Beinn stuðningur við samfélagið er liður í stefnu bankans um samfélagslega ábyrgð. Stuðningur úr samfélagssjóði kemur til viðbótar við fjölbreytt samstarfsverkefni bankans á sviði mannúðarmála, menningar, menntunar, nýsköpunar og íþrótta um land allt.

Það er stefna Landsbankans að leita til fagfólks um dómnefndarstörf og skipar það meirihluta í öllum dómnefndum. Tímasetningar um úthlutunarfrest allra styrkveitinga árið 2013 liggja fyrir. Opnað verður fyrir umsóknir jafnóðum. Allir umsækjendur þurfa að fylla út sérstakt umsóknareyðublað og senda með umsókn sinni.

Landsbankinn veitir fimmtán milljónum króna í samfélagsstyrki í ár. Samfélagsstyrkjunum er ætlað að styðja við verkefni á ýmsum sviðum, þar á meðal á sviði mannúðarmála, menningar og lista, menntunar, rannsókna og vísinda, forvarnar- og æskulýðsstarfs og sértækrar útgáfustarfsemi. Umsóknarfrestur var til 13. maí 2013. Stefnt er að úthlutun í júlí og er öllum umsækjendum svarað.

Veittir eru styrkir í þremur þrepum:

• 1.000.000 kr.
• 500.000 kr.
• 250.000 kr.

Nánar um samfélagsstyrki

Landsbankinn veitir veglega námsstyrki á hverju ári. Styrkirnir eru fimmtán talsins og heildarupphæð nemur 5.400.000 kr. Umsóknarfrestur rann út mánudaginn 18. mars 2013. Stefnt er að úthlutun í júní og er öllum umsækjendum svarað. Styrkirnir skiptast þannig:

• 3 styrkir til framhaldsskólanáms, 200.000 kr. hver.
• 3 styrkir til iðn- og verknáms, 350.000 kr. hver.
• 3 styrkir til háskólanáms (BA/BS/BEd), 350.000 kr. hver
• 3 styrkir til framhaldsnáms á háskólastigi, 450.000 kr. hver
• 3 styrkir til listnáms, 450.000 kr. hver

Nánar um námsstyrki

Markmið nýsköpunarstyrkja er að gefa frumkvöðlum tækifæri til að þróa nýja viðskiptahugmynd, eldri viðskiptahugmynd á nýju markaðssvæði eða nýja vöru eða þjónustu. Þeim er einnig ætlað að styðja frumkvöðla til kaupa á efni, tækjum eða þjónustu eða sækja námskeið. Umsóknarfrestur rennur út mánudaginn 2. september 2013. Stefnt er að úthlutun í nóvember og er öllum umsækjendum svarað.

Heildarupphæð styrkja nemur allt að 15.000.000 kr. sem veittir verða í tveimur þrepum.

• Hærri styrkir – 500.000-2.000.000 kr.
• Lægri styrkir – 200.000-500.000 kr.

Nánar um nýsköpunarstyrki

Umhverfisstyrkjum er ætlað að styðja við verkefni á sviði umhverfismála og náttúruverndar. Styrkir til umhverfismála byggja á stefnu bankans um samfélagslega ábyrgð hans og skyldur. Heildarupphæð umhverfisstyrkja nemur 5.000.000 kr. og eru veittir í tveimur þrepum. Umsóknarfrestur var til 6. maí 2013. Stefnt er að úthlutun í júní og er öllum umsækjendum svarað.

Heildarupphæð styrkja nemur 5.000.000 kr. sem veittir verða í tveimur þrepum.

• 500.000 kr.
• 250.000 kr.

Nánar um umhverfisstyrki

Landsbankinn veitir afreksstyrki annað hvert ár og næsta úthlutun verður árið 2014. Afreksstyrkir eru ætlaðir til styðja við bakið á afreksfólki sem iðkar einstaklingsíþróttir. Einnig verða veittir styrkir til ungs íþróttafólks sem á framtíðina fyrir sér. Heildarupphæð styrkja nemur 3.000.000 kr. Umsóknarfrestur verður kynntur síðar.

• 6-10 styrkir allt að 300.000-500.000 kr.
• 2-3 styrkir allt að 100.000-200.000 kr.

Nánar um afreksstyrki

Við vekjum athygli á því að hægt er að senda inn almenna styrkbeiðni ef umsókn fellur ekki að skilgreiningu samfélagssjóðs.

Senda almenna styrkbeiðni