Í hnotskurn

• Kortið kemur í fallegum gjafaumbúðum, sem hægt er að skrifa á upphæð kortsins og kveðju til viðtakanda.
• Gjafakort Landsbankans hentar bæði einstaklingum og fyrirtækjum/stofnunum.
• Hægt er að nota Gjafakort Landsbankans hjá öllum söluaðilum sem taka á móti Visa kortum, bæði innanlands og erlendis, nema þar sem krafist er PIN númers. Kortið virkar eins og fyrirframgreitt kreditkort.
• Tilvalið er að nota Gjafakortið í vefverslunum, en öryggisnúmer er að finna aftan á kortinu.
• Kortið er inneignarkort og takmarkast notkun við innistæðu þess.
• Hægt er að fylgjast með stöðu og færslum hér á vefnum og því þarf hvorki kaupandi né viðtakandi að vera í viðskiptum við Landsbankann.
• Gjafakortið fæst í öllum útibúum Landsbankans.

Spurt og svarað

• Hvað er Gjafakort Landsbankans?

  Svar: Gjafakort Landsbankans virkar eins og fyrirframgreitt kreditkort nema það er án nafns korthafa. Alltaf er hringt inn eftir heimild við notkun kortsins sem kemur í veg fyrir að notkun þess verði umfram innistæðu.

• Fyrir hverja er Gjafakort Landsbankans?

  Svar: Gjafakort Landsbankans hentar bæði einstaklingum og fyrirtækjum/stofnunum og er tilvalið fyrir fyrirtæki að eiga kort sem þau geta fyllt á sjálf.

• Hvernig panta ég Gjafakort Landsbankans?

  Svar: Gjafakortið fæst í öllum útibúum Landsbankans.

• Geta fyrirtæki eða stofnanir fyllt sjálf á kortin?

  Svar: Já, fyrirtæki geta átt Gjafakort á lager og fyllt á þau sjálf í netbanka fyrirtækj þegar þau ætla að gefa þau. Hafa skal samband við næsta útibú til að fá frekari upplýsingar um það hvernig fyllt er á kortin.

• Hve langan tíma tekur að fá kortið afhent?

  Svar: Kortin eru afhent strax í útibúum Lansdbankans en afhendingartími magninnkaupa fyrirtækja og stofnana er 1-3 dagar.

• Er hægt að leggja aftur inn á kortið?

  Svar: Nei, aðeins er hægt að leggja inn á kortið einu sinni. Kortið er ónýtt þegar inneignin klárast.

• Hvar get ég notað Gjafakort Landsbankans?

  Svar: Hægt að nota Gjafakort Landsbankans hjá öllum söluaðilum sem taka á móti Visa kortum, bæði innanlands og erlendis, nema þar sem krafist er PIN númers. Kortið virkar eins og hefðbundið kreditkort.

• Er hægt að nota kortið í verslunum erlendis sem hafa posa fyrir örgjörvakort?

  Svar: Já, það á að vera hægt að nota kortið hjá öllum söluaðilum sem taka á móti Visa-kortum en víða (t.d. í Bandaríkjunum) eru örgjörvakort ekki í notkun. Í stað þess að slá inn PIN, skal skrifa nafn sitt undir Visa kvittunina eins og gert er á flestum verslunum á Íslandi. Því er mikilvægt að handhafi kortsins hafi ritað nafn sitt á undirskriftarborða kortsins. Í sumum verslunum erlendis er krafist PIN-númers og því geta korthafar lent í vandræðum þar þó að öllum söluaðilum sem taka á móti Visa kortum beri að taka á móti Gjafakorti Landsbankans sem er Visa kort og hefur verið samþykkt sem slíkt af Visa Europe.

• Get ég notað kortið á netinu?

  Svar: Já, hægt er að nota Gjafakort Landsbankans á netinu en aftan á því er 3 stafa öryggisnúmer sem oft er krafist við kaup á netinu.

• Er hægt að taka út pening í hraðbönkum eða í útibúum?

  Svar: Nei, ekki er hægt að taka út pening með kortinu, hvorki í hraðbönkum né í útibúum.

• Get ég keypt erlendan gjaldeyri með gjafakortinu?

  Svar: Nei, kaup á erlendum gjaldeyri jafngildir peningaúttekt. Kortið er alþjóðlegt greiðslukort og það er hægt að nota erlendis til að greiða fyrir vörur og þjónustu.

• Er eitthvað hámark á þeirri fjárhæð sem leggja má inn á hvert kort?

  Svar: Já, hámarkið er 100.000 krónur.

• Hvenær rennur kortið út?

  Svar: Framan á kortinu kemur fram hver gildistími kortsins er. Til dæmis gilda kort, sem á stendur 12/13, út desember 2013. Eldri kort sem á stendur 11-09 gilda út september 2011.

• Er eitthvað lágmark á þeirri fjárhæð sem má leggja inn á hvert kort?

  Svar: Nei, það er ekkert lágmark en greiða þarf gjald fyrir hvert kort svo ekki er hagkvæmt að leggja mjög lágar upphæðir inn á gjafakortin.

• Hvernig veit ég hvað ég á mikið inná kortinu?

  Svar: Hægt er að sjá stöðu kortsins og allar hreyfingar þess á www.landsbankinn.is/gjafakort.

• Þarf kaupandi eða viðtakandi að vera í viðskiptum við Landsbankann?

  Svar: Nei, en einstaklingar sem kaupa kortið þurfa að eiga skannað skilríki hjá Landsbankanum.

• Er einhver lágmarksaldur kaupanda eða þiggjanda?

  Svar: Nei.

• Af hverju þarf að greiða fyrir kortið?

  Verð kortsins er fyrir gjafaumbúðum sem fylgja með kortinu sem tilvalið er að nota til að skrifa skilaboð til þiggjanda og spara sér þannig kaup á öðru slíku. Eins er kostnaðurinn fyrir plastinu og útgáfu kortsins.

• Þarf að samþykkja skilmála eins og á við um önnur kort?

  Svar: Þiggjandi samþykkir skilmála kortsins með fyrstu notkun þess. Hér eru skilmálar gjafakortsins en einnig er vísað á þá í gjafaumbúðum kortsins.

• Hvað geri ég ef ég týni kortinu?

  Svar: Ef kortið týnist skal strax hafa samband við Ráðgjafa- og þjónustuver Landsbankans í síma 410 4000 til að loka kortinu en til þess þarf að gefa upp númer þess og því mikilvægt að þekkja það. Ef korthafi þekkir ekki númer kortsins, gæti sá sem keypti kortið og gaf það hugsanlega þekkt kortanúmerið. Ef kortanúmerið er ekki þekkt er ekki hægt að loka því og er þá inneignin tapað fé.
  
  Þegar korti hefur verið lokað getur eingöngu kaupandi flutt inneignina yfir á nýtt kort.

• Ef gildistími kortsins er liðinn en ennþá er inneign á kortinu, get ég notað inneignina?

  Svar: Já, korthafar hafa 3 mánuði frá því að kortið rennur út til að nota inneign sína en það gera þeir með því að kaupa nýtt gjafakort Landsbankans og eru eftirstöðvar gamla kortsins þá fluttar yfir á það nýja.