Til að bankaþjónustan á netinu sé eins örugg og unnt er höfum við bætt við nýjum öryggisþætti. Netbankinn verður að mestu leyti óbreyttur, nema hvað að einn öryggisþáttur bætist við sem virkar á bak við tjöldin til að vernda aðgang þinn að bankanum. Með nýja öryggisþættinum kann einstaka sinnum að vera óskað eftir að þú staðfestir hver þú ert áður en haldið er áfram. Þannig getur þú notað netbankann af meiri öryggi.

Vegna þess að kerfið byggir á mynsturgreiningu milli nútíðar og fortíðar þar sem litið er til hundruða þátta, annars vegar í aðgerðum notanda og hins vegar í aðstæðum hans. Óprúttinn aðili með ólíklega aðgerð þarf að svara öryggisspurningunum þínum rétt eða svara símtali í einu af þeim símanúmerum sem þú gafst upp áður en hann fær aðgang að netbankanum þínum eða lýkur sviksamlegum viðskiptum.

Í þessu tilfelli rétt sem öðrum þá er Landsbankanum umhugað um verndun persónuupplýsinga. Landsbankinn hefur ekkert aðgengi að þeim upplýsingum sem safnað er og hefur því ekki möguleika á að vinna upp úr gögnunum. Upplýsingunum eru eingöngu ætlað til þess að koma auga á óhefðbundna hegðun og vernda notendur netbankans þannig að bankaþjónustan á netinu sé eins örugg og unnt er. Landsbankinn tilkynnti fyrirhugaða vinnslu til Persónuverndar og hefur hún ekki gert athugasemdir.

Sem viðskiptavinur bankans þekkjum við hvernig þú berð þig að í viðskiptum við bankann: hvernig færslurnar eru, hvenær og hvaðan. Ef við verðum vör við atferli sem ekki líkist hefðbundinni hegðun þinni, munum við óska eftir að þú gerir grein fyrir þér, svo við getum verið viss um að það sért þú en ekki einhver annar sem hefur fengið aðgang að netbankanum þínum. Slíkt mun aðeins gerast einstaka sinnum. Að öllu jöfnu verða engar beiðnir um viðbótarupplýsingar. Við gætum til dæmis óskað eftir staðfestingu þess að þú sért í raun og veru að reyna að fá aðgang en ekki einhver annar ef einhver reynir að skrá sig inn með þínu notandanafni og aðgangsorði úr tölvu í öðru landi skömmu eftir að þú skráir þig út úr tölvunni sem þú notar venjulega heima.

Þú mátt búast við að fá beiðni á næstunni í netbankanum um að tilgreina viðbótarupplýsingar. Þar á meðal gæti verið að velja nokkrar öryggisspurningar sem aðeins þú kannt svarið við, ásamt því að gefa upp símanúmer þar sem hægt er að ná í þig á meðan þú ert í netbankanum. Þegar það hefur verið gert er kominn nýr öryggisventill í netbankann þinn.

Nýja öryggiskerfinu fylgir enginn kostnaður fyrir viðskiptavini frá hendi Landsbankans. Landsbankinn vill þó benda á að ef viðskiptavinur notar íslenskt farsímanúmer í útlöndum og er beðinn um að auðkenna sig í netbankanum símleiðis, tekur viðkomandi símafyrirtæki gjald fyrir móttöku símtalsins samkvæmt gjaldskrá.

Það verður aðeins beðið um viðbótarupplýsingar þegar tiltekin aðgerð eða færsla virðist vera óvenjuleg eða stangast á við hefðbundna hegðun þína í netbankanum. Einnig verður þú beðin(n) um að setja inn upplýsingarnar þínar þegar þú ert fyrst beðin(n) um að veita þínar öryggisupplýsingar.

Ef vart verður við hegðun sem er óvenjuleg eða ekki dæmigerð verður þú beðin(n) að svara sjálfvirku símtali. Þú gætir einnig verið beðin(n) um að svara nokkrum af öryggisspurningunum sem þú valdir.

Hegðun telst óvenjuleg eða ekki dæmigerð ef eitthvað við hana virðist ekki samræmast því hvernig og hvaðan þú sinnir venjulega bankaviðskiptum þínum í netbankanum. Ef aðgerðin sem beðið er um virðist ekki dæmigerð fyrir þig, verður þú beðin(n) um nánari upplýsingar til að staðfesta að það sért þú en ekki einhver annar aðili sem er að nota netbankann í leyfisleysi.

Öryggiskerfið miðar við þætti eins og hvaða færslum þú sinnir venjulega í netbankanum, hvernig tölvur þú notar yfirleitt til að komast í netbankann eða hvaða öryggisstillingar eru yfirleitt á tölvunni þinni. Hundruðir þátta eins og þessir mynda lýsingu sem er einstök fyrir þig og gerir okkur kleift að skera úr um hvort sá sem er að nota netbankann þinn sé í raun og veru þú

Nei, aðeins þegar vart verður við óvenjulega notkun eða hegðun sem ekki er dæmigerð fyrir þig. Að öllum líkindum mun það gerast mjög sjaldan.

Þú þarft aðeins að setja upp öryggisferlið einu sinni, eftir það virkar það sjálfkrafa. En í því felst að þú nýtur ávallt verndar — bæði þegar þú ert í netbankanum og það sem er enn mikilvægara, þegar þú ert ekki að nota netbankann.

Já. Persónuupplýsingar þínar eru öruggari en áður vegna þess að við erum að ganga úr skugga um að það sé ekki einhver í leyfisleysi að reyna að fá aðgang að upplýsingunum þínum.

Já, það er hægt. Kerfið skiptir út séríslenskum stöfum þegar þörf krefur, o er ígildi ö, a er ígildi á o.s.frv.

Ef vart verður við hegðun sem er óvenjuleg eða ekki dæmigerð verður þú hugsanlega beðin(n) að svara sjálfvirku símtali. Þegar þú svarar símanum verður þú beðin(n) að tilgreina kóðann sem birtist þá á tölvuskjánum til að bera kennsl á þig. Símanúmer verða ekki seld þriðja aðila, né verða þau notuð til að hafa samband við þig vegna tilboða og kynninga.

Það þarf að vera að minnsta kosti eitt símanúmer en við hvetjum þig til að gefa upp allt að þrjú símanúmer. Ef við þurfum að bera kennsl á þig, gætir þú fengið sjálfvirkt símtal í eitt af þeim símanúmerum sem þú gafst upp. Það er mikilvægt að gefa upp númer þar sem hægt er að ná í þig á meðan þú ert að nota netbankann. Til dæmis, ef þú notar netbankann í vinnunni ættirðu að gefa upp vinnusíma eða farsíma í vinnunni svo hægt sé að ná í þig þar. Það tryggir að þú getir haldið áfram í netbankanum án nokkurra óþæginda.

Ef þú þarft að skipta um símanúmer skaltu annað hvort breyta því í stillingum netbankans eða hafa samband við þjónustuver bankans. Þegar þú notar netbankann gætu komið af og til beiðnir um að þú staðfestir að upplýsingar þínar séu réttar.

Ef ekki er hægt að ná í þig í þeim númerum sem þú gafst upp skaltu hafa samband við þjónustuver bankans.

Stöku sinnum óskum við eftir að þú staðfestir að upplýsingarnar sem við erum með séu réttar, til að hámarka öryggi þitt og þægindi við notkun netbanka Landsbankans.

Ef notandanafni þínu og aðgangsorði er stolið, verður þjófurinn að svara öryggisspurningunum þínum rétt eða svara símtali í einu af þeim símanúmerum sem þú gafst upp áður en hann fær aðgang að netbankanum þínum eða lýkur sviksamlegum viðskiptum. Ef notandinn getur ekki veitt þær upplýsingar, eða ef ekki næst í hann í síma, verður lokað á hann. Með þessum viðbótum hámörkum við öryggi í netbankanum þínum, um leið og þín eigin upplifun verður þægilegri.

Það er mjög gott að þú farir oft inn í netbankann. Það er ávallt skynsamlegt að fylgjast reglulega með hvort óvenjulegar færslur birtist í netbankanum (eins og greiðslur sem þú hefur ekki innt af hendi). Þessi öryggisþjónusta auðveldar að koma í veg fyrir að slík atvik eigi sér nokkurn tíma stað og að allt sé eins og það á að vera þegar þú kannar stöðuna.

Það er gott að þú skulir nota veiruvörn og einkaeldvegg. Gættu þess að sá hugbúnaður sé ávallt uppfærður til að vörn gegn veirum, Trójuhestum og tölvuhökkurum sé eins góð og vera má. Þessi nýja öryggisráðstöfun verndar gegn annars konar ógn, eins og stolnu notandanafni og aðgangsorði. Það virkar með öðrum öryggishugbúnaði þínum, en kemur ekki í staðinn fyrir hann.