Rafræn skilríki er að finna í örgjörvum nýrra debetkorta. Þessi skilríki eru hönnuð til nota í rafrænum samskiptum og eru gefin út í samvinnu við íslenska ríkið. Handhafi rafræns skilríkis getur auðkennt sig með öruggum hætti á netinu, en þetta felur í sér verulegt hagræði og minni umsýslu.

Rafræn skilríki eru notuð á eftirfarandi hátt:

- Til auðkenningar við innskráningu á vefi ýmissa þjónustuaðila, s.s. í netbanka Landsbankans og hjá opinberum stofnunum.
- Til undirritunar samninga og ýmissa skuldbindinga, s.s. leyfisumsókna, lána o.fl.

Afhending rafrænna skilríkja á debetkortum er ennþá í innleiðingarferli og því eru í dag rafræn skilríki á debetkortum eingöngu í boði fyrir 18 ára og eldri . Í framtíðinni verða rafræn skilríki einnig í boði fyrir yngri en 18 ára.

Ástæðan fyrir þessu snýr m.a. að lögum um ófjárráða einstaklinga og er verið að vinna að því að samræma vinnubrögð og reglur við afhendingu rafrænna skilríkja á debetkortum til slíkra einstaklinga.

Hafir þú áhuga á að eignast debetkort með rafrænum skilríkjum setur þú sótt um það hér á vefnum . Einnig getur þú haft samband við ráðgjafa- og þjónustuver í síma 410-4000 eða komið við í næsta útibúi Landsbankans .

Hægt er að fá debetkort með rafrænum skilríkjum afhent í öllum útibúum Landsbankans nema Leifsstöð.

Já. Hægt er að afþakka rafræn skilríki á debetkorti á tvennan hátt.

• Hægt er að fá debetkort afhent þannig að hægt er að láta virkja rafræn skilríki síðar.
• Hægt er að fá debetkort afhent og láta afturkalla og læsa rafrænum skilríkjum. Þá er rafrænum skilríkjum endanlega lokað og ekki hægt að virkja þau eftir á.

Ef rafræn skilríki eru afþökkuð þarf ekki að framvísa PUK númeri við afhendingu debetkortsins en ávallt þarf að framvísa gildu persónuskilríki.

 

Rafræn skilríki uppfylla íslenskar og evrópskar lagareglur og byggja á öruggri tækni. Nánari upplýsingar um rafræn skilríki má finna á www.skilriki.is .

Til þess að geta fengið nýtt debetkort með rafrænu skilríki afhent þarf að:

(a) Mæta í útibúið í eigin persónu.
(b) Hafa meðferðis persónuskilríki með skýrri mynd, s.s. vegabréf, ökuskírteini eða nafnskírteini.
(c) Hafa meðferðis PUK-númerið sem nálgast má í netbankanum (einnig í tilkynningu um nýtt debetkort).
(d) Ákveða og leggja á minnið nýtt 6 tölustafa öruggt PIN-númer fyrir rafrænt skilríki. Sjá upplýsingar um öruggt PIN-númer . Athugaðu að PIN-númer fyrir hefðbundna notkun debetkorta er óbreytt.

Ýmsar stofnanir og fyrirtæki hafa þegar tekið rafræn skilríki í sína þjónustu. Með aukinni dreifingu rafrænna skilríkja mun fjöldi þeirra aukast jafnt og þétt. Hægt er að sjá lista yfir þjónustuveitendur á www.skilriki.is .

Hjá Landsbankanum er hægt að nota rafræn skilríki til að auðkenna sig í netbankanum.

Listi yfir þjónustuveitur

Rafræn skilríki

- Má nota við innskráningu á ýmsar vefsíður sem og til undirritunar á rafrænum skjölum hjá þjónustuaðilum.
- Geyma upplýsingar um eiganda sinn, t.d. nafn og kennitölu.
- Eru innbyggð í debetkort.
- Þarfnast kortalesara tengdan tölvunni og hugbúnað til að lesa upplýsingarnar af skilríkjunum.
- Er með eitt og sama lykilorðið fyrir alla auðkenningu.

Auðkennislykill

- Er eingöngu notaður við innskráningu í netbanka.
- Geymir engar upplýsingar.
- Er lyklakippa.
- Þarfnast ekki uppsetningar á aukalegum tæknibúnaði í tölvu notandans.
- Gefur upp mismunandi númer í hvert skipti sem beðið er um innslátt á því, ásamt með hefðbundnu notendanafni og lykilorði.

PUK-númer (e. Pin Unblocking Key) er opnunarlykill rafrænna skilríkja. Til þess að fá debetkort með rafrænu skilríki afhent þarft þú að vera búin(n) að sækja PUK-númerið í netbanka einstaklinga hjá Landsbankanum.

1. Til að sækja PUK-númerið ferðu í netbankann, smellir á "Stillingar" og "Sækja PUK-númer".

2. Næst berð þú saman tékkaábyrgðarnúmerið á debetkortinu, sem finna má á tilkynningunni frá RB, við númerið sem birtist í netbankanum.

3. Ef það er samsvarandi, smellir þú á "Sækja PUK", setur inn leyniorðið þitt í netbankann og PUK númerið birtist í næstu mynd.

4. Númerið skaltu prenta út eða skrifa niður og mæta með það í það útibú Landsbankans sem þú óskaðir eftir að það yrði sent, ásamt lögmætum persónuskilríkjum og fyrirfram ákveðið 6 stafa leyninúmeri (PIN númer) . Athugaðu að öll útibú Landsbankans afhenda nú rafræn skilríki nema Leifsstöð.

Fyrstu 4 stafirnir í PIN-númerinu eru notaðir við innskráningu á síður sem styðja rafræn skilríki.

Allir 6 stafirnir í PIN-númerinu eru notaðir til rafrænnar undirritunar skjala á síðum sem styðja rafræn skilríki.

Já, þú getur breytt PIN-númerinu sem þú valdir þegar þú sóttir debetkortið með rafræna skilríkinu. Þetta er gert í Nexus Personal forritinu sem þú setur upp í tölvunni þinni til að auðkenna rafrænu skilríkin.

Þeir sem ekki eru komnir með rafræn skilríki og skrá sig inn í netbankann með Todos auðkennislyklinum þurfa að slá inn lykilorð til að sækja PUK-númerið. Lykilorðs er ekki krafist hjá þeim sem skrá sig inn með rafrænu skilríki.

Núverandi virkni við skráningu í netbankann með Todos auðkennislykli helst með öllu óbreytt.

Áður en þú getur byrjað að nota rafræn skilríki þarftu að fylgja eftirfarandi leiðbeiningum:

1. Sækja debetkortið með rafrænu skilríkjunum í útibú Landsbankans.
2. Setja upp Nexus hugbúnað, sem les örgjörvann á debetkortinu, í tölvunni þinni. Það er gert með því að fara inn á vefslóðina landsbanki.is/skilriki og smella á hnappinn „Uppsetning búnaðar“. Síðan skal smella á „Sækja Nexus hugbúnað“ og hleðst hugbúnaðurinn þá inn á tölvuna þína.
3. Stinga lesara í samband við tölvuna eða nota innbyggðan lesara í tölvunni, sé slíkur til staðar.
Ef hjálparkerfið opnast ekki sjálfkrafa þarf að keyra sérstakan rekil (e. Driver) fyrir lesarann. Hann gerir tölvunni kleift að tengjast við kortalesarann.
4. Setja upp lesara með "Hardware Wizard" sem kemur sjálfkrafa upp á skjáinn. Sé lesari innbyggður í tölvuna þína þarf ekki að gera þetta.
5. Stinga debetkortinu í lesarann og byrja að nýta kosti rafræns skilríkis.
6. Ef skráning mistekst skal enduropna Nexus hugbúnaðinn.

Svar: Smelltu á tengill undir "Tengt efni" hér hægra megin á síðunni sem heitir "Prófa rafrænt skilríki". Stingdu skilríkinu í kortalesarann þinn og smelltu á hnappinn. Upp kemur síða sem segir þér stöðuna á skilríkinu, gildistíma ofl. Athugaðu hvort að skilríkið er merkt "Læst" eða hvort það er útrunnið. Ef svo er, farðu í næsta útibú Landsbankans og láttu skráningarfulltrúa opna læst PIN (þá þarftu að hafa PUK númerið með þér og gild persónuskilríki) eða pantaðu nýtt rafrænt skilríki. Einnig er hægt að panta nýtt rafrænt skilríki rafrænt hér á vefnum.

Þú þarft að fara í næsta útibú Landsbankans og tala við skráningarfulltrúa til að aflæsa debetkortinu með rafræna skilríkinu.

Ef skilríki týnist eða því er stolið þarf að hringja tafarlaust í neyðarlínu viðkomandi kortafyrirtækis (fyrir kort gefin út af Visa, Valitor í s. 525-2000 / fyrir kort gefin út af MasterCard, Borgun í s. 533-1400) eða hringja í þjónustuver Landsbankans í síma 410-4000 og láta loka kortinu. Einungis sá sem þekkir leyninúmer rafræna skilríkisins (PIN) getur notað það sem skilríki.

Nei, fyrst um sinn er aðeins hægt að nota rafræn skilríki hjá íslenskum þjónustuaðilum.

Eins og staðan er í dag styðja vafrarnir Internet Explorer og Mozilla Firefox 3.0 rafræn skilríki. Ef þú ert með Firefox 3.0 og færð ekki uppgefið sjálfvalið auðkenni við innskráningu skaltu fylgja leiðbeiningum um Firefox og rafræn skilríki.

Aðrir vafrar styðja ekki rafræn skilríki.

Já, hægt er að sækja sérstaka útgáfu Nexus hugbúnaðarins fyrir MacOS og Linux á www.landsbanki.is/skilriki .

Notendur Windows og Internet Explorer geta lagað þetta með því að uppfæra þessa skrá . Notendur með önnur kerfi þurfa að athuga sambærilegar uppfærslur.

Nei. Debetkortið sem slíkt er ekki fullgilt skilríki. Ekki má rugla því saman við skilríki sem gefin eru út af hinu opinbera.

Já ef þú ert með debetkort með skilríkjum getur þú notað það í öllum heimabönkum sem þú hefur aðgang að.

- Tékkaábyrgðarnúmer má finna á tilkynningunni (gula blaðinu) frá RB.
- Það er aftan á því debetkorti sem verið er að sækja PUK fyrir hverju sinni.
- Það birtist sjálfkrafa í netbankanum ef sótt er um og búið er að stofna rafrænt skilríki.