Þær aðgerðir sem hægt er að framkvæma í Þjónustusímanum eru m.a.:

• Fá upplýsingar um stöðu og síðustu færslur
• Millifæra
• Fá upplýsingar um yfirdráttarheimild og gildistíma hennar
• Fá upplýsingar um stöðu á kreditkortum

Hægt er að millifæra milli kl. 07.00 og 21.00 virka daga og milli kl. 11.00 og 17.00 um helgar

Til að hægt sé að nýta sér Þjónustusímann þarf að hafa leyninúmerið við hendina. Það er það númer sem þú valdir þegar þú sóttir um reikninginn og notar til að framkvæma millifærslur í netbankanum.

Innskráning

• Hringdu í síma 515 4444 og bíddu eftir sambandi.
• Sláðu inn fjögurra stafa bankanúmer og sex stafa reikningsnúmer, alls tíu stafi, og veldu ferninginn. Sé banka- og reikningsnúmer styttra en tíu stafir skal setja núll fyrir framan númerið þar til það verður tíu stafa. Að síðustu skal slá inn fjögurra stafa leyninúmer og velja ferninginn. Dæmi:  0101 001234 # 8524 #.
• Eftir innskráningu hefst lestur stöðu og síðustu færslna.
• Ef þú vilt stöðva lesturinn og fá frekari upplýsingar um valmöguleika Þjónustusímans velur þú #.

Fyrirspurn um reikning/kreditkort

Hægt er að fá uppgefna stöðu og færslur á öðrum reikningum sem og stöðu á kreditkorti.

• Eftir að innskráningu lýkur skal velja 3 og #.
• Til að fá upplýsingar um reikning skal slá inn fjögurra stafa bankanúmer, tveggja stafa höfuðbók og sex stafa reikningsnúmer. Næst skal slá inn fjögurra stafa leyninúmer og velja ferninginn. Dæmi: 0101 26 001234 # 8524 #
• Til að fá upplýsingar um kreditkort skal slá inn sextán stafa kortanúmer. Næst skal slá inn fjögurra stafa leyninúmer og velja ferninginn. Dæmi: 5000 8600 0050 0050 # 8254 #.
• Að því loknu er staða reiknings eða kreditkorts lesin upp.

Millifærsla

Hægt er að millifæra milli reikninga með sömu kennitölu eða milli reiknings og fimm annarra kennitalna. Til þess að geta millifært milli fleiri en einnar kennitölu þarf að óska eftir því sérstaklega hjá viðskiptaútibúi. Hámarksupphæð millifærslna á sólarhring er 1.000.000 kr.

• Eftir að innskráningu lýkur skal velja 4 og #.
• Að því loknu skal slá inn fjögurra stafa bankanúmer og sex stafa reikningsnúmer þess reiknings sem leggja skal inn á, alls tíu stafi og ýta á #. Dæmi: 0101 26 001234 # 8524 #
• Síðan skal slá inn upphæð í krónum sem millifæra á inn á reikninginn og velja #.
• Til að staðfesta færsluna skal velja 1 og # en viljir þú hætta við millifærsluna velur þú 0 og #.
• Að því loknu er staða og síðustu færslur lesnar upp en ef þú vilt millifæra aftur velur þú 4 og #.

Upplýsingar um yfirdráttarheimild

Eftir innskráningu skal velja 9 og #. Þá er lesin upp upphæð yfirdráttarheimildar á reikningnum. Eftir lesturinn skal velja # til að fá stöðu og síðustu færslur endurteknar eða 0 og # til að rjúfa sambandið.

Lyklar sem gott er að leggja á minnið

 0 #  Hætta við framkvæmd/rjúfa samband 
 1 #  Staðfesting á framkvæmd 
 3 #  Fyrirspurn um annan reikning eða greiðslukort 
 4 #  Millifærsla 
 9 #  Heimildir