir kvittunina. Starfsmaður verslunar þarf þá kortið til að bera saman undirskriftir á korti og kvittun.

Ef söluaðili er ekki með posa sem les örgjörva skal nota segulröndina og skrifa undir eins og áður en á öllum örgjörvakortum er einnig segulrönd.

Nei, pinnið er ákveðið og reiknað út af Valtor og Borgun og ekki hægt að velja það.

Já, pinnið þarf að varðveita á öruggan hátt, ekki geyma það á miða í veskinu eða á öðrum stað þar sem þjófar gætu nálgast það. Aldrei skal segja neinum hvert pinnið er. Komist óprúttnir aðilar yfir kortið og pinnið og nota kortið, ber korthafi ábyrgð á úttektum.

Já, ef kort glatast eða því er stolið skal tilkynna það strax glatað til Landsbankans, Valitor (Visa kort) eða Borgunar (MasterCard kort).

Ef örgjörvakortinu er stolið er ekki hægt að nota það á sölustað sem krefst þess að viðskipti séu staðfest með pinni nema að þjófurinn hafi einnig komist yfir pinnið. Eftir sem áður þarf strax að tilkynna um glatað kort.

Ef óprúttnir aðilar komast yfir örgjörvakortið og pinnið ber korthafi ábyrgð á úttektum af kortinu. Söluaðilar bera ekki ábyrgð á sviksamlegri færslu á örgjörvakort sem tekið er á móti með örgjörvaposa, hafi hún verið staðfest á réttan hátt með pinni í stað undirskriftar. Söluaðilar bera hins vegar ábyrgð á sviksamlegri færslu ef segulröndin er notuð og færsla er staðfest með undirskrift.

Ef korthafi man ekki pinnið geturðu hann nálgast það í Netbanka Landsbankans ef um Visa kreditkort eða Visa Electron kort er um að ræða. Eins er hægt að hafa samband við Landsbankann og panta pinnið og sækja það í útibú nokkrum dögum síðar.

Öll kreditkort Landsbankans eru með örgjörva og flest öll debetkort. Hægt er að sækja um kreditkort og debetkort í öllum útibúum Landsbankans og eins á heimasíðu bankans, landsbankinn.is. Þegar korthafi fær nýtt kort, fær hann pinnið með kortinu.

Örgjörvinn er lítill gylltur eða silfraður ferhyrningur sem er staðsettur vinstra megin á kortinu. Segulröndin sem er aftan á öllum kortum verður þar áfram til að nota þar sem ekki eru posar sem lesa örgjörvakort. Örgjörvakort eru mun öruggari en segulrandarkort.
 

Nei, PIN-ið á rafræna skilríkinu sem er á debetkortum og er einnig 4 stafir er til auðkenningar á netinu en pinnið á greiðslukortinu er ætlað til að samþykkja greiðslu. Pinnið til að samþykkja greiðslur fylgir með öllum nýjum kortum og eru afhent með kortinu þegar það er sótt í Landsbankann en PIN-ið með rafrænum skilríkjum er valið af korthafanum sjálfum.